KORONAVİRUSA YOLUXANLARIN SAYI - CANLI STATİSTİKA

Bakıda azyaşlı övladını zəncirləyən qadın haqqında cinayət işi başlanıb

Bakıda azyaşlı övladını zəncirləyən qadın haqqında cinayət işi başlanıb
20:13
21.08.2019
2144
Hadisə
A
Bakıda ananın azyaşlı övladını zəncirləməsi faktı ilə bağlı cinayət işi başlanıb.

“Ölkə.Az” Bakı şəhər Prokurorluğundan verilən məlumata istinadən xəbər verir ki, bəzi kütləvi informasiya vasitələrində azyaşlının valideyni tərəfindən zəncirlə bağlanması barədə məlumatlar dərc olunub.

Həmin xüsusat üzrə aparılmış araşdırmalar nəticəsində 2010-cu il təvəllüdlü uşağın anası İsmayılova Şəhanə Məhərrəm qızı tərəfindən kirayədə yaşadıqları Nəsimi rayonu, Cavadxan küçəsi, 56 saylı evin 91-ci mənzilində nadinc hərəkətlər etdiyinə görə ayağından zəncirlə bağlamaqla qanunsuz azadlıqdan məhrum edilməsinə əsaslı şübhələr olduğundan faktla əlaqədar avqustun 21-də Bakı şəhər prokurorluğunda Cinayət Məcəlləsinin 145.2.3-cü (qanunsuz azadlıqdan məhrum etmə, yetkinlik yaşına çatmayan şəxs barəsində törədildikdə) maddəsi ilə cinayət işi başlanıb.

İş üzrə hadisə yerinə baxış keçirilməklə maddi sübutlar götürülmüş, hadisənin şahidləri müəyyənləşdirilərək dindirilib, tibbi və məhkəmə psixoloji ekspertizaları təyin edilib.

Hazırda iş üzrə zəruri istintaq-əməliyyat tədbirləri davam etdirilir.

Ölkə.Az

ŞƏRH YAZ
0

Karantin rejimini pozaraq Qusara istirahətə gedənlər cərimələndi

Karantin rejimini pozaraq Qusara istirahətə gedənlər cərimələndi
14:22
Bu gün
342
Hadisə
A
Qusar Rayon Polis Şöbəsinin Dövlət Yol Polisi bölməsinin əməkdaşları tərəfindən rayon ərazisinə istirahət məqsədi ilə gələn sürücülərə qarşı reyd keçirilib.

"Ölkə.Az" DİN-in Mətbuat Xidmətinin Quba regional qrupuna istinadən xəbər verir ki, polis inspektorları tərəfindən sürücülər saxlanılaraq sənədləri planşetlərlə yoxlanılıb. Onlar arasında çalışdıqları dövlət idarələri və müəssisələri tərəfindən verilmiş xüsusi icazələrdən sui-istifadə edənlər, həmçinin heç bir icazəsi olmayanlara da rast gəlinib.

Reyd zamanı sərtləşdirilmiş karantin rejimi elan olunan Bakı şəhəri, eləcə də digər rayonlardan qaydaları pozaraq şəxsi nəqliyyat vasitələri ilə istirahətə gələn 10 sürücü barəsində İnzibati Xətalar Məcəlləsinin müvafiq maddəsi ilə protokol tərtib edilib.

Bu istiqamətdə tədbirlər Qusar RPŞ-nin DYP bölməsinin əməkdaşları tərəfindən qarşıdakı günlərdə də davam etdiriləcək.

Ölkə.Az

ŞƏRH YAZ
0

Karantin zamanı neft mədəninin ərazisini zəbt etmək istədilər

Karantin zamanı neft mədəninin ərazisini zəbt etmək istədilər
12:10
Bu gün
588
Hadisə
A
Ötən gün (04.07.2020-ci il tarixində - Red) saat 20:00 radələrində Salyan yolu dalan 2 ünvanında, “Bibiheybətneft” NQÇİ-nin 3 saylı mədən ərazisində 2137 nömrəli işlək quyunun cəmi bir neçə metrliyində yerləşən 6 sota yaxın boş torpaq sahəsinin zəbt edilməsinə cəhd olunub.

"Ölkə.Az" report-a istinadən xəbər verir ki, özünü “Sizin media” qəzetinin təsisçisi, jurnalist kimi təqdim edən Şirəliyev Rövşən İlyas oğlu və onunla birlikdə “makler” kimi fəaliyyət göstərən, ətrafdakılar tərəfindən radikal Vəhabi təriqətinə mənsub olduqları deyilən Cəlal, Eyvaz adlı şəxslər tərəfindən torpaq sahəsinin tikinti aparılması üçün əlverişli vəziyyətə gətirilməsi məqsədi ilə işlər aparılıb.

Neft quyusunun dəmir konstruksiyalarının ərazidən kənarlaşdırılmasına yük maşınları və qaldırıcı kran cəlb olunub.

Mədən ərazisinin qanunsuz olaraq zəbt edilməsi mühafizəçilər tərəfindən aşkarlandıqdan sonra dərhal DİN-nin 102 Xidmətinə məlumat verilib.

Əraziyə Səbail Rayon Polis İdarəsinin əməkdaşları cəlb olunub. Lakin bütün tələblərə baxmayaraq Şirəliyev Rövşən və onun ətrafındakılar istəklərinə nail olublar.

Onlar neft sənayesi avadanlıqlarını ərazidən uzaqlaşdıra biliblər. Daha sonra mühafizəçilərə hücum çəkərək onlara müxtəlif dərəcəli xəsarətləri yetiriblər.

Özünü Bakı Şəhər Mənzil-Kommunal Təsərrüfatı Departamentinin rəis müavini kimi təqdim edən Amil adlı şəxs mühafizəçilərə təzyiq göstərərək mədən ərazisinin Şirəliyev Rövşənə məxsus olduğunu bildirib. Məsələnin digər maraqlı tərəfi isə Bakıda sərt karantin rejiminin tətbiq edildiyi bir vaxtda bu qədər insanın küçəyə çıxaraq qanunsuz fəaliyyətlə məşğul olmasıdır.

Əlavə edək ki, adı çəkilən şəxslər tərəfindən 02.06.2020 və 18.06.2020-ci il tarixlərində də həmin ərazinin zəbt olunub, tikinti aparılmasına cəhdlər olmuşdu. Lakin həmin vaxtlarda polis əməkdaşlarının müdaxiləsi ilə ərazinin qanunsuz olaraq zəbt edilməsinin qarşısı alınmışdı.

Qeyd edək ki, Vəhabi təriqətinə mənsub insanları ətrafına toplayan Şirəliyev Rövşən, Cəlal, Eyvaz adlı şəxslər bundan əvvəl də bir neçə dəfə mədən ərazisini zəbt edib, evlər tikərək digər şəxslərə satıblar. Onlar mühafizəçilərin üzərinə hücum çəkərkən “yoldaşlarından” halallıq alaraq “şəhid” olmağa getdiklərini bildirirlər. Onların bu cür hədə-qorxu və hücumları barədə polis əməkdaşlarına məlumat verilib.

ŞƏRH YAZ
0
BAĞLA