Bakıda azyaşlı qızı zorlayan şəxsin MƏHKƏMƏSİ
Bakıda azyaşlı qızı zorlamaqda təqsirli bilinən Ramis Əhmədovun cinayət işi üzrə məhkəmə prosesi davam edir.
"Ölkə.Az" xəbər verir ki, Bakı Ağır Cinayətlər Məhkəməsində hakim Novruz Kərimovun sədrliyi ilə keçiriləcək növbəti məhkəmə prosesi iyun ayının 19-na təyin olunub.
Məlumatına görə, hadisə bir neçə ay əvvəl baş verib. Paytaxt sakini Əhmədov Ramis Qədulla oğlunun azyaşlı qızı zorlaması ilə bağlı polisə məlumat daxil olub və fakt təsdiqini tapıb. Belə ki, qızın valideyni Ramis Əhmədovun onun qızının başına oyun açması barədə şikayət ərizəsi yazıb.
Tutularaq istintaqa təhvil verilən Ramis Əhmədov barəsində Cinayət Məcəlləsinin 149.3.3-cü, yəni zorlama əməli 14 yaşına çatmayan şəxs barəsində törədildikdə maddəsi ilə cinayət işi açılıb.
Natiq Allahverdiyev
Ölkə.Az
