Bakıda beynəlxalq incəsənət müsabiqəsi keçiriləcək

Bakıda beynəlxalq incəsənət müsabiqəsi keçiriləcək
21:11
09.10.2018
1364
Mədəniyyət
A
Oktyabrın 21-də Rəşid Behbudov adına Azərbaycan Dövlət Mahnı Teatrında “Payız Əfsanələri” adlı beynəlxalq incəsənət müsabiqəsi keçiriləcək.

"Ölkə.Az"ın məlumatına görə, təşkilatçılar Mədəniyyət Nazirliyi və Azərbaycan Gənclər İttifaqıdır.

Yarışmanın keçirilməsində məqsəd istedadlı uşaqlar və gənclərlə tanışlıq, onları tapmaq, üzə çıxartmaqdır. Həmçinin regionlarda olan istedadlı gənclərin tanıdılmasıdır. Gürcüstandan və Rusiyadan gələn qrupların vokal və xoreoqrafik çıxışları gözlənilir.

“Payız Əfsanələri” yarışmasında aşağıdakı janrlarda iştirakçıların çıxışları gözlənilir:

folklor, klassik, estrada , incəsənətin bir neçə növləri – mahnı, teatr, vokal, bədii qiraət, xoreoqrafiya.

4 yaşdan başlayaraq hər bir kəs yarışmada iştirak edə bilər. İştirakçılar baby (4-7 yaş), uşaq (7-10 yaş ), cunior (yeniyetmələr 11-15 yaş), ergin (böyüklər 16 yaşdan yuxarı) yaş kateqoriyalarına bölünürlər.

Hər bir janrda bu kimi nominasiyalar var: solo, duet, kiçik qruplar və ansambllar.

Obyektivlik və dürüstlük naminə, çıxışlar zamanı iştirakçıların hansı studiya və ya məktəbi təmsil etdikləri açıqlanmır (bu proses mükafatlandırma zamanı açıqlanır). Seçim iştirakçının qeydiyat nömrəsi ilə aparılır.

Münsiflər heyyəti Azərbaycanın əməkdar artistləri və incəsənət xadimlərindən ibarətdir.

Azərbaycan Gənclər İttifaqı hər kəsi bu beynəlxalq incəsənət müsabiqəsində iştirak eləməyə dəvət edir.

Ölkə.Az

ŞƏRH YAZ
0

“Avroviziya”da Naxçıvan və Qarabağla bağlı qalmaqal — FOTO

“Avroviziya”da Naxçıvan və Qarabağla bağlı qalmaqal
21:00
19.05.2019
3352
Mədəniyyət
A
Xəbər verdiyimiz kimi, ötən gecə İsrailin paytaxtı Tel-Əviv şəhərində keçirilən sayca 64-cü Avroviziya 2019 nüfüzlu, beynəlxalq mahnı müsabiqəsinin final mərhələsi baş tutdu. Yarışmanın qalibi isə 492 səslə Hollandiyanı təmsil edən Duncan Laurens və onun səsləndirdiyi “Arcade” mahnısı oldu.

"Ölkə.Az" bildirir ki, müsabiqədə təmsilçilərin çıxışı yekunlaşdırdıqdan sonra aparıcılar Ekspo Mərkəzin səhnəsindən səsverməyə start veriblər və 41 ölkəyə canlı bağlantılar həyata keçirilib. Müsabiqədə 2-ci birbaşa bağlantı Azərbaycan olub və ekrana həmin an ulduzlarla bəzədilən Azərbaycanın xəritəsini gəlib. Yayımlanan postkartda Qarabağın və Naxçıvan Muxtat Respublikasının göstərilməməsi sosial şəbəkə izləyicilərini qəzəbləndirib. Onlar bu hərəkəti Azərbaycana qarşı edilən növbəti təxribatın olduğuna dair müxtəlif təngidi fikirlər səsləndiriblər.

Yaşanan qalmaqallı olayla bağlı İctimai Televiziya və Radio Yayımları Şirkəti tərəfindən dərhal müsabiqə təşkilatçılarına və Avropa Yayımları Birliyinin rəhbərliyinə rəsmi şəkildə etiraz bildirilərək müraciət edilib. Hazırda bununla bağlı qarşı tərəfin açıqlamasını gözlənilir.

Qeyd edək ki, bu Azərbaycanla bağlı yarışmada yaşanan ilk köbud səhv deyil. Müsabiqənin ikinci yarım finalından sonra keçirilən mətbuat konfransında ölkə təmsilçimizin və Azərbaycanın “Avroviziya-2019” mahnı müsabiqəsi üzrə nümayəndə heyətinin rəhbəri Hüsniyyə Məhərrəmovanın ekrana gəldiyi görüntüsündə mikrofonun üzərindəki Azərbaycan bayrağının tərs yapışdırıldığı söz-söhbətlərə və sosial mediyada müzakirə predmetinə çevrilmişdi.

Ölkə.Az
ŞƏRH YAZ
0

“Eurovision”da Azərbaycana qarşı daha bir hörmətsizlik — FOTO

“Eurovision”da Azərbaycana qarşı daha bir hörmətsizlik
17:06
19.05.2019
3270
Mədəniyyət
A
Ötən gün "Eurovision-2019" beynəlxalq mahnı müsabiqəsinin final mərhələsi baş tutub.

"Ölkə.Az" xəbər verir ki, müsabiqənin qalibi Hollandiya olub, Azərbaycan isə yeddinci pillədə qərarlaşıb.

Amma diqqətdən yayınmayan məqam növbəti dəfə Azərbaycan bayrağına edilən hörmətsizlik olub.

Belə ki, Rusiyanın Azərbaycana 12 xal verməsi zamanı iştirakçılarımızdan birinin əlində bayrağımızın rəngləri səhv sıralamada nümayiş olunub. Bayraqda göy, qırmızı, yaşıl əvəzinə yaşıl, qırmızı, göy rəngləri olub. 

Ölkə.Az

ŞƏRH YAZ
0
BAĞLA