Bakıda Beynəlxalq İnşaat Həftəsinə start verildi

Bakıda Beynəlxalq İnşaat Həftəsinə start verildi
11:33
18.10.2017
228
İqtisadiyyat
A
Bu gün Bakı Ekspo Mərkəzində Xəzəryanı regionun tikinti sektoruna həsr olunmuş irimiqyaslı tədbir – XXIII Azərbaycan Beynəlxalq İnşaat “WorldBuild Baku 2017” sərgisi öz işinə başlayıb.

"Ölkə.Az"ın xəbərinə görə, sərgi 18-21 oktyabr tarixlərində keçiriləcək.

Müxtəlif ölkələri təmsil edən mütəxəssislərin uzun müddət səbirsizliklə gözlədikləri “WorldBuild Baku” sərgisi tikinti və memarlıq, eləcə də, layihələndirmə və təmir işləri sahəsində təşkil olunan mühüm peşəkar tədbirdir.

“WorldBuild Baku” sərgisi İqtisadiyyat Nazirliyi, Dövlət Şəhərsalma və Arxitektura Komitəsi, Azərbaycan Respublikasının Prezidenti yanında Mənzil İnşaatı Dövlət Agentliyi, Azərbaycan Memarlar İttifaqı, Azərbaycanda İxracın və İnvestisiyaların Təşviqi Fondu (AZPROMO) və Azərbaycan Respublikası Sahibkarlar (İşəgötürənlər) Təşkilatları Milli Konfederasiyası (ASK)  tərəfindən dəstəklənir. Sərginin təşkilatçıları qismində “Iteca Caspian” və onun tərəfdaşı Böyük Britaniyanın “ITE Group” şirkəti çıxış edir.

Bu il sərgidə dünyanın 23 ölkəsindən 200-dən artıq şirkət iştirak edir. Almaniya, BƏƏ və İran sərgidə öz milli pavilyonları ilə təmsil olunacaqlar. Bu ilin debütantı isə milli stendi ilə çıxış edən Polşadır. “WorldBuild Baku 2017” sərgisində ilk dəfə iştirak edən debütantlar ilə yanaşı, yerli şirkətlər də “Made in Azerbaijan” brendi altında istehsal olunan məhsullarını nümayiş etdirəcəklər. “WorldBuild Baku 2017” sərgisinin qeydiyyat sponsoru “Corella” markasıdır (“NB Group” şirkəti).

Bu il “WorldBuild Baku” sərgisi iştirakçılar ilə yerli distribyutorlar arasında keçiriləcək “B2B” formatlı görüşləri ehtiva edən geniş işgüzar proqramı ilə fərqlənəcək. Həmçinin sərgi çərçivəsində (Azərbaycan Memarlar İttifaqı ilə birlikdə) bir sıra peşəkar tədbirlərin keçirilməsi də planlaşdırılır.

“WorldBuild Baku” sərgisi innovasiyalı məhsul və xidmətlərin yerli tikinti bazarına cəlb olunması üçün ən effektiv və səmərəli kanallardan biridir. Bu baxımdan, 2017-ci il də istisna olmayacaq, belə ki, “WorldBuild Baku 2017” sərgisində fasad örtükləri, tikinti və üzlük materialları, qapı və pəncərələr, lak-boya məhsulları, inşaat kimyası və digər tikinti materiallarının bütün çeşidləri təqdim olunacaq.

Beləliklə, sərginin keçirildiyi 4 gün ərzində on minlərlə peşəkar tikinti sənayesi üzrə innovasiyalar ilə tanış olmaqla yanaşı, aparıcı istehsalçı və distribüterlərlə əlaqə yaratmaq və ən yeni texnologiyaları Azərbaycanın sürətlə inkişaf edən tikinti sənayesinə tətbiq etmək üçün unikal imkan əldə edəcəklər.

X Yubiley Beynəlxalq İstilik, Havalandırma və Kondisiyalaşdırma sistemləri, Su Təchizatı, Sanitariya, Ətraf mühitin Mühafizəsi Texnologiyaları, Üzgüçülük Hovuzu və Bərpa Olunan Enerji “Aquatherm Baku 2017” sərgisində isə Azərbaycan, Çin, Fransa, İran, İtaliya, Küveyt, Türkiyə və digər ölkələrdən şirkətləri iştirak edirlər. “Aquatherm Baku 2017” sərgisində ventilyasiya və kanalizasiya sistemləri, hidrantlar, boru armaturları, istilik sistemləri, borular, fitinqlər, radiatorlar, suqızdırıcı qazanlar, nasoslar, nasos stansiyaları, su qızdırıcıları və bir çox digər məhsul təqdim olunur. 

ŞƏRH YAZ
0

Arıçılara subsidiyaların verilməsi başa çatır

Arıçılara subsidiyaların verilməsi başa çatır
10:17
Bu gün
123
İqtisadiyyat
A
Dekabrın 15-dək arıçılara subsidiya verilməsi başa çatdırılacaq.

"Ölkə.Az" xəbər verir ki, bunu Kənd Təsərrüfatı Nazirinin müavini Seyfəddin Talıbov Dövlət Aqrar İnkişaf Mərkəzlərinin (DAİM) sədrləri və Azərbaycan Arıçılar Assosiasiyasının (AAA) İdarə Heyətinin üzvləri ilə rayon sədrlərinin toplantısında açıqlayıb. O, qısa zaman ərzində arı ailələrinin sayının dəqiqləşdiriləcəyi, bu saya uyğun ştrix kodların sifariş olunacağı, dekabrın 15-ə qədər isə subsidiyanın veriləcəyi bildirilib.

Qeyd edək ki, arıçılara veriləcək maliyyə onların bank hesablarına köçürüləcək. Payız dövrü olduğu üçün ailədəki çərçivə sayı nəzərə alınmayacaq. Əsas şərt pətək içərisində arı iləsinin olmasıdır. Arıların sayılması DAİM əməkdaşları, yerli icra nümayəndələri və AAA üzvləri tərəfindən həyata keçiriləcək. AAA prosesdə ictimai nəzarət funksiyasını həyata keçirəcək.

Arıçılardan tələb olunur: 
Ərizə ilə müraciət 
Şəxsiyyət vəsiqəsinin sürəti və telefon nömrəsi
Bank rekvizitləri
Ştrix kodlar üçün ödədiyi pulun qəbzi

Ölkə.Az

ŞƏRH YAZ
0

Valyuta məzənnələri

Valyuta məzənnələri
09:50
Bu gün
208
İqtisadiyyat
A
Azərbaycan Mərkəzi Bankı 15 noyabr tarixinə olan valyuta məzənnələrini açıqlayıb.

Mərkəzi Bankdan "Ölkə.Az"a bildirilib ki, noyabrın 15-nə olan rəsmi məzənnələr bülleteninə əsasən, ABŞ dollarının rəsmi məzənnəsi 1,7000 manat təşkil edir. Manata nəzərən avronun məzənnəsi 1,9274 manat təşkil edir.

1 türk lirəsi 0,3112 manat, 1 rus rublu 0,0254 manat, 100 İran rialı 0,0040 manat, 1 gürcü larisi isə 0,6343 manatdır.

Ölkə.Az

ŞƏRH YAZ
0
BAĞLA