Bakıda beşinci bayraq festivalı keçirilib

Bakıda beşinci bayraq festivalı keçirilib
21:00
08.11.2018
2592
Ölkə
A
Azərbaycan Respublikasının Dövlət Bayrağı Günü münasibətilə Gənclər və İdman Nazirliyinin təşkilatçılığı ilə Bakıda beşinci bayraq festivalı keçirilib.

Festivalda rəsmi şəxslər, hərbçilər, gənclər və ictimaiyyətin nümayəndələri iştirak ediblər.

"Ölkə.Az"  xəbər verir ki, mərasim Azərbaycan Respublikasının dövlət himninin səsləndirilməsi ilə başlayıb. Azərbaycan əsgərlərinin təntənəli hərbi andından sonra ulu öndər Heydər Əliyevin Azərbaycan bayrağı haqqında kəlamları nümayiş etdirilib.

Gənclər və idman nazirinin müavini İntiqam Babayev ənənəyə uyğun olaraq hər il 9 noyabr - Azərbaycan Dövlət Bayrağı Günü münasibətilə bayraq festivalının keçirildiyini deyib. Bu il beşinci festivalın təşkil edildiyini vurğulayan nazir müavini belə layihələrin gənclərimiz arasında dövlət rəmzlərinin təbliği, onlarda vətənpərvərlik hisslərinin tərbiyəsində müsbət rol oynadığını bildirib.

Tədbirdə Azərbaycan, dövlət bayrağımızla bağlı videoçarx nümayiş etdirilib. Sonra Aprel döyüşlərinin qəhrəmanları, eləcə də Bakı şəhərinin azad edilməsinin 100 illiyinə həsr olunmuş parad zamanı səmada dövlət bayrağımızın təsvirini yaradan pilotlar səhnəyə ediliblər. Bu an tamaşaçılar tərəfindən sürəkli alqışlarla qarşılanıb.

İstedadlı gənclərin əl işlərindən ibarət yaradıcılıq nümunələrinin də nümayiş etdirildiyi

festival incəsənət nümayəndələrinin vətənpərvərlik ruhunda ifalarla zəngin olan konsert proqramı ilə davam edib.

Xatırladaq ki, Prezident İlham Əliyevin Sərəncamı ilə hər il noyabrın 9-u Azərbaycanda Dövlət Bayrağı Günü kimi qeyd edilir.

Ölkə.Az

ŞƏRH YAZ
0

Avtomobillərə qənim kəsilənlər tutuldu

Avtomobillərə qənim kəsilənlər tutuldu
18:55
Bu gün
399
Ölkə
A
Nizami (Gəncə) rayon Polis İdarəsi əməkdaşlarının keçirdikləri əməliyyat tədbirləri nəticəsində Gəncə şəhər sakini H.Allahverdiyevə məxsus avtomobildən 378 manat pul və sənəd oğurlamaqda şübhəli bilinən şəhər sakini A.Quliyeva saxlanılıb.

Daxili İşlər Nazirliyindən "Ölkə.Az"a verilən məlumata görə, Kəpəz RPİ əməkdaşlarının keçirdikləri əməliyyat tədbirləri nəticəsində bu ilin fevral-mart ayları ərzində 5 avtomobildən akkumulyator və yaddaş kartı, 1 həyətyanı sahədən inşaat materialları, habelə neft terminalı bazasındakı dəmiryol xəttinin hissələrini oğurlamaqda şübhəli bilinən şəhər sakini, əvvəllər məhkum olunan A.Qurbanov saxlanılıb. 

Ölkə.Az

ŞƏRH YAZ
0

Qusarda bacısına görə həmyerlisini bıçaqlayan şəxsin CƏZASI AZALDILDI

Qusarda bacısına görə həmyerlisini bıçaqlayan şəxsin CƏZASI AZALDILDI
18:18
Bu gün
497
Ölkə
A
Sumqayıt Apellyasiya Məhkəməsində qəsdən sağlamlığa ağır zərər vurmada təqsirləndirilən Elnur Abdullayevin barəsində olan hökmdən verilən apellyasiya şikayəti üzrə məhkəmə iclası başa çatıb.

"Ölkə.Az”ın məlumatına görə, hakim Ruhiyyə Əsgərovanın sədrliyi ilə keçirilən prosesdə qərar elan olunub.

Qərara əsasən, E.Abdullayevin apellyasiya şikayəti qismən təmin edilib, birinci instansiya məhkəməsinin çıxardığı hökm dəyişdirilib.

Belə ki, onun 1 il müddətinə azadlıqdan məhrumetmə cəzası 8 aya endirilib.

İttiham aktına əsasən, hadisə 2018-ci il iyulun 11-də Qusar rayonunda baş verib. E.Abdullayev sosial şəbəkədə əvvəllər tanıdığı həmyerlisi Mühür Mühürovun onun bacısı ilə çəkdirdiyi şəkili görüb. Daha sonra o, M.Mühürovu görüşə çağırıb, bacısı ilə münasibətlərini kəsməsini tələb edib.M.Mühürov isə onun bacısı ilə bir-birlərini sevdiklərini və münasibətlərini kəsməyəcəyini bildirib. Daha sonra hər iki şəxs arasında mübahisə yaranıb. Bu zaman E.Abdullayev üstündə gəzdirdiyi bıçaqla qısqanclıq zəminində M.Mühürovun qarın nahiyəsinə bir dəfə zərbə endirib.

Ölkə.Az

 

ŞƏRH YAZ
0
BAĞLA