Bakıda avtobus sürücüsü döyüldü

Bakıda avtobus sürücüsü döyüldü
22:42
05.11.2019
1706
Hadisə
A
Bakıda avtobus sürücüsü sərnişinlər tərəfindən döyülüb.

“Ölkə.Az” xəbər verir ki, bununla bağlı Oxu.Az-a Nəsimi Rayon Polis İdarəsindən məlumat verilib.

Bildirilib ki, noyabrın 4-də saat 18:20 radələrində Moskva prospekti 46-nın qarşısında “Xaliq Faiqoğlu” şirkətinə məxsus “İsuzu” markalı 61 saylı xətt avtobusunda dörd nəfər naməlum sərnişin xuliqanlıq zəminində sürücü, Bakı şəhər sakini, 1967-cı il təvəllüdlü Oktay Ərsalam oğlu Hüseynovu döyüb.

“Xaliq Faiqoğlu” şirkətindən bildirilib ki, hadisə sərnişinin sürücüdən avtobusu dayanacaqdan kənar ərazidə saxlamasını tələb etməsindən sonra baş verib. 

Avtobus dayanacağa daxil olandan sonra sərnişinlərdən biri sürücüyə xəsarət yetirib.

Məsələ ilə bağlı aidiyyatı orqanlar tərəfindən araşdırma aparılır.

Ölkə.Az

ŞƏRH YAZ
1

Bakıda ata və oğlu bıçaqlanıb

Bakıda ata və oğlu bıçaqlanıb
03:00
Bu gün
247
Hadisə
A
Bakıda bıçaqlanma hadisəsi olub.

"Ölkə.Az" "Report"a istinadən xəbər verir ki, hadisə paytaxtın Nərimanov rayonunda qeydə alınıb.

Belə ki, 51 yaşlı Qaybalıyev Salman Allahverdi oğlu və oğlu 26 yaşlı Qaybalıyev Davud Salman oğlu naməlum şəxs tərəfindən bıçaqlanıb. Yaralılar təcili tibbi yardım briqadasının köməkliyi ilə xəstəxanaya çatdırılıb. S.Qaybalıyevə sol budun deşilmiş yarası, D.Qaybalıyevə isə qarnın sıyrılmış yarası diaqnozu qoyulub.

Ölkə.Az

ŞƏRH YAZ
0

Yeniyetmələr məscidin nəzir qutusunu yardılar — FOTO

Yeniyetmələr məscidin nəzir qutusunu yardılar
01:16
Bu gün
326
Hadisə
A
Türkiyənin Şanlıurfa şəhərində yerləşən məsciddən nəzir pulları oğurlanıb.

"Ölkə.Az" bildirir ki, məscidin müəzzini bu barədə polisə şikayət edib. Polis yeniyetmələrin barmaq izlərini və yaxınlıqda yerləşən kamera görüntülərini istintaq materialı kimi götürüb.

Kamera qeydlərində oğurluğun yaşları 14-16 arasında olan 3 yeniyetmə tərəfindən edildiyi görünüb.  

 

Onlar məsciddən camaat tərəfindən xeyriyyə işləri üçün toplanmış 9 min 500 lirəni (2800 AZN) oğurlayıblar.

Hazırda yeniyetmələrin kimliyi araşdırılır.

ŞƏRH YAZ
0
BAĞLA