Bakıda 65 yaşlı kişini mağazada qətlə yetirən şəxslər TUTULDU

"Ölkə.Az" xəbər verir ki, iyunun 1-də səhər saat 6 radələrində 65 yaşlı Hüseyn Əhmədovun paytaxtın Sabunçu rayonu Kürdəxanı qəsəbəsi ərazisində yerləşən işlədiyi mağazanın anbarında üzərində zorakılıq əlamətləri olan meyitinin aşkar edilməsi barədə Sabunçu RPİ-nin 15-ci Polis Bölməsinə məlumat daxil olmuşdur.

Dərhal rayonun polis və prokurorluq orqanlarının əməkdaşları tərəfindən müvafiq tədbirlər həyata keçirilmişdir. Hadisə yerinə baxış keçirilən zaman mağazanın seyfindən 40 min manat məbləğində pul vəsaitinin oğurlandığı müəyyən edilmişdir.

Faktla bağlı Cinayət Məcəlləsinin müvafiq maddələri ilə cinayət işi başlanmışdır.

Təxirəsalınmaz istintaq və əməliyyat-axtarış tədbirləri nəticəsində bu cinayət əməlini törətməkdə şübhəli bilinənlər - Tərtər rayon sakini F.Yusifli və Kürdəmir rayon sakini S.Cəlalov saxlanılmışlar. Onlardan qeyd edilən pul və müşahidə kamerasının yaddaş bloku maddi sübut kimi götürülmüşdür.

Ölkə.Az