Bakıda avtoxuliqanlıq edən sürücü həbs edildi — VİDEO

Bakıda avtoxuliqanlıq edən sürücü həbs edildi
15:19
22.01.2018
1955
Ölkə
A
Bakıda avtoxuliqanlıq edən sürücüyə 30 sutka həbs cəzası verilib.

"Ölkə.Az" xəbər verir ki, bu barədə "Report"a Bakı Şəhər Baş Polis İdarəsinin Dövlət Yol Polisi İdarəsinin İctimai Əlaqələr Bölməsinin rəisi, polis polkovniki Vaqif Əsədov məlumat verib.

Yol Patrul Xidmətinin paytaxt ərazisində xidmət aparan əməkdaşları "90-UR-366" dövlət qeydiyyat nişanlı "Naz Lifan" markalı avtomobilin sürücüsü Ramin Ağayevə manevr qaydalarını pozması, ötmə əməliyyatını düzgün yerinə yetirməməsi, eləcə də, sürət həddini aşımasına görə "Saxla!" əmri verib.

Əmrə tabe olmayan sürücü təxminən 30 dəqiqə ərzində şəhərin mərkəzi küçələrində avtoxuliqanlıq edərək YPX əməkdaşlarından uzaqlaşmağa çalışıb. Lakin Nobel prospektinin NZS qəsəbəsinə düşən hissəsində hüquq-mühafizə orqanları əməkdaşlarının süni tıxac yaratması səbəbindən "Naz Lifan"ı saxlamaq mümkün olub. Sürücü avtomobildən düşüb qaçmaq istəyərkən o polislərin köməkliyi ilə tutulub.

Bakı Şəhər Dövlət Yol Polisi İdarəsinin Yol-Patrul Xidməti alayı rəhbərliyinin iştirakı ilə 23 YPX avtomobili "Naz Lifan"ın saxlanılmasında iştirak edib.

V.Əsədov bildirib ki, Bakı şəhərinin mərkəzi küçələrində 1985-cil təvəlüdlü Ramin Ağayev idarə etdiyi "Naz Lifan" markalı avtomobillə bir neçə küçə və prospektlərdə xidmət aparan Yol Patrul Xidmətinin (YPX) əməkdaşlarının verdiyi "Saxla!" əmrinə tabe olmayıb: "Əmrə tabe olmayan sürücünün idarə etdiyi avtomobili iki YPX ekipajı təqib edib. Avtomobil "tələ əməliyyatı" ilə Nobel prospektində saxlanılıb. Avtomobil saxlanıldıqdan sonra sürücü qaçmağa cəhd göstərsə də, YPX əməkdaşlarının sayıqlığı nəticəsində tutularaq məhkəmə orqanlarına təhvil verilib. Səbail Rayon Məhkəməsinin qərarı ilə sürücüyə 30 sutkalıq həbs cəzası verilib". 

V.Əsədov əlavə edib ki, Ramin Ağayev sürücülük vəsiqəsi olmadan avtomobili idarə edib. 

ŞƏRH YAZ
0

Kənd Təsərrüfatı Nazirliyində YENİ TƏYİNAT

Kənd Təsərrüfatı Nazirliyində YENİ TƏYİNAT
14:19
Bu gün
324
Ölkə
A
Kənd Təsərrüfatı Nazirliyi (KTN) yanında Aqrar Elm və İnformasiya Məsləhət Mərkəzinin (AEİMM) Üzümçülük və Şərabçılıq Elmi-Tədqiqat İnstitutunun direktoru Tariyel Həsənov Mərkəzin direktor müavini təyin edilib.

"Ölkə.Az" xəbər verir ki, bu barədə KTN-nin İctimaiyyətlə əlaqələr və informasiya təminatı şöbəsinin müdir müavini Vüqar Hüseynov məlumat verib. 

Onun sözlərinə görə, bununla bağlı nazir İnam Kərimov əmr imzalayıb. 

Qeyd edək ki, AEİMM-in tərkində 9 institut fəaliyyət göstərir. 

Ölkə.Az

ŞƏRH YAZ
0

Azərbaycanda miqrasiya idarəçiliyi təkmilləşdirilir

Azərbaycanda miqrasiya idarəçiliyi təkmilləşdirilir
13:48
Bu gün
1154
Ölkə
A
Dövlət Miqrasiya Xidmətinin Beynəlxalq Miqrasiya Təşkilatı (BMqT) ilə sıx əməkdaşlıq çərçivəsində və Avropa İttifaqının (Aİ) dəstəyi ilə hazırladığı 2019-2024-cü illər üzrə Azərbaycanın Miqrasiya Strategiyasının məqsədlərinin cəmiyyətə təqdim edilməsi, həmçinin bu sənədin tətbiqi ilə bağlı noyabrın 21-də müzakirələr aparılıb.

"Ölkə.Az" xəbər verir ki, müzakirələrdə dövlət qurumlarının, Azərbaycanda akkreditə olunan diplomatik korpusun nümayəndələri, beynəlxalq və yerli qeyri-hökumət təşkilatlarının təmsilçiləri iştirak ediblər. BMqT-nın Azərbaycandakı nümayəndəliyinin rəhbəri Serhan Aktoprak, BMT-nin Azərbaycandakı rezident əlaqələndiricisi Qulam İsakzai, Avropa İttifaqının Azərbaycandakı nümayəndəliyinin təmsilçisi Məryəm Hacıismayılova çıxış edərək bildiriblər ki, tədbirin məqsədi strategiyanın miqrasiya sahəsində qlobal səviyyədə müəyyənləşdirilən prinsiplərlə, eləcə də 2030-cu il Dayanıqlı İnkişaf Məqsədlərinin gündəliyi və bu ilin dekabrında qəbul olunması gözlənilən nizamlı, təhlükəsiz və tənzimlənən miqrasiya üzrə qlobal kompakt sənəd ilə uyğunluğunun müzakirə edilməsidir. 

Məlumat verilib ki, dekabrın 10-11-də Mərakeşdə yüksək səviyyəli dövlət və hökumət rəhbərlərinin, üzv dövlətlərin iştirakı ilə qaçqınlar və miqrantlar üzrə Nyu-York Bəyannaməsinin qəbulu və beynəlxalq miqrasiyanın bütün səviyyələri ilə bağlı əməkdaşlığın inkişafına mühüm töhfə verəcək təhlükəsiz, nizamlı və tənzimlənən miqrasiya üçün qlobal kompakt sənədin imzalanması gözlənilir. Çıxış edənlər Azərbaycanın, o cümlədən Dövlət Miqrasiya Xidmətinin qlobal kompakt sənədin qəbul olunmasına töhfələrini yüksək qiymətləndiriblər. Diqqətə çatdırılıb ki, Azərbaycanda bununla bağlı altı tədbir keçirilib. Ümumiyyətlə, Azərbaycanda miqrasiya idarəçiliyinin təkmilləşdirilməsi sahəsində mühüm addımlar atılır. İnanırıq ki, bu gün Bakıda keçirilən müzakirələr qlobal kompakt sənədin qəbulu prosesinə töhfə verəcək. Azərbaycan bu proseslərdə hər zaman fəal rol oynayıb.

 

Dövlət Miqrasiya Xidmətinin rəisi Vüsal Hüseynov deyib ki, beynəlxalq təşkilatlar miqrasiya idarəçiliyini daim diqqət mərkəzində saxlayır və bu prosesdə müxtəlif ölkələrin müvafiq qurumlarına dəstək göstərir. Miqrasiya idarəçiliyi ilə bağlı qlobal kompakt sənədin qəbulu zərurətdən yaranan məsələdir. Bu sənəd hazırkı beynəlxalq konvensiyalara və sənədlərə baxmayaraq, bu sahədə boşluğu doldurmaq məqsədi daşıyır. Azərbaycan hökuməti ilk gündən bu sənədi dəstəkləyib. Qeyd edilib ki, DMX bu məsələ ilə bağlı beynəlxalq təşkilatlarla müxtəlif məsləhətləşmələr keçirib. Bu istiqamətdə Beynəlxalq Miqrasiya Təşkilatından cəlb edilmiş ekspertlərlə sıx əməkdaşlıq aparılır. Çıxışlardan sonra aparılan müzakirələr çərçivəsində BMqT-nin və DMX-nin mütəxəssisləri Azərbaycanın miqrasiya strategiyasında qarşıya qoyulan hədəflərin 2030-cu il gündəliyi və qlobal kompakt sənəd ilə uyğunluğuna dair təqdimatlarla çıxış ediblər.

ŞƏRH YAZ
0
BAĞLA