“Range Rover”lə “Ford” toqquşdu — Ölənlər var (FOTO)

“Range Rover”lə “Ford” toqquşdu
09:24
13.06.2018
2558
Hadisə
A
Bakının Balaxanı-Mehdiabad yolunun Binəqədi rayonu ərazisinə düşən hissəsində ağır yol qəzası baş verib.

"Ölkə.Az"ın Report-a istinadən verdiyi xəbərinə görə, 37 yaşlı Rahid Məmmədov idarə etdiyi "10-HF-590" dövlət qeydiyyat nişanlı "Ford" markalı avtomobillə üzü Mehdiabad qəsəbəsi istiqamətində hərəkətdə ikən, yüksək sürətlə qəfil qarşısına çıxan "Range Rover"lə toqquşub.

Şahidlərin sözlərinə görə, qəza nəticəsində "Range Rover"in sürücüsü yüngül bədən xəsarətləri alıb. Zərbənin gücündən "Range Rover" yanmağa başlayıb. Əraziyə Fövqəladə Hallar Nazirliyinin Xüsusi Riskli Xilasetmə Xidməti və Yanğından Mühafizə Xidmətinin əməkdaşları cəlb olunub.

"Ford" markalı avtomobildə sıxılıb qalmış 25 yaşlı Orucov Orxan Fikrət oğlu çıxarılıb və "təcili yardım"ın əməkdaşları tərəfindən 3 saylı Kliniki Tibbi Mərkəzə aparılıb. Lakin yaralı yolda dünyasını dəyişib. Sürücü R.Məmmədov isə elə hadisə yerində ölüb.

Meyitlər müayinə olunması üçün Məhkəmə Tibbi Ekspertiza və Patoloji Anatomiya Birliyinin Binəqədi rayon şöbəsinə təhvil verilib.

Faktla bağlı Binəqədi Rayon Polis İdarəsində cinayət işi başlanılıb. İstintaq araşdırmaları aparılır.

ŞƏRH YAZ
1

Goranboyda dəhşətli qəza — İki nəfər yanaraq can verdi

Goranboyda dəhşətli qəza
10:05
Bu gün
741
Hadisə
A
Goranboyda ağır yol-nəqliyyat hadisəsi nəticəsində iki nəfər maşında yanaraq ölüb.

Fövqəladə Hallar Nazirliyindən "Ölkə.Az"a verilən məlumata görə, “Mercedes” markalı yük avtomobili ilə “Ford” markalı minik avtomobilinin toqquşması nəticəsində “Ford”da yanğın baş verib. 

Yanğının kəşfiyyatı zamanı minik avtomobilində şəxsiyyəti bilinməyən iki nəfərin yanmış meyiti aşkarlanıb. Cəsədlər yanğınsöndürənlər tərəfindən nəqliyyat vasitəsindən çıxarılaraq aidiyyəti üzrə təhvil verilib. 

Yük avtomobili yanğından mühafizə olunub. Yanğın yanğından mühafizə bölmələri tərəfindən söndürülüb. 

Hadisə ilə əlaqədar müvafiq qurumlar tərəfindən təhqiqat aparılır.

Ölkə.Az

ŞƏRH YAZ
0

Lənkəranda uşaq su quyusuna düşdü

Lənkəranda uşaq su quyusuna düşdü
22:38
21.03.2019
890
Hadisə
A
Lənkəranda uşaq su quyusuna düşüb.

“Ölkə.Az”ın Oxu.Az-a isitiadən məlumatına görə, hadisə rayonun Haftoni qəsəbəsində baş verib.

2016-cı il təvəllüdlü Zəhra Mail qızı Əliyeva valideynlərin diqqətindən yayınaraq həyətdə dərinliyi 4 metr dolan su quyusuna düşüb.

Valideynlərin köməyi ilə quyudan çıxarılan uşaq dərhal Lənkəran Rayon Mərkəzi Xəstəxanasına çatdırılıb. O, hazırda tənəffüs yollarının obstruksiyası diaqnozu ilə xəstəxananın reanimasiya şöbəsində müalicə alır.

Azyaşlının vəziyyəti orta-ağır qiymətləndirilir.

Ölkə.Az

ŞƏRH YAZ
0
BAĞLA