Bakıda Adriano Çelentano Festivalının açılışı keçirilib

Bakıda Adriano Çelentano Festivalının açılışı keçirilib
23:35
10.09.2018
12310
Mədəniyyət
A
Bakıda İtaliyanın Azərbaycandakı səfirliyinin dəstəyi ilə Adriano Çelentanonun 80 illiyinə həsr olunmuş açıq hava festivalının rəsmi açılışı keçirilib.

"Ölkə.Az" xəbər verir ki, rəsmi açılış zamanı İtaliya səfiri Auqusto Massari, Azərbaycanın əməkdar artisti Hüsniyyə Mürvətova, Azərbaycanda yaşayan italyanlar və Çelentanonun yerli pərəstişkarları iştirak edib.

Azərbaycanın əməkdar artisti Hüsniyyə Mürvətova Adriano Çelentano yaradıcılığının nəinki bir nəsilin, bir neçə nəsilin yetişdirilməsində böyük xidmətinin olduğunu vurğulayıb. O, Adriano Çelentanonun filmlərində İtaliyanın özünəməxsusluğunu, İtaliya temperamentinin və İtaliya yumorunun çox gözəl çatdırıldığını vurğulayaraq, Azərbaycan və İtaliya xalqlarının nə dərəcədə bir-birinə yaxın və mehriban olduğunu qonaqların diqqətinə çatdırıb. Daha sonra isə qonaqlar festivalın ilk “İnadkarın ram edilməsi” filmini izləyiblər.

Qeyd edək ki, 9-13 sentyabr 2018-ci il tarixlərində Bakıda Adriano Çelentanonun 80 illik yubileyinə həsr olunan “Adriano Çelentano Açıq Hava Film Festivalı” keçirilir.

İtaliya səfirliyi tərəfindən təşkil edilən festivalda, Adriano Celentanonun çəkildiyi “Blef”, “Dəlicəsinə aşiq olan”, “Tuz”, “İnadkarın ram edilməsi” “Məxmər əllər” kimi ən məşhur və sevilən filmləri təqdim olunacaq.

Aktyor, müğənni, bəstəkar, rejissor və şoumen kimi tanınan Adriano Çelentano 1938-ci ildə Milanda doğulub.

Ölkə.Az

ŞƏRH YAZ
0

Niyaməddin Musayev Heydər Əliyevlə ilk görüşündən DANIŞDI

Niyaməddin Musayev Heydər Əliyevlə ilk görüşündən DANIŞDI
11:08
Bu gün
183
Mədəniyyət
A
Bu gün Ulu Öndər Heydər Əliyevin anım günüdür. O, 2003-cü il 12 dekabrda əbədiyyətə qovuşub.

"Ölkə.Az" xəbər verir ki, xalq artisti Niyaməddin Musayev Xəzər televiziyasının səhər proqramında Heydər Əliyevlə ilk görüşündən danışıb. 

"Heydər Əliyev Naxçıvana qayıdanda mən Azərbaycan Konsert Birliyində çalışırdım. Öz təşəbbüsümlə Afiyəddin Cəlilovla əlaqə yaratdım. O vaxt o, Naxçıvanda idi.  Söylədim ki, mən öz ansamblımla Naxçıvanda konsert vermək istəyirəm. Beləliklə, mən Heydər Əliyevlə görüşə getdim. Afiyəddin Cəlilovla yenidən əlaqə yaradıb soruşdum ki, mən gələndə Ulu Öndərlə görüşə biləyəcəmmi? O da mənə dedi ki, gəl, konsert verərsən, Heydər Əliyev sənin mahnılarını çox sevir. Daha sonra görüşərsən. O, mənim ikinci konsertimə təşrif buyurdu. Çox həyacanlıydım. Necə də olmayım axı? Mən birinci dəfə onun qarşısında çıxış edəcəkdim. O, zala daxil olanda bütün xalq ayağa qalxdı. Sona qədər konsertə qulaq asdı. Mən  səhnədən düşüb ona yaxınlaşaraq bir dəstə gül çələngi təqim etdim. Konsertdən sonra mənə dedilər ki, Heydər Əliyev səninlə görüşmək istəyir. Bizim görüşümüz 2 saat çəkdi. Bu vaxt ərzində maraqlı söhbətimiz oldu".

Ölkə.Az

ŞƏRH YAZ
0

Hacıbəylilər nəslinin varisləri Azərbaycan tarixi ilə tanış edildi — FOTOLAR

Hacıbəylilər nəslinin varisləri Azərbaycan tarixi ilə tanış edildi
12:17
09.12.2018
2788
Mədəniyyət
A
Diasporla İş üzrə Dövlət Komitəsinin dəvəti ilə Bakıda səfərdə olan məşhur Hacıbəylilər nəslinin nümayəndələri 8 dekabr tarixində Milli Azərbaycan Tarixi Muzeyində olub.

Komitədən “Ölkə.Az”a daxil olan məlumata görə, muzeyin bələdçisi, Azərbaycan Xalq Cümhuriyyətinin qurucularından olmuş Ceyhun Hacıbəylinin gəlini Paskal Hacıbəyli Buşe və nəvəsi Benjamin Hacıbəylini Azərbaycan tarixini ən qədim dövrdən bu günə qədər əks etdirən ekspozisiya ilə tanış edib.

Qonaqlar Azərbaycanın keçmişini özündə əks etdirən eksponatların tarixi haqqında məlumat əldə edib və neft milyonçusu, mesenat Hacı Zeynalabdin Tağıyevin ev muzeyi ilə də tanış olublar.

Hacıbəylilər daha sonra Qobustan Milli Tarix-Bədii Qoruğunu ziyarət edib. Qonaqlara məlumat verilib ki, ərazidə daş dövründən orta əsrlərə qədərki həyat və məişəti əks etdirən çoxsaylı maddi mədəniyyət nümunələrini əcdadlarımız yaradıblar. Qobustan qayaüstü rəsmləri dünyada bu tipli abidələrdən ən zəngini hesab olunur. Qoruq ərazisində alimlər tərəfindən 6 mindən çox qayaüstü təsvir, 20 mağara və yaşayış yeri, 40 kurqan aşkar edilib və öyrənilib.

Günün sonunda Diasporla İş üzrə Dövlət Komitəsinə gələn Hacıbəylilər Komitə rəhbəri ilə görüşərək səfər təəssüratlarını bölüşüblər və Diaspor TV-nin qonağı olublar.

Dövlət Komitəsinin, Cümhuriyyətin 100 illiyi ilə bağlı həyata keçirdiyi tədbirlər çərçivəsində Azərbaycana gələn Ceyhun Hacıbəylinin varisləri bu gün Parisə yola düşüblər.

Ölkə.Az

ŞƏRH YAZ
0
BAĞLA