Bakıda apteklərin yeni — FIRILDAĞI + FOTO

Bakıda apteklərin yeni
21:02
06.12.2017
23161
Ölkə
A
Son zamanlar Bakı şəhərində fəaliyyət göstərən apteklərin çoxu vətəndaşları aldatmaqla və istehlakçıların hüquqlarını pozmaqla məşğuldur. Bəzən apteklər həkimlərin yazdığı dozadan artıq dərman verməklə, bəzən isə reseptlə yazılan dərmanın əvəzinə digər pereparat verməklə qanun pozurlar. Bu hal isə yolverilməzdir.

Belə hallardan biri də dekarın 6-da Binəqədi rayon, Biləcəri qəsəbəsində yerləşən “Aptek – Əlillər” adlı əczaçılıq fəaliyyəti ilə məşğul olan məkanda baş verib. Bu barədə “Ölkə.Az” saytına Cavad Babayev adlı şəxs şikayətində bildirib. Onun sözlərinə görə, həmin aptekdə “Laktol” adlı dərman almaq istəyib. Həkimin yazdığı resept əsasında həmin dərmandan 5 ədəd istəyən C.Babayev kobudluqla qarşılaşıb. Aptekdə çalışan əczaçı qadın müştəriyə həmin dərmandan kəsib verə bilməyəcəyini bildirib.

Onun sözlərinə görə, həmin dərmandan 15 dənə verə bilərlər. Şikayətçi isə bunun qanun pozuntusu olduğunu xatırladıb. Məsələyə aptek müdiri qarışıb və müştəriyə həmin dərmandan 5 ədəd verə bilməyəcəklərini bildirib.

Qeyd edək ki, Bakı şəhərində fəaliyyət göstərən bütün apteklər Tarif Şurasının tətbiq etdiyi qiymətlər əsasında və Səhiyyə Nazirliyinin nəzarəti altında satışa çıxarılmalıdır. Bu zaman vətəndaşa həkimin təyin etdiyi resept əsasında göstərildiyi qədər dərman verilməlidir.

“Ölkə.Az” olaraq məsələyə aydınlıq gətirmək istədik. Həmin apreklə əlaqə saxladıq. Özünü aptekin müdiri kimi təqdim edən Cavid adlı şəxs bildirdi ki, həqiqətən də, “Laktol” adlı dərmandan 5 ədəd verə bilməz. Məsələ ilə əlaqədar Səhiyyə Nazirliyinn (012)5960712 saylı “qaynar xətt” nömrəsinə zəng vurduq. Məsələ barədə bildirdik. Məsələyə dərhal münasibət bildirdilər və nazirliyin Murad adlı əməkdaşı aptek müdiri ilə əlaqə saxladı. Nazirlik əməkdaşı ilə danışan aptek müdiri sonradan həmin dərmandan 5 ədəd kəsib verməyə razı oldu.

Əslində belə hal təkcə C.Babayevin başına gəlmir. Bu kimi olaylar həmişə baş verir. Çox hallarda vətəndaşlar hüquqlarını yaxşı bilmədiklərindən əczaçıların dediklərinə qane olurlar və yazılan dərmandan artıq almağa məcbur olurlar. Bununla da, istehlakçıların hüquqları pozulur və onlar artıq xərcə düşmür olurlar. 

Məsələ ilə əlaqədar Azad İstehlakçılar Birliyinin sədri Eyyub Hüseynov “Ölkə.Az”a açıqlamasında bildirdi ki, qanunvericilikdə apteklərin plastinka dərmanlarının kəsib verməsini qadağan edən bir müddəa yoxdur. Onun sözlərinə görə, bu barədə qanunda hansısa göstəriş də qeydə alınmayıb.

“Həkim xəstəyə reseptlə 1, yaxud 5 ədəd tablet yazıbsa, bu zaman apteklər buna əməl etməlidirlər. İstehlakçıların hüquqlarının müdafiəsi haqqında qanunda göstərilir ki, istehlakçı istənilən mal çeşidindən lazım olan qədər ala bilər. Bütün hallarda bu qanuna söykənmək lazımdır. Aptek rəhbərləri buna əməl etmədikdə, istehlakçıların hüquqlarını pozurlar. İstehlakçıya istəyinə uyğun qədər mal verilməlidir. Əgər sahibkar bu qanunu pozaraq, istehlakçının istəyinə uyğun mal verməkdən imtina edərsə, bu halda vətəndaş istehlakçıların hüquqlarını qoruyan dövlət orqanlarına, Səhiyyə Nazirliyinə və Azad İstehlakçılar Birliyinə müraciət edə bilər”, - deyə E.Hüseynov bildirib. 

Məsələ ilə əlaqədar professor Adil Qeybulla da “Ölkə.Az”a açıqlamasında bildirdi ki, üstü bağlı, elementliyi, adı pozulmayan həblər, tabletlər, kapsullar həkimin təyinatına və alıcının tələbinə uyğun şəkildə verilməlidir. Onun sözlərinə görə, həmin dərmanların sərhəddini həkim təyin edir.

“Siz deyən tablet həkimin təyinatına uyğun olaraq, 5 ədəd verilməlidir. Belə hallarda vətəndaşlar Səhiyyə Nazirliyinin “qaynar xətti”nə müraciət edilməlidir. Apteklərin çoxu özəl mülkiyyət sahibidirlər. Buna baxmayaraq, aptek müdirləri qanunlar çərçivəsindən çıxmamalıdırlar”, - deyə A. Qeybulla bildirib.

Ziya Səccad
Ölkə.Az

ŞƏRH YAZ
0

DYP Mingəçevirdə reyd keçirib, 100-dən çox sürücü saxlanılıb — VİDEO

DYP Mingəçevirdə reyd keçirib, 100-dən çox sürücü saxlanılıb
17:37
09.12.2018
5307
Ölkə
A
Dövlət Yol Polisinin (DYP) əməkdaşları Mingəçevirdə reyd keçirib.

"Ölkə.Az" report-a istinadən bildirir ki, ötən gün səhər saatlarından axşamadək davam edən reyd zamanı DYP əməkdaşları müxtəlif istiqamətlər üzrə iş aparıb.

Öncə sərnişindaşıma ilə məşğul olan mikroavtobuslar saxlanılaraq, normadan artıq sərnişindaşıma, sürücülük vəsiqəsi, yaxud etibarnaməsi olmayan sürücülərin avtobusları idarə edib-etməməsi və digər tələblərin icrasına nəzarət həyata keçirilib. Reyd zamanı etibarnamə və tibbi arayış olmadan sükan arxasına əyləşən sürücülər aşkarlanıb. Onlar müxtəlif bəhanələrlə hadisə yerindən uzaqlaşmağa və ya məsuliyyətdən yayınmağa cəhd göstərib.

Reyd ərzində həmçinin yol hərəkəti qaydalarını pozaraq yollarda təhlükə yaradan velosipedçilər də saxlanılıb. Onlar da öz növbəsində velosiped yollarının olmamasını bəhanə gətirərək vəziyyətdən çıxmağa çalışıb.

Günün sonuna yaxın isə təhlükəsizlik kəmərindən istifadə edilməməsi, nəqliyyat vasitəsini sərxoş vəziyyətdə idarəetmə halları və digər qayda pozulmaları ilə bağlı əməliyyat reydi davam etdirilib. Gün ərzində ümumilikdə 100-dən çox minik avtomobili, sərnişin avtobusunun sürücüsü və velosipedçi saxlanılaraq, 70 sürücü barədə inzibati protokollar tərtib edilib.

Ölkə.Az

ŞƏRH YAZ
0

Azərbaycanda yeni duz yataqları açılacaq

Azərbaycanda yeni duz yataqları açılacaq
17:18
09.12.2018
2579
Ölkə
A
Naxçıvan Muxtar Respublikasının Kəngərli rayonunun ərazisində Böyükduz dağ yatağında yeni yataqların açılmasına yönləndirilmiş işlərə başlamaq planlaşdırılır.

"Ölkə.Az" bildirir ki, bu barədə trend-ə "Naxçıvan Duz İstehsalı" MMC-nin direktoru Anar Əsədullayev bildirib.

Direktorun sözlərinə görə, işlərə gələn ildən başlamaq planlaşdırılır: "İşlərin dəqiq olaraq hansı ay başlayacağını söyləmək çətindir, hər şey hazırda mütəxəssislər tərəfindən dağlıq duz yatağı ərazisində aparılan tədqiqatların nəticələrindən asılı olacaq".

O bildirib ki, MMC-nin orta müddətli planlarına Naxçıvan duzunun satışı üzrə yeni mərkəzlərin açılışı daxildir: "Satışların əsas mərkəzi Bərdədə yerləşir, amma biz həmçinin yaxın yarım ildə satış nöqtələrinin şəbəkəsini genişləndirməyi planlaşdırırıq. Hesablamalarımıza görə, belə mərkəzlərin daha çox Azərbaycanın şimal və cənub regionlarında açılması gözlənilir".

Qeyd edək ki, "Naxçıvan Duz İstehsalı" MMC xörək duzu və texniki duz istehsal edir.

Ölkə.Az

ŞƏRH YAZ
0
BAĞLA