Bakıda 600 kq-dan artıq narkotik dövriyyədən çıxarıldı

Bakıda 600 kq-dan artıq narkotik dövriyyədən çıxarıldı
18:37
20.06.2019
1754
Ölkə
A
Daxili işlər orqanları tərəfindən kultivasiya yolu ilə yetişdirilən narkotik tərkibli bitkilərin aşkar edilməsi istiqamətində tədbirlər uğurla davam etdirilir.

DİN-dən "Ölkə.Az"a verilən məlumata görə, Xətai Rayon Polis İdarəsinin Cinayət axtarış şöbəsi və Narkotiklərlə mübarizə bölməsi əməkdaşlarının həyata keçirdikləri əməliyyat nəticəsində narkotik vasitələrin qanunsuz dövriyyəsi ilə məşğul olan əvvəllər məhkum olunmuş Denis Ardatyev saxlanılıb.

Onun üzərində şəxsi axtarış aparılan zaman narkotik maddə - marixuana aşkar olunaraq götürülüb. D.Ardatyev ilkin sorğu zamanı bildirib ki, bir neçə gün əvvəl Xəzər rayonu, Buzovna qəsəbəsində tanımadığı şəxsin hasarının çöl tərəfinə əyilmiş spesifik iyi olan bitki yarpağının bir neçəsini yığıb və özündə saxlayıb.

İdarə əməkdaşlarının həmin ünvanda keçirdikləri əməliyyat zamanı ev sahibi pataxt sakini Eldəniz Rüstəmov da tutulub. Onun həyətyanı sahəsində olan istixanaya baxış keçirilən zaman kultivasiya yolu ilə yetişdirilən ümumi çəkisi 556 kiloqram olan 1206 ədəd narkotik tərkibli çətənə kolu, eləcə də 65 kiloqram qurudulmuş marixana kütləsi aşkar edilərək götürülüb. E.Rüstəmov ifadəsində narkotik tərkibli bitkiləri mart ayında əkdiyini və xüsusi qulluq edərək yetişdirdiyini etiraf edib. Onun məqsədi isə çətənə kollarını qurudandan sonra satmaq olub. Axtarış zamanı E.Rüstəmovun idarə etdiyi “Saipa” markalı avtomobildən də əlavə olaraq siqaret qutusunun içində qablaşdırılan 2 qram marixuana aşkar edilərək götürülüb.

Faktla bağlı Xətai RPİ-də cinayət işi başlanılıb, əməliyyat və istintaq tədbirləri davam etdirilir. 

Ölkə.Az

ŞƏRH YAZ
0

Şəhid ailəsinin toyunda Manaf oxudu, Hadi Rəcəbli oynadı — VİDEO

Şəhid ailəsinin toyunda Manaf oxudu, Hadi Rəcəbli oynadı
05:09
Bu gün
2377
Ölkə
A

Bu gün keçirilən şəhid ailəsinin toy mərasimində ictimaiyyətin tanınmış simaları iştirak edib.

“Yeni Sabah” xəbər verir ki, aparıcı Elgiz Əkbər bu barədə “İnstagram” hesabında görüntü paylaşıb. Müdafiə Nazirliyinin zabit heyəti, sabiq deputatlar Hadi Rəcəbli, Hüseynbala Mirələmov, tanınmış vəkil Şəfiqə Nağıyeva, teleaparıcı Elgiz Əkbər və digər məşhur simalar bu şad gündə iştirak ediblər. Bəy və gəlin, zala Azərbaycan Dövlət Himninin sədaları altında daxil olub.

Toyu tanınmış müğənni Manaf Ağayev idarə edib.

Elgiz Əkbər qeyd edib ki, bəy atasını itirib və onun hər iki əmisi Qarabağ müharibəsində şəhid olub. Aparıcı toyda iştirak edənlərə xüsusi minnətdarlıq edib:

“Səsimizə səs verib toyda iştirak edənlərə, təşəkkür bildiririk”.

Həmin görüntüləri təqdim edirik:

ŞƏRH YAZ
0

Bakıda evdən 79 yaşlı kişi meyiti tapılıb

Bakıda evdən 79 yaşlı kişi meyiti tapılıb
00:00
Bu gün
3793
Ölkə
A
Nərimanov rayonunda mənzildən kişi meyiti aşkar edilib.

"Ölkə.Az" xəbər verir ki, Fövqəladə Hallar Nazirliyinin (FHN) "112" qaynar telefon xəttinə Bakı şəhərinin Nərimanov rayonunda 1 nəfər bağlı qapı arxasında köməksiz vəziyyətdə qalması barədə məlumat daxil olub.

Hadisə yerinə cəlb olunan Xüsusi Riskli Xilasetmə Xidmətinin müvafiq xilasetmə qüvvələri mənzilin giriş qapısını açıb və orada aşkarlanan 1940-cı il təvəllüdlü Atakişiyev Qorxmaz Ələkbər oğlunun meyitini aidiyyəti üzrə təhvil veriblər.

Araşdırma aparılır.

Natiq Allahverdiyev
Ölkə.Az

 

ŞƏRH YAZ
0
BAĞLA