Bakıda avtobus sürücüsünə tapança çəkənin adı məlum oldu

Bakıda avtobus sürücüsünə tapança çəkənin adı məlum oldu
19:57
20.08.2017
36
Hadisə
A
Bakı şəhəri Binəqədi Rayon Polis İdarəsinin əməkdaşları avtobus sürücüsünə tapança tuşlamış gəncin şəxsiyyətini müəyyənləşdirib.

Ölkə.Az “Sputnik”-ə istinadən xəbər verir ki, bu, 29 yaşlı Bərdə rayon sakini Orxan Cəmil oğlu Orucovdur.

Hüquq-mühafizə orqanlarından verilən məlumata görə, Orxan Orucov bir neçə şəxsə müəyyən məbləğdə borcu olduğuna görə polis tərəfindən axtarılır.
Hazırda polis əməkdaşları onu Azərbaycan Respublikasının Cinayət Məcəlləsinin 221.3-cü maddəsi üzrə (odlu silahdan, yaxud silaha bınzər əşyadan istifadə etməklə xuliqanlıq) fakta əsasən axtarırlar.

Qeyd edək ki, Daxili İşlər Nazirliyinin verdiyi məlumata görə, avqustun 18-də saat 20 radələrində Binəqədi RPİ 7-ci Polis Bölməsinə zəng edən şəxs A.Məmmədov küçəsindəki dayanacaqda 85 saylı xətt avtobusuna minmiş naməlum şəxsin üzərində olan tapança ilə sürücüyə hədə-qorxu gəlməsini bildirib.

Dərhal görülən tədbirlərlə sürücü Şamaxı rayon sakini Gülağa Xudaverdiyevə qarşı odlu silaha bənzər əşya nümayiş etdirməklə xuliqanlıq edənin şəxsiyyəti müəyyən edilib və hazırda onun yaxalanması üçün zəruri əməliyyat-axtarış tədbirləri həyata keçirilir.
Faktla bağlı cinayət işi başlanılıb.

ŞƏRH YAZ
0

Kişi liftin şaxtasına çıxıb özünü atmaq istədi — FHN xilas etdi

Kişi liftin şaxtasına çıxıb özünü atmaq istədi
23:48
22.01.2018
98
Hadisə
A
Sumqayıtda intihara cəhdin qarşısı alınıb.

"Ölkə.Az" Fövqəladə Hallar Nazirliyinin saytına istinadən xəbər verir ki, Böhran Vəziyyətlərində İdarəetmə Mərkəzinə daxil olmuş məlumata əsasən, Sumqayıt şəhərində 1 nəfər kişi onaltımərtəbəli yaşayış binasının 16-cı mərtəbəsində liftin şaxtasının eyvanına çıxaraq intihar etmək istəyini nümayiş etdirib.

Sumqayıt Regional Mərkəzinin müvafiq xilasetmə qüvvələri dərhal hadisə yerinə cəlb olunub. Xilasedicilər tərəfindən hadisə yerində müvafiq təhlükəsizlik tədbirləri görülüb. Vətəndaşla aparılan psixoloji söhbətlər nəticəsində o, özünə qəsd etmək fikrindən daşınıb. Əməliyyat başa çatıb.

Ölkə.Az

ŞƏRH YAZ
0

Həftəsonu 6 yol qəzasında 2 nəfər ölüb

Həftəsonu 6 yol qəzasında 2 nəfər ölüb
19:31
22.01.2018
895
Hadisə
A

Son 2 gündə baş verən yol qəzalarının statistikası açıqlanıb.

Daxili İşlər Nazirliyindən "Ölkə.Az"a verilən məlumata görə, respublikanın avtomobil yollarında 6 yol-nəqliyyat hadisəsi baş verib, nəticədə 2 nəfər ölüb, 13 nəfər xəsarət alıb.

ŞƏRH YAZ
0
BAĞLA