KORONAVİRUSA YOLUXANLARIN SAYI - CANLI STATİSTİKA

Bakıda 3D-Print konfransı keçirilib — FOTOLAR

Bakıda 3D-Print konfransı keçirilib
16:36
13.02.2015
3717
Ölkə
A

Bakıda möhtəşəm tədbir baş tutub.

Ölkə.Az xəbər verir ki, Bakıda ilk dəfə olaraq 3D-Print konfransı keçirilib.

Üçölçülü çap texnologiyaları aləmində möhtəşəm sayılan bu tədbirdə Azərbaycan, Rusiya, Türkiyə və Tailandı təmsil edən ekspertləri, alimləri, araşdırıcıları, çap işinin gələcək inkişafı ilə maraqlanan bütün şəxslər iştirak edib.

Saat 10:00-dan 18:00-da qədər davam edən konfransda 3D-texnologiyaların istehsalata, təbabətə, biznesə tətbiqi prosesi, bu texnologiyalardan zərgərlik, moda, yeyinti sənayesi, arxitektura və digər sahələrdə istifadə olunması kimi məsələlər müzakirə edilib. Azərbaycan bu tədbirdə "İnter-Technics", "3D Project", "Naz Group" və s. şirkətləri ilə təmsil olunub.

Konfransın əsas sualları isə aşağıdakılar olub:

3D texnologiyalarını sənayedə necə həyata keçirmək olar, və necə pul qazanmaq olar?
3D-printerləri tibbdə necə istifadə etmək olar?
Zərgərlikdə, modada, ərzaq və memarlıqda 3D texnologiyasının tətbiq perspektivləri hansılardır ?
3D texnologiyaları Azərbaycanda təhsili və elmi necə dəyişdirəcək?

Konfansın gedişatında 3D-modelləşdirmə mövzusunda təqdim olunan məruzələrlə yanaşı, 3D-avadanlıqların və onların iş prinsipi qonaqlara nümayiş etdirilib.

Ölkə.Az olaraq Bakıda ilk dəfə keçirilən 3D-Print konfransından bəzi görüntüləri təqdim edirik:

 

Rəşid Mustafazadə

Çinarə Vahabzadə

Ölkə.Az

ŞƏRH YAZ
0

Bu ticarət obyektlərində sanitar-epidemioloji tələblərə əməl olunmur — FOTOLAR

Bu ticarət obyektlərində sanitar-epidemioloji tələblərə əməl olunmur
20:35
Bu gün
2026
Ölkə
A
İqtisadiyyat Nazirliyi fəaliyyətinə icazə verilmiş iş və xidmət sahələrində Azərbaycan Respublikası Nazirlər Kabinetinin qərarları ilə müəyyən olunmuş xüsusi karantin qaydalarına, Nazirlər Kabineti yanında Operativ Qərargahın müəyyənləşdirdiyi zəruri sosial davranış qaydalarına və sanitar-epidemioloji tələblərə əməl edilməsinə nəzarətin gücləndirilməsi məqsədilə monitorinqləri davam etdirir.

"Ölkə.Az" bildirir ki, nazirlikdən verilən məlumata görə, qurumun əməkdaşlarından, aidiyyəti dövlət qurumlarının nümayəndələrindən ibarət monitorinq qrupları Bakı şəhərində və ölkə regionlarında fəaliyyət göstərən iş və xidmət sahələrində, istehsal müəssisələrində zəruri sosial davranış qaydalarına və sanitar-epidemioloji tələblərə əməl olunması vəziyyətini araşdırıb.

Ümumilikdə, mayın 22-dən 30-dək 1592 sahibkarlıq subyektində monitorinq keçirilib və 744 obyektdə 2459 tələblərin pozulması halı qeyd alınıb.

Suraxanı rayonunda “OBA Market”də, “Park Restoran”da, “Şeyx Dönər”də, “Qoç Ət”də, Binəqədi rayonunda “Telefon təmiri” xidmət obyektində, “Bəyaz Boutique”, “Nar market” mağazalarında, “Şəfa” və “Buta Nəbz” apteklərində, Sabuncu rayonunda "Mazra-Z" MMC-yə məxsus mağazada, “Koala uşaq aləmi”, “Al Market”, “I Love Tbilisi” pərakəndə ticarət obyektlərində, “Vita Aptek”də, Səbail rayonunda “Optimal Elektronika” MMC-nin “Optimal” mağazasında, həmçinin “Optika”, “Mimiso”, “Buta”, “Bantik parfum”, “Meyvə Tərəvəz kənd məhsulları” ticarət obyektlərində, “Mixək” qida məhsulları mağazasında, “Men Stayle” xidmət obyektində, “Keyfi-Et” və “Pizza Da Roma” restoranlarında, Nəsimi rayonunda “Tozlu” geyim mağazasında, “Las Veqas”, “Texno computer”, “Milli cake House”, “AEM Elektron”, “Podyum qadın geyimləri” mağazalarında, Qaradağ rayonunda “Mebel təmiri” xidmət obyektində, “Ləvəngi” kafesində, “Pivə Shop”da, “Uluxanlı Market”də, Xətai rayonunda “Baby Boom” və “Sunday Baby” uşaq mağazalarında, “Naya” geyim mağazasında, “Metro Market”də, “Bərəkət” və “Fantaziya” şirniyyat mağazalarında, “33 kafe xəngəlxana”, “Kunde” ictimai iaşə obyektlərində, “Mini meyvəli bazar”da, Xəzər rayonunda “İNCİ-23” MMC-nin “Andro med” xidmət obyektində, Rövşən Ələkbərova məxsus “Foto xidmət”də, Yasamal rayonunda “Topuzlar Az” MMC-yə məxsus “Özdilek Ev Tekstli”, “Uşaq aləmi” MMC-yə məxsus “Mothercare” mağazalarında, Nizami rayonunda “AEM Elektronika”, “Superfon” mağazalarında, “Foto Fokus” xidmət obyektində, Abşeron rayonunda “ST telecom”, “Məktəbli”, “Alisa uşaq geyimləri”, “Cehiz Aləmi”, “Euro sport”, “Karvan Market”, “Fəxri market” mağazalarında, “Mister Kişi salonu”, “Full Telecom”,  “Maxx New York” xidmət obyektlərində, “Osmanlı Dönər”, “Street Food”, “Döner kabab”, “Divan restoran”, “Şah doner”, “Dəfnə Lahmacun” ictimai iaşə obyektlərində, “Bərbər” bərbərxanasında, Gəncə şəhərində “Elay Parfum”, “Bazar Store” mağazalarında, “Nuş Olsun”, “Kolorit kafe”, “Cafe De Paris” ictimai iaşə obyektlərində, Yevlax rayonunda “Optimal Elektronika” və “Brend mallar” mağazalarında, “Dönər №1”-də, “Gənclik” çay evində, Xaçmaz rayonunda “Elit Otel”, “Aysberq Otel”, “Retro” otellərində, “Həyat”, “Dosso-Dossi”, “Qayalı” mağazalarında, “Yaprak Tantuni” ictimai iaşə obyektində, Şamaxı rayonunda “Fayton market”, “Yeni stil”, “Snikers market”, “AL market”, “Bizim market”, “Aura market” mağazalarında, “Delfin kafe”də, Lənkəran rayonunda “Qutabçı” ictimai iaşə obyektində, “Həzrət”, ”OBA” mağazalarında, “Otel Səda” turizm obyektində, Qax rayonunda “İdeal+” və “Babək-99” mağazalarında, “Foto Əfsanə” xidmət obyektində, Bərdə rayonunda “Laçın inşaat”, “Hello Baby”, “Lady Style” mağazalarında və s. zəruri sosial davranış qaydalarına və sanitar-epidemioloji tələblərə əməl olunmaması halları müəyyən edilib.

Monitorinqlər zamanı sahibkarlarla maarifləndirici söhbətlər aparılıb, müvafiq metodiki göstərişlər paylanılıb, Azərbaycan Respublikası Nazirlər Kabinetinin qərarları ilə müəyyən olunmuş xüsusi karantin qaydalarına, Nazirlər Kabineti yanında Operativ Qərargahın müəyyənləşdirdiyi zəruri sosial davranış qaydalarına və sanitar-epidemioloji tələblərə tam əməl olunması, qabaqlayıcı profilaktik tədbirlərin görülməsi zərurəti bir daha diqqətə çatdırılıb.

ŞƏRH YAZ
0

Milli Məclis sabah tibbi maska taxmamağa görə cərimələri müzakirə edəcək

Milli Məclis sabah tibbi maska taxmamağa görə cərimələri müzakirə edəcək
19:23
Bu gün
2547
Ölkə
A
Milli Məclisin növbədənkənar sessiyasının ilk iclasının gündəliyinə bir məsələ daxil edilib.

"Ölkə.Az" bildirir ki, bu barədə Oxu.Az-a parlamentin Mətbuat və ictimaiyyətlə əlaqələr şöbəsindən məlumat verilib.

Milli Məclisin iyunun 1-də keçiriləcək iclasında İnzibati Xətalar Məcəlləsinə dəyişiklik ikinci oxunuşda müzakirəyə çıxarılacaq.

Qeyd edək ki, İnzibati Xətalar Məcəlləsinə təklif edilən dəyişikliyə əsasən, tibbi maska taxmamağa görə cərimələr müəyyənləşir. Layihəyə əsasən, epidemiya əleyhinə, sanitariya-gigiyena və karantin rejimləri dövründə tənəffüs yollarını qoruyan fərdi vasitələrdən istifadə ilə bağlı müvafiq icra hakimiyyəti orqanı tərəfindən müəyyən edilən tələblərin pozulmasına görə cərimələr müəyyən olunur.

Həmin tələblərin pozulmasına görə fiziki şəxslər 50 manat məbləğində, vəzifəli şəxslər 100 manat, hüquqi şəxslər 200 manat məbləğində cərimə ediləcək. Bu xətanın inzibati tənbeh almış şəxs tərəfindən inzibati tənbeh vermə haqqında qərar qüvvəyə mindiyi gündən epidemiya əleyhinə, sanitariya-gigiyena və karantin rejimləri dövrü başa çatanadək təkrar törədilməsinə görə fiziki şəxslər 100 manat, vəzifəli şəxslər 200 manat, hüquqi şəxslər isə 400 manat məbləğində cərimələnəcək.

ŞƏRH YAZ
0
BAĞLA