Bakıda avtobuslar toqquşdu — Xəsarət alanlar var

Bakıda avtobuslar toqquşdu
20:29
10.09.2019
2819
Hadisə
A
Bakıda 131 və 198 nömrəli müntəzəm marşrut xətləri üzrə hərəkətdə olan avtobuslar və bir minik avtomobili toqquşub.

“Ölkə.Az” report-a istinadən xəbər verir ki, hadisə Heydər Əliyev prospekti - Hava limanı avtomagistralında qeydə alınıb.

Qəza nəticəsində 7 sərnişin xəsarət alıb. Yaralılar 3 saylı Şəhər Klinik Xəstəxanasına yerləşdirilib.

Onlardan 6-na ilkin tibbi yardım göstərildikdən sonra ambulator müalicəyə buraxılıb, digərinin vəziyyəti isə orta-ağır olaraq qiymətləndirilir.

Ölkə.Az

ŞƏRH YAZ
0

Gəncədə qonşuları tərəfindən döyülən bacılar və iki kişi xəstəxanalıq oldu

Gəncədə qonşuları tərəfindən döyülən bacılar və iki kişi xəstəxanalıq oldu
20:51
Bu gün
711
Hadisə
A
Gəncədə dörd nəfərin döyülməsi faktı qeydə alınıb.

"Ölkə.Az" bildirir ki, hadisə şəhərin “Ət kombinatı” adlanan ərazisində baş verib.

Belə ki, 1986-cı il təvəllüdlü Məmmədov Şamil Əli oğlu, 1992-ci il təvəllüdlü Məmmədova Lalə Nurəddin qızı, 1986-cı il təvəllüdlü Novruzov Rulan Şöhrət oğlu və 1990-cı il təvəllüdlü Məmmədova Maral Nurəddin qızı fiziki təzyiqə məruz qalıblar.

Onlar xəstəxanaya yerləşdirilib.

Döyülənlərin vəziyyətinin normal olduğu bildirilir.

Zərərçəkmişlərin sözlərinə görə, onlar qonşuları tərəfindən döyülüblər.

Hadisə ilə bağlı polisə məlumat verilib. Faktla bağlı araşdırma aparılır.

Ölkə.Az

ŞƏRH YAZ
0

Dostları ilə birlikdə dayısını öldürdü — Lənkəranda qətl

Dostları ilə birlikdə dayısını öldürdü
19:01
Bu gün
1898
Hadisə
A
Sentyabrın 14-də Lənkəran rayonunun Liman şəhərində Eyvaz Yusubovun üzərində zorakılıq əlamətləri olan meyitinin yaşadığı evdə tapılması barədə Lənkəran Şəhər Rayon Polis Şöbəsinə məlumat daxil olub.

DİN-in Mətbuat Xidmətindən "Ölkə.Az"a verilən məlumata görə, dərhal rayonun polis və prokurorluq orqanlarının əməkdaşları hadisə yerinə gəlib, müvafiq tədbirlər həyata keçirilib.

Faktla əlaqədar Cinayət Məcəlləsinin 120-ci (qəsdən adam öldürmə) maddəsi ilə cinayət işi başlanıb.

Təxirəsalınmaz istintaq və əməliyyat-axtarış tədbirləri nəticəsində tamah məqsədilə qətli törətməkdə şübhəli bilinən Liman şəhər sakinləri, əvvəllər məhkum olunmuş bacısı oğlu V.Hüseynov, əvvəllər məhkum olunmuş E.Quliyev və V.Mirzəyeva saxlanılıblar.

Ölkə.Az

ŞƏRH YAZ
0
BAĞLA