Bakıda bir maşın digərinə çırpıldı, sürücü öldü
Bakıda ağır yol-nəqliyyat hadisəsi baş verib.
"Ölkə.Az" oxu.az-a istinadla məlumat verir ki, qəza saat 23:15 radələrində Babək prospektində olub.
“Daewoo” markalı 90 CA 844 nömrəli avtomobilin sürücüsü Sultanov Rahim Şadi oğlu sürət həddini aşaraq işıqforda dayanan “Audi” markalı 90 BB 114 nömrəli avtomobilə çırpılıb.
Qəza nəticəsində R. Sultanov ağır xəsarət alıb. O, Sabunçu Rayon 3 saylı Şəhər klinik xəstəxanasına çatdırılsa da, vəziyyəti ağır olduğundan orada dünyasını dəyişib.
Hər iki avtomobilə ciddi ziyan dəyib. Faktla bağlı araşdırma aparılır.
Ölkə.Az