KORONAVİRUSA YOLUXANLARIN SAYI - CANLI STATİSTİKA

Bakıda avtomobil yolun ortasında qalan “Qazel”ə çırpıldı — VİDEO

Bakıda avtomobil yolun ortasında qalan “Qazel”ə çırpıldı
11:23
22.10.2019
2445
Hadisə
A
Bakıda baş verən qəza anı kameraya düşüb.

"Ölkə.Az" avtosfer.az-a istinadla xəbər verir ki, “Qazel” markalı yük maşını yolun düz ortasında texniki səbəbdən dayanır.

Bu zaman sürətlə hərəkətdə olan avtomobillər onunla toqquşmamaq üçün sağ-sola hərəkət edirlər. Lakin sürücülərdən biri öz zolağı ilə hərəkəti davam etdirir və arxadan yüksək sürətlə “Qazel”ə çırpılır.

Nəticədə avtomobillərə ciddi ziyan dəyir. Sürücü isə yüngül bədən xəsarətləri alır.

Videonu təqdim edirik:

ŞƏRH YAZ
0

Fabrikdəki yanğında FHN-in 5 əməkdaşı xəsarət alıb — RƏSMİ

Fabrikdəki yanğında FHN-in 5 əməkdaşı xəsarət alıb
11:37
Bu gün
253
Hadisə
A
Bakı şəhəri, Binəqədi rayonu ərazisində yerləşən "Sobsan" boya fabrikində baş verən yanğın Fövqəladə Hallar Nazirliyinin müvafiq qüvvələri tərəfindən tam söndürülüb.

"Ölkə.Az" Fövqəladə Hallar Nazirliyinə istinadən xəbər verir ki, yanğının söndürülməsi işlərinə nazirliyin Dövlət Yanğından Mühafizə Xidməti, Xüsusi Riskli Xilasetmə Xidməti və Mülki müdafiə qoşunlarının qüvvələri cəlb olunub.

Yanğının xüsusilə mürəkkəbliyinə, obyektdə böyük həcmdə tezalışan və partlamaya meylli maddələrin saxlanıldığına baxmayaraq, yanğınsöndürmə və xilasetmə qüvvələrinin effektiv tətbiqi və yanğınsöndürənlərin fərdi şücaəti sayəsində yanğının qarşısı alınaraq daha böyük fəsadların baş verməsinə, o cümlədən yanğının genişlənərək ətraf ərazilərə yayılmasına, obyektə bitişik evlərə keçməsinə imkan verilməyib. Həmçinin, fabrik ərazisindəki salamat qalmış mal-materiallar FHN qüvvələri tərəfindən yanğından mühafizə məqsədilə ərazidən kənarlaşdırılıb.

Yanğın nəticəsində ilkin hesablamalara görə, təqribən, 3000 kv.m. ərazi yanıb. FHN-in 5 əməkdaşı xəsarət alıb, 4 nəfərə yerində yardım göstərilib, 1 nəfər isə Toksikologiya mərkəzinə yerləşdirilib.

Yanğının başvermə səbəbləri araşdırılır.

Ölkə.Az

ŞƏRH YAZ
0

Prokurorluq Naftalanda baş verən qətllə bağlı məlumat yayıb

Prokurorluq Naftalanda baş verən qətllə bağlı məlumat yayıb
11:04
Bu gün
367
Hadisə
A
İyulun 4-də gecə saat 23 radələrində Naftalan şəhərində yaşadıqları evin yaxınlığında şəhər sakinləri - 1979-cu il təvəllüdlü Elnurə Verdiyevanın bıçaqlanaraq aldığı xəsarətlərdən ölməsi, qızı 2002-ci il təvəllüdlü Aysun Həsənovaya isə bıçaqla xəsarət yetirilməsi barədə məlumat daxil olub.

"Ölkə.Az" Goranboy rayon prokurorluğuna istinadən xəbər verir ki, dərhal prokurorluq əməkdaşları tərəfindən məhkəmə-tibb ekspertinin iştirakı ilə hadisə yerinə və meyitə baxış keçirilib, digər prosessual hərəkətlər yerinə yetirilib.

Faktla bağlı Goranboy rayon prokurorluğunda Cinayət Məcəlləsinin 120.1 (qəsdən adam öldürmə) və 29, 120.2.7-ci (iki və ya daha çox şəxsi qəsdən öldürməyə cəhd) maddələri ilə cinayət işi başlanıb.

İş üzrə müvafiq ekspertizalar təyin edilib və digər zəruri istintaq-əməliyyat tədbirləri aparılıb.

İlkin araşdırmalarla cinayətin zərəçəkmişin əri Zəfər Məmmədov tərəfindən ailə-məişət zəminində yaranan mübahisə zamanı törədilməsinə əsaslı şübhələr müəyyən edilib.

Prokurorluq və polis əməkdaşları tərəfindən həyata keçirilən təxirəsalınmaz istintaq-əməliyyat tədbirləri nəticəsində Zəfər Məmmədov Cinayət Məcəlləsinin qeyd edilən maddəsi ilə nəzərdə tutulan cinayət əməllərini törətməkdə şübhəli şəxs qismində tutularaq istintaqa cəlb edilib.

Ölkə.Az

ŞƏRH YAZ
0
BAĞLA