Bakıda avtomobildən oğurluq edilib — GÖRÜNTÜLƏR YAYILDI

Bakıda avtomobildən oğurluq edilib
23:12
11.10.2017
573
Hadisə
A
Əvvəlcə ətrafa göz gəzidir. Daha sonra isə avtomobilə yaxınlaşmaq istəyir. Kiminsə gəldiyini görüb geri qayıdır. Amma buna baxmayaraq o avtomobildən oğurluq edib qaçır.

Ölkə.Az bildirir ki, hadisə günorta vaxtı paytaxtın Yasamal rayonu Balababa Məcidov küçəsində baş verib. Görüntülər isə yaxınlığdakı mağazalardan birinin təhlükəsizlik kameralarına düşüb.

Kadrlardan aydın olur ki, təxminən 20-25 yaşlı bir gənc Nuranə Tağıyevanın avtomobilinə yaxınlaşaraq daşla arxa yan şüşəsini qırır. Daha sonra avtomobilin arxa oturacağında olan çantanı götürüb heçnə olmamış kimi gedir.

Zərərçəkmiş avtomobilinə yaxınlaşarkən hadisədən xəbər tutub. Nuranə Tağıyeva dərhal ''102'' xidmətinə məlumat verib. Əraziyə 27-ci polis bölməsinin əməkdaşları gələrək araşdırmalara başlayıblar. Zərərçəkmiş Nuranə Tağıyevanın sözlərinə görə, çantasında pul, maaş kartı və sənədləri olub. Ümumilikdə isə ona 500 manata yaxın zərər dəyib.

27-ci polis bölməsindən verilən məlumata görə, hadisə ilə bağlı hələki saxlanılan yoxdur. Amma görüntülər əsasında əməliyyat-axtarış tədbirləri davam edir. /xezerxeber.az

 

ŞƏRH YAZ
0

"Cənnətdə onunla təkrar qovuşmaq ən böyük arzumdur" — Sevil Nuriyeva + FOTO

16:09
Bu gün
400
Hadisə
A
Jurnalist Sevil Nuriyeva “Facebook” səhifəsində bir neçə gün öncə Türkiyədə qətlə yetirilən həyat yoldaşı Etimad İsmayılov haqqında paylaşım edib.

"Ölkə.Az" xəbər verir ki, o, söz verib ki, həyat yoldaşı oğlunu və onun özünü necə görmək istəyirdisə elə də olacaq.

“Bu dünya mərdləri də, namərdləri də ayırd edən yerdir. Nəhayətdə Divana çıxacağıq. Mənim Etimadım mərd doğuldu, mərd kişi kimi bu aləmi tərk etdi...

Cənnətdə onunla təkrar qovuşmaq ən böyük arzumdur. Bu gün 7-ci gündür ki, bu aləmi tərk etdi. Mən ondan razıyam, dostları, iş gördüyü namuslu insanlar, qohumları ondan razıdır. Ağzı oruclu, qüsullu, ən son gün zəkat verərək dünyadan köçdü. Allah səndən razı olsun, canımın içi. Sən İlyası necə görmək istəyirdinsə, məni necə görmək istəyirdinsə - sənə söz verirəm – hamısı olacaq...

Bu gün dostlarından, dostlarımdan mülk və yasin surəsi oxumasını xahiş edirəm. Məni tək qoymayan, dualar edən, başsağlığı verən, mənim çiynimə çiynini söykəyən həqiqi dostlarımıza təşəkkür edirəm. Allah sizləri qorusun və dərd verməsin.
Bu dünyada nəfəsim bədənimdən çıxan günə qədər Allah üçün, məfkurəm üçün, mübarizəm üçün, Etimadım üçün, İlyasım üçün, dostlarım üçün yaxşı olmağa, mərd olmağa, mərhəmətli olmağa davam edəcəyəm. Acım dərindir və heç vaxt azalmayacaq.

Amma cənnətdə qovuşanadək dua edəcəyəm, Etimad. Səninlə fəxr etdim hər zaman... Səninlə birlikdə keçirilən hər an bir ömür qədər qiymətlidir, əzizdir, əzizim. Arxanda qoyduğun mərd adam adı üçün sağ ol, canım.
İlyasa qoyduğun ən qiymətli miras budur. Məni gözlə, əzizim, vaxt tamam olanda Allah cənnətində qovuşduracaq, inşallah.

Qeyd: Sənə alçaqcasına, qorxaqcasına, şərəfsizcəsinə hücum edən murdar isə hər iki dünyada bimar olacaq. Allahın ədalətinə sonsuz şükürlər olsun. Və Türkiyə dövlətinin ədaləti hər şeyi, şübhəsiz, ortaya çıxaracaq. Qanımızı axıdan bişərəfin, namussuzun cəzasını ilahi ədalətə və Türkiyə dövlətinin ədalətinə buraxıram”, - deyə Nuriyeva yazıb.

Ölkə.Az

ŞƏRH YAZ
0

Məktəblərin həyətində şagirdlərə qarşı əxlaqsızlıq edirdi... — Bu gün həbs edilib

Məktəblərin həyətində şagirdlərə qarşı əxlaqsızlıq edirdi...
15:29
Bu gün
789
Hadisə
A
Bakıda məktəblərin həyətində şagirdlərə qarşı əxlaqsız hərəkət edən şəxs tutulub.

"Ölkə.Az" xəbər verir ki, hadisə 211 nömrəli tam orta məktəbin ərazisində qeydə alınıb.

Belə ki, sentyabrın 25-i saat 08:00 radələrində "Məktəblinin dostu” layihəsinin fəaliyyət göstərdiyi 211 nömrəli tam orta məktəbin şagirdləri onlara qarşı əxlaqsız hərəkət və təkliflər edən orta yaşlı kişi barəsində məktəblinin dostlarına xəbər veriblər.

Həmin şəxsin video görüntüləri məktəbin təhlükəsizlik kameralarında da qeydə alınıb. Daha sonra eyni şəxs saat 9:30 radələrində 9 nömrəli tam orta məktəbin həyətində görünüb.

"Məktəblinin dostu” layihəsinin əməkdaşları dərhal məktəb ərazisində olan şəxs barəsində polisə məlumat verib. Əraziyə gələn polis əməkdaşları sözügedən şəxsi saxlayaraq polis bölməsinə aparıblar. Eyni zamanda, məktəblinin dostları foto və video görüntüləri polis əməkdaşlarına təqdim ediblər.

Qeyd olunan ərazidə narahatlıq yaradan şəxsin müəyyən edilməsinə görə valideynlər və şagirdlər məktəblinin dostlarına təşəkkürlərini bildiriblər.

Faktla bağlı Nəsimi Rayon Polis İdarəsinin 19-cu Polis Bölməsində araşdırma aparılır.

Ölkə.Az

ŞƏRH YAZ
0
BAĞLA