Bakıda avtobusda "manyak"ın qadına əxlaqsızlıq etdiyi an kameraya düşdü — VİDEO

Bakıda avtobusda
14:10
11.10.2018
14313
Ölkə
A
Bakının Məhəmmədi kəndindən "Koroğlu"ya işləyən "217" nömrəli sərnişin avtobusunda iyrənc olay baş verib.

"Ölkə.Az" Milli.Az-a istinadən xəbər verir ki, Zabrat 2 adlanan ərazidən avtobusa minən orta yaşlı kişi basabasdan istifadə edərək öndə tək nəfərli oturacaqda əyləşən qadına qarşı əxlaqsız hərəkətlər edib.

Kişi əlini önə apararaq bir neçə dəqiqə davamlı olaraq qadının sinəsinə toxunub. Bunu digər sərnişinlərin görmədiyindən arxayın olmaq üçün sağa-sola tez-tez göz gəzdirən kişi əxlaqsız əməlini davam etdirib.

Ən təəccüblüsü isə qadının bu olaya reaksiya verməməsi olub.

Hərəkətinin digər sərnişinlər tərəfindən hiss edildiyini duyan şəxs dərhal əlini cibinə salıb və avtobusun dayanmağından istifadə edərək düşüb.

ŞƏRH YAZ
0

Pirşağının yolları bərbad vəziyyətdədir — VİDEO

Pirşağının yolları bərbad vəziyyətdədir
23:45
22.02.2019
3214
Ölkə
A
Sakinlərin şikayəti Pirşağı qəsəbəsi “Lokomotiv” adlanan ərazidəndir. Belə ki, yol ayrıcının bir hissəsi təmir olunsa da, digər hissəsi təmirsiz və bərbad vəziyyətdədir. Sakinlər bildirirlər ki, yolun bu vəziyyətdə olması onların gediş-gəlişi üçün çətinlik yaradır.

"Ölkə.Az" bildirir ki, “Baku TV”nin əməkdaşları adıçəkilən qəsəbədə real vəziyyətlə tanış olub. 

Çəkiliş apardıqları müddətdə onlar yolların, həqiqətən də, bərbad vəziyyətdə olmasının, nəqliyyat vasitələrinin çətinliklə hərəkət etməsinin şahidi olublar.

Məsələ ilə bağlı Azərbaycan Avtomobil Yolları Dövlət Agentliyinin (AAYDA) mətbuat xidmətinin rəhbəri Anar Nəcəfli bildirib ki, həmin ərazi onların nəzarətində deyil.

“Ancaq onu deyə bilərik ki, bu ildən qəsəbədaxili yolların təmirinə start verilib. Yaxın gələcəkdə  həmin yollarda təmir işləri aparılacaq”, - deyə o əlavə edib.

Ölkə.Az

ŞƏRH YAZ
0

Ağdamda zenit top mərmisi tapılıb — FOTO

Ağdamda zenit top mərmisi tapılıb
23:00
22.02.2019
2613
Ölkə
A
Ağdam rayonunda mərmi tapılıb.

Ərazilərin Minalardan Təmizlənməsi üzrə Milli Agentlikdən (ANAMA) "Ölkə.Az"a verilən məlumata görə, bu gün saat 12:38-də Daxili İşlər Nazirliyinin ″102″ Xidməti-Zəng mərkəzi sistemindən Agentliyə Ağdam rayonu, Əhmədağalı kəndi ərazisində mərminin tapılması barədə məlumat daxil olub.

Məlumata əsasən Agentliyin xüsusi mobil çevik əməliyyat qrupu və Daxili İşlər Nazirliyinin Ağdam rayon Polis şöbəsinin əməkdaşları dərhal həmin əraziyə göndərilib.

Agentliyin mütəxəssisləri və Ağdam rayon Polis şöbəsinin əməkdaşları tərəfindən birlikdə yuxarıda adı qeyd olunmuş əraziyə baxış keçirilib. Yerli əhalinin təhlükəsizliyini təmin etmək məqsədilə ərazi polis tərəfindən mühasirəyə alınıb. Agentliyin mütəxəssisləri tərəfindən aparılan təcili təxirəsalınmaz əməliyyat-axtarış tədbirləri nəticəsində 1 ədəd 30 mm-lik zenit top mərmisi (OFZ) aşkar olunub, zərərsizləşdirilməsi üçün götürülərək Agentliyin mərkəzi məhvetmə ərazisinə daşınıb.

Zenit top mərmisinin ətrafında 1,000 kv.m əraziyə yerüstü, 100 kv.m əraziyə isə yeraltı baxış keçirilib, əlavə təhlükəli əşya və qurğu aşkarlanmayıb.

Ölkə.Az

ŞƏRH YAZ
0
BAĞLA