Bakıda bina uçdu, maşınlar dağıntılar altında qaldı — VİDEO

Bakıda bina uçdu, maşınlar dağıntılar altında qaldı
20:58
18.03.2018
6888
Hadisə
A
Binəqədi rayonunda uçqun olub.

"Ölkə.Az" Femida.az-a istinadən xəbər verir ki, hadisə ikinci mədən adlandırılan ərazidə baş verib. Əvvəllər neft şirkətinə məxsus olmuş yeməkxana qəzalı vəziyyətdə olduğu üçün uçub.Hadisə şahidlərinin verdiyi məlumata görə, yaxınlıqda yerləşən dayanacaqda saxlanılan bir neçə avtomobilə ciddi ziyan dəyib. Həmçinin qeyd olunan ərazidə 1910-cu ildə tikilmiş bir neçə qəzalı binanın olduğu və həmin binalarda oxşar mənzərənin yarana biləcəyi sakinlər tərəfindən bildirilib.

Həmin ərazidən video görüntünü təqdim edirik:

Ölkə.Az

ŞƏRH YAZ
1

Gəncədə iki avtomobil toqquşub — Sürücülər xəsarət alıb

Gəncədə iki avtomobil toqquşub
22:42
Bu gün
20
Hadisə
A
Gəncə şəhərində 2 nəfərin xəsarət alması ilə nəticələnən yol-nəqliyyat hadisəsi olub.

"Ölkə.Az"ın "Report"a istinadən məlumatına görə, şəhərin Heydər Əliyev parkının yaxınlığında baş vermiş avtomobil qəzası zamanı hər iki sürücü xəsarət alıb.

Onlardan birinə ambulator yardım göstərilib. Digər sürücü, Gədəbəy rayon sakini, 68 yaşlı Səfdər Bağırov isə xəstəxanaya yerləşdirilib.

Faktla bağlı araşdırma aparılır.

Ölkə.Az

ŞƏRH YAZ
0

Bakı metrosunda problem: qatar xarab oldu — 7 dəqiqə gecikmə

Bakı metrosunda problem: qatar xarab oldu
21:12
Bu gün
890
Hadisə
A
Bakıda metroda qatarda texniki nasazlıq yaranıb.

"Bakı Metropoliteni" Qapalı Səhmdar Cəmiyyətinin mətbuat xidmətinin rəhbəri Bəxtiyar Məmmədovun "Ölkə.Az"a verdiyi məlumata görə, hadisə bu gün saat 19:30 radələrində metronun "28 May" stansiyasında baş verib.

"İçəri Şəhər"-" Həzi Aslanov" marşrutu üzrə hərəkətdə olan qatar "28 May" stansiyasına daxil olarkən texniki problem yaranıb. Maşinist qatarda vəziyyəti qiymətləndirmək üçün stansiyada 7 dəqiqə gözləməli olub. Nəticədə arxadan gələn "Dərnəgül"-"Həzi Aslanov" istiqamətində hərəkətdə olan qatar "Nizami" stansiyası ilə "28 May" stansiyası arasındakı tuneldə 3 dəqiqə gözləməli olub.

Texniki problem yaranan qatar sərnişinlərlə birlikdə "Nəriman Nərimanov" stansiyasına qədər gələrək sərnişinləri düşürüb, Depoya göndərilib.

B.Məmmədov bildirib ki, hazırda metroda qatarlar normal qrafiklə hərəkətini davam etdirir, intervalda problem yoxdur.

Ölkə.Az

ŞƏRH YAZ
0
BAĞLA