Bakıda "AA" seriyalı avtomobil piyadanı keçiddə vurdu

Bakıda
16:56
17.10.2017
323
Hadisə
A
Bu gün saat 11:25 radələrində Bakıda daha bir piyadavurma hadisəsi baş verib.

"Ölkə.Az" Avtosfer.az-a istinadən xəbər verir ki, Yasamal rayonu, Mikayıl Müşfiq küçəsi, 15/17 ünvanının qarşısında "Jeep" markalı, 90 AA 707 dövlət nömrə nişanlı, avtomobil yolu keçən piyadanı vurub. 

Hadisə piyada keçidinin üstündə baş verib. 

Yolu keçməkdə olan 20 yaşlı qız həmin avtomobil tərəfindən yolun əks tərəfində, keçidin üstündə vurulub. Zərbənin təsirindən 10 metr irəli düşən piyada başından ağır xəsarət alıb, hadisə yerində olan vətəndaşların köməyilə sürücü yaralını avtomobilə qoyaraq, xəstəxanaya aparıb. 

Şahidlər bildirir ki, 20 nömrəli məktəb tərəfdən yüksək sürətlə gələn "Jeep"in sürücüsü keçiddə yolu keçən piyadaya yol verən avtomobillərin dayandığını gördükdə, avtomaşını dayandıra bilməyib. Qarşıdakı avtomaşınla düzgün ara məsafəsi saxlamayan sürücü toqquşmadan yayınmaq üçün qarşı yola çıxıb. Bu zaman keçiddə olan qızı vurub.

ŞƏRH YAZ
0

Məhkəmədən moldovalı hakerə ağır cəza

Məhkəmədən moldovalı hakerə ağır cəza
16:34
Bu gün
181
Hadisə
A
Bakı Ağır Cinayətlər Məhkəməsində Moldova vətəndaşı Petroviç Sergey Aksentiyeviçin CM-nin 177.3.2-ci (oğurluq, külli miqdarda ziyan vurmaqla törədildikdə) və 273.4-cü (elektron hesablayıcı maşınların (EHM), EHM sisteminin və ya onların şəbəkələrinin istismarı qaydalarını pozma) maddələri ilə təqsirləndirilməsinə dair cinayət işi üzrə məhkəmə baxışı başa çatıb.

"Ölkə.Az"ın məlumatına görə, ittiham aktına əsasən, Azərbaycan Respublikasından kənarda fəaliyyət göstərən mütəşəkkil kibercinayətkar qrup tərəfindən ölkə banklarının kompüter sisteminə internet şəbəkəsi vasitəsilə qanunsuz müdaxilə edilməsi, pul vəsaitlərinin köçürülməsi, bankomatlardan təmassız pul çıxarılması və sair əməliyyatlarla ümumilikdə 3.000.000 manatdan artıq vəsaitin oğurlanması faktı üzrə Dövlət Təhlükəsizliyi Xidmətində (DTX) cinayət işi başlanıb.

İstintaq-əməliyyat tədbirləri nəticəsində beynəlxalq kibercinayətkar qrupun üzvü Petroviç Sergey Aksentiyeviç Azərbaycan hüdudularından kənarda saxlanılıb.

Ötən il dekabrın 30-da o, Azərbaycana ekstradisiya edilib.

Müəyyən edilib ki, Sergey Petroviç bankomatlara kart daxil etmədən 2017-ci ilin 12-15 iyul tarixində 1 milyon 464 min 50 manat məbləğində pul çıxarıb. 

Məhkəmənin hökmü ilə təqsirləndirilən şəxs 10 il müddətinə azadlıqdan məhrumetmə cəzasına məhkum olunub. 

ŞƏRH YAZ
0

Dəniz yenə can aldı

Dəniz yenə can aldı
14:08
Bu gün
543
Hadisə
A
Hadisə Binəqədi rayonunda Fətmayi çimərliyində qeydə alınıb.

 “Ölkə.Az”ın məlumatına görə, 1960-cı il təvəllüdlü Tərlan Hüseynov dənizdə çimərkən boğulub. 58 yaşlı kişinin meyiti xilasedicilər vasitəsi ilə dənizdən çıxarılıb. Meyit müayinə olunmaq üçün Məhkəmə Tibbi Ekspertiza və Pataloji Anatomiya Birliyinin Binəqədi rayon şöbəsinə təhvil verilib. 

Faktla əlaqədar Binəqədi rayon prokurorluğunda araşdırmalara başlanılıb.

ŞƏRH YAZ
0
BAĞLA