Bakıda bacı və qardaş yaşadıqları evdə bıçaqlandılar
Binəqədi rayonunda iki nəfərin bıçaqlanması ilə nəticələnən cinayət hadisəsi baş verib.
"Ölkə.Az" xəbər verir ki, Qıxlarov Elmar Mərdan oğlu 18 yaşlı Qafarova Ayşən Əbil qızını və qardaşı, 25 yaşlı Mənsimov İlkin Əbil oğlunu yaşadıqları evdə bıçaqlayıb.
Təcili tibbi yardim briqadasının köməkliyi ilə xəstəxanaya çatdırılan hər iki yaralıda döş qəfəslərinin bir ədəd kəsilmiş-deşilmiş yaraları aşkarlanıb.
Faktla bağlı Binəqədi Rayon Polis İdarəsində Cinayət Məcəlləsinin 126.1-ci (qəsdən sağlamlığa zərər vurma) maddəsi ilə cinayət işi başlanılıb.
Hazırda istintaq aparılır.
Natiq Allahverdiyev
Ölkə.Az
