Bakıda bu yolun dədinə çarə tapılmır — “Restoranlar küçəsi”ndə biabırçılıq - VİDEO

Bakıda bu yolun dədinə çarə tapılmır
21:30
19.06.2019
1930
Ölkə
A
Bakıda bir sıra məhşur şadlıq sarayının yerləşdiyi Çobanzadə küçəsində uzun illərdir nəqliyyatın hərəkətinə yaradılan süni problemi hələ də həll etmək mümkün olmayıb.

"Ölkə.Az" baku.ws-ə istinadən bildirir ki, əsasən toyların başladığı ərəfədə - 17:00-dan sonra bu küçəyə daxil olmaq əsəblərin korlanması deməkdir.

Çünki, yolun hər iki istiqamətində çoxsaylı avtomobil saxlanılmasına görə, digər avtomobillər demək olar ki, hərəkət edə bilmir. Bu sıxlığın yaranmasına səbəb isə restoranların bir çoxunun avtomobil dayanacağı olmamasıdır. Bu səbəbdən toya gələn qonaqlar avtomobillərini yolda hərəkətə mane olacaq şəkildə saxlayırlar.

Hərəkət edə bilməyən digər avtomobillər isə yollarına davam etmək üçün bir çox hallarda yol hərəkəti qaydalarını da pozmaq məcburiyyətində qalırlar.

Maraqlısı budur ki, bu yolda yaşanan problemi nə yol polisi, nə də Bakı Nəqliyyat Agentliyi hələ də həll edə bilməyib.

Ölkə.Az

ŞƏRH YAZ
0

Hakimliyə namizədlərlə — Test imtahanı keçirildi

Hakimliyə namizədlərlə
16:48
Bu gün
3293
Ölkə
A
Məhkəmə fəaliyyətinin təkmilləşdirilməsi üzrə dövlət başçısının tapşırıqlarına əsasən görülən tədbirlər çərçivəsində hakim vəzifəsinə namizədlərin tam şəffaf şəraitdə və obyektiv meyarlar əsasında seçimi həyata keçirilir.

"Ölkə.Az" bildirir ki, bu çoxmərhələli seçim proseduru nəticəsində 3400-dən çox namizəd sırasından 400-dən artıq yüksək hazırlıqlı hüquqşünas yazılı və şifahi imtahanları, habelə uzunmüddətli tədris kurslarını müvəffəqiyyətlə başa vuraraq müxtəlif hakim vəzifələrinə təyin edilib.

Hakimlərin iş yükünün azaldılması, işlərə vaxtında və daha keyfiyyətlə baxılması məqsədilə ölkə Prezidenti cənab İlham Əliyevin «Məhkəmə-hüquq sistemində islahatların dərinləşdirilməsi haqqında» 03.04.2019-cu il tarixli Fərmanı ilə hakim ştatlarının sayı 200 vahid artırılıb, habelə məhkəmələrə əlçatanlığın yaxşılaşdırılması və sahibkarların hüquqlarının daha etibarlı müdafiəsi məqsədilə yeni ixtisaslaşmış məhkəmələr yaradılıb.

Bununla əlaqədar hakimlərin seçimi üzrə cari ilin iyul ayının 26-dan açıq müsabiqə elan olunub. Ötən müddət ərzində sənədlərini təqdim etmiş 206 hüquqşünasla test imtahanının keçirilməsi qərara alınmışdır.

Sentyabr ayının 15-də Dövlət İmtahan Mərkəzində beynəlxalq və yerli müşahidəçilərin, o cümlədən vətəndaş cəmiyyəti nümayəndələrinin, televiziya və mətbuat təmsilçilərinin iştirakı ilə hakimliyə namizədlərlə test imtahanı keçirilib. Namizədlər üçün hər cür şəffaf və əlverişli şəraitin yaradıldığı imtahan zamanı onlar sualları müasir texnologiyaların tətbiqi ilə, fərdi qaydada, kompüter vasitəsilə cavablandırıblar.

İmtahanın nəticələri hər bir namizədə o, sualları cavablandırdıqdan dərhal sonra elan olunmaqla müvafiq arayış təqdim edilib, habelə nəticələr Məhkəmə-Hüquq Şurasının internet səhifəsində yerləşdirilib. Həmçinin, imtahan www.jlc.gov.az saytı vasitəsilə “on-line” rejimində birbaşa yayımlanıb.

İmtahanda 60 və daha artıq bal toplayaraq uğur qazanmış 158 hakimliyə namizəd müsabiqənin növbəti mərhələsinə buraxılıb. Proses müşahidəçilər tərəfindən şəffaf prosedur kimi yüksək dəyərləndirilib.

Eyni zamanda Hakimlərin Seçki Komitəsi bildirir ki, hakimliyə namizədlərin sənədlərinin qəbulu və müsabiqə davamlı olaraq həyata keçiriləcəkdir. Bununla əlaqədar hakim olmaq arzusunda olan hüquqşünaslar sənədlərini təqdim etməyə dəvət olunurlar.

Ölkə.Az

ŞƏRH YAZ
0

Ağdamlı "Əbu Qaaqa" Bakıdan İŞİD-i necə maliyyələşdirirdi? — TƏFƏRRÜAT

Ağdamlı
16:12
Bu gün
2809
Ölkə
A
Bakı Ağır Cinayətlər Məhkəməsində Suriyada terror təşkilatlarının maliyyələşməsində iştirak edən 29 yaşlı Sahil İbrahimov, 28 yaşlı İlqar Ağayev və 27 yaşlı Namiq Məmmədovun cinayət işi üzrə məhkəmə prosesi keçirilir.

"Ölkə.Az" bildirir ki, təqsirləndirilən şəxslər Azərbaycandan yarım milyon manatdan çox vəsait toplayıb Suriyaya göndəriblər. Belə ki, təqsidləndirilən Sahil İbrahimovun qardaşı Samir İbrahimov Suriyadakı gedən döyüşlərdə iştirak edib. O, Suriyada olduğu müddətdə Azərbaycanda olan, əhli-sünnə məzhəbinin sələfi təriqəti üzrə ibadət edən şəxslərlə müntəzəm olaraq əlaqə saxlayıb. Bildirib ki, Suriyada İŞİD-in tərkibində döyüşən azərbaycanlıların ölkədə və xaricdə yaşayan yaxınlarıyla, eyni təriqətdən olan şəxslərlə əlaqə saxlasınlar, onların göndərdikləri pulları yığıb Suriyaya yollasınlar.

Pullar xarici ölkələrdən Bakıya, buradan Türkiyəyə, oradansa Suriyaya göndərilib. Pul göndərişləri əsasən banklar vasitəsilə həyata keçirilib. 2017-ci ilin sentyabrından 2018-ci ilin fevralına qədər Sahil İbrahimov bir neçə dəfəyə 210 min manat, İlqar Ağayev 135 min dollar, 2018-ci ilin mart-aprel aylarında isə birlikdə yenə 135 min dollar pul göndəriblər.

Təqsirləndirilən şəxslər elan olunmuş ittihamla özlərini təqsirli bilməyiblər.

"Pulları imkansız şəxslərə paylamaq üçün "Abu Qaaqa” ya vermişdim”

Təqsirləndirilən Sahil İbrahimov istintaqa verdiyi ifadəsində terrorçuluğun maliyyələşməsində iştirakını inkar edib. Deyib ki, Suriyada silahlı münaqişlərdə iştirak edən qardaşı Samirin xahişi ilə 2017-ci ilin oktyabrından 2018-ci ilin ortalarınadək olan müddətdə yalnız ona olan borcları, eləcə də sədəqə pulu yığıb. Toplanan pulların bir hissəsini ailəsinin maddi ehtiyaclarına xərcləyib, bir hissəsini rayonda yaşayan tanımadığı şəxsin müalicəsi üçün göndərib, bir hissəsini isə imkansız şəxslərə paylanması üçün "Abu Qaaqa” ləqəbli İlqar Ağayevə verib.

Yuxudan oyananda arvadını yanında tapmayıb?

S.İbrahimovun ifadəsindən belə məlum olub ki, qardaşı "Abu İbrahim” ləqəbli Samir İbrahimov 2016-cı ilin yayında həyat yoldaşı Həbibə ilə birgə Türkiyəyə istirahətə yollanıb. Orada olduqları vaxt qardaşı arvadı eyni əqidə üzrə ibadət edən qadınlarla qoşularaq  Samirdən xəbərsiz Suriyaya qaçıb. Samir yuxudan oyananda arvadının "məni axtarma, mən getdim” məzmunlu məktubunu tapıb. Bundan  sonra Bakıya qayıdıb hadisəni ailə üzvlərinə danışıb. Həbibə getdikdən 4 ay sonra İraqın Bağdad şəhərində olması ilə bağlı üç qızla bigə şəkil çəkib anasına göndərib və narahat olmamasını deyib.

Qaraçuxur qəsəbəsində kirayə yaşayan "Abu İbrahim” 2017-ci ilin aprelində iki azyaşlı uşağını qardaşının ailəsinə verib, özü də Suriyaya yollanıb. Ailə üzvlərinə zəng vuraraq İŞİD-in tərkibində olduğunu deyib: "Samir Suriyaya getməmişdən əvvəl Qaraçuxurda geyim əşyaları, kompüter, telefon və ətir satışı ilə məşğul olurdu. Ona olan borc pullar da həmin əşyaların nisyə satışından qalmışdı. Həmin pulları və tanışlarının verdiyi sədəqələri yanımızda qoyub getdiyi uşaqlarına xərcləməyimi xahiş etmişdi. Həbs olunan vaxta qədər Samirə borclu olanlar və sədəqə vermək istəyənlər mənimlə əlaqə saxlayırdılar”.

"Döyüşən qardaşlara kömək məqsədilə getmişdi...”

Təqsirləndirilən Ağdam rayon sakini, "Abu Qaaqa” ləqəbli İlqar Ağayev isə ifadəsində 2012-ci ildən İslam dininin əhli-sünnə təriqəti üzrə ibadət etdiyini deyib.  "Abu İbrahim”lə 2015-ci ildə "Şuşa” kafesində tanış olduqlarını bildirib, aralarında dostluq yarandığını, bir il sonra sonuncunun Suriyaya getdiyini öyrəndiyini göstərib: "Samir mənimlə "Teleqram” messenceri ilə əlaqə saxlayırdı. İŞİD-in tərkibində döyüşdüyünü, döyüşən qardaşlara kömək məqsədilə gəldiyini deyirdi”.

"Abu Qaaqa” ifadəsində göstərib ki, 2017-ci ilin avqustunda "Abu İbrahim” ona İŞİD-ə qoşulan bacı və qardaşlara kömək lazım olduğunu bildirib. Həmin şəxslərin Azərbaycanda yaşayan qohumlarından pul toplamağı, eləcə də müxtəlif ölkələrdən ayrı-ayrı şəxslər tərəfindən eyni məqsədlə adlarına pul  göndəriləcək etibarlı şəxslər tapmağı tapmağı xahiş edib.

"Sahillə birgə toplayacağımız pulları Maksim adlı şəxsə verməyimizi xahiş etdi. Maksim də pulları İstanbulda yaşayan Cuneyt adlı şəxs tərəfindən Suriyaya çatdıracağını deyirdi. Etiraz etmədim. Samirin adından zəng vuran şəxslərlə görüşüb pulları alıb Maksimə verirdim. Maksim də Cuneytə göndərir, sonuncu da Samirə çatdırırdı. Pulların orada kimə veriləcəyini isə yalnız Samir bilirdi”,-ağdamlı cihadçı "Əbu Qaaqa” deyib.

20 min dollar verməsəydi başı kəsiləcəkdi?

Təqsirləndirilən Namiq Məmmədov da ona elan olunmuş ittihamla özünü təqsirli bilməyib. O, ifadəsində "Abu Qaaqa”nı "Ləzgi” məscidində ibadət etdiyi vaxtlardan tanıdığını deyib.

N.Məmmədovun ifadəsinə görə, ötən ilin mayında "Abu Qaaqa” ilə təsadüfən kafedə rastlaşıb. Söhbət əsnasında İ.Ağayev ona razılıq verəcəyi təqdirdə İŞİD-in tərkibində döyüşmüş və Türkiyədə məskunlaşmış maddi cəhətdən çətinlik çəkən əqidə yoldaşlarına və onların ailə üzvlərinə çatdırılması məqsədilə xarici ölkələrdən adına pul göndərilməsini, həmin pulları bankdan qəbul edib ona çatdırmağı təklif edib: "Əqidə yoldaşlarıma kömək edilməyi özümə borc bildiyim üçün bu təkliflə razılaşdım”.

İstintaq zamanı məlum olub ki, "Abu İbrahim”in anası Rübabə İbrahimova müxtəlif şəxslərdən yığılan 20 min dollar pulu Türkiyədə yaşayan Cuneyt adlı şəxsə çatdırmaq üçün İstanbula gedib, həmin gün də avtobusla geri qayıdıb: "Samir dedi ki, bu məbləğ ona çatmayacağı təqdirdə edam olunacaq. Ona görə də bu pulu Türkiyəyə şəxsən özüm apardım”.

"Dedi ki, Məşhədə getsən, kafir olacaqsan”

Şahid qismində dindirilən İldız Kərimova ifadəsində Rusiyada yaşayan nəvəsi Eminin Suriyaya getdiyini və orada döyüşlərdə öldüyünü göstərib: "Emin hərbi xidmətdən qayıdandan sonra dini baxışlarında dəyişiklik olduğunu hiss etmişdim. Telefonda danışanda dedim ki, bala, Məşhəd ziyarətinə getməyə hazırlaşıram. Dedi ki, oraya getmə, əgər bu ziyarətə getsən kafir olacaqsan. Bir müddət sonra Eminin Suriyaya getdiyini öyrəndim. 2015-ci ildə Emin orada öldü, arvadı və iki azyaşlı uşağı Rakka şəhərində qaldı. Ötən ilin mayında gəlinim zəng vurub Eminin ailəsinə pul çatdırmaq lazım olduğunu dedi. Həmin şəxsin mənimlə əlaqə saxlayacağını söylədi. "Abu İbrahim" ləqəbli bir nəfər zəng vurub dedi ki, Eminin arvadı Rozaya çatacaq pulu "28 May” metrostansiya”sının yaxınlığında bir qadın gələcək, ona vermək lazımdır. Həmin qadına (R.İbrahimovanı nəzərdə tutur-red.) 1100 dollar verdim”.

Atası öldürülən, əri edam olunan azərbaycanlı qadın

Şahid ifadələri arasında diqqət çəkənlərdən biri də Səma Əlisoyun ifadəsidir. Dindar ailəsində doğulduğunu deyən Səma 12-13 yaşlarından ibadətlə məşğul olub, atası İntiqam Əlisoy 2012-ci ildən Suriyaya gedərək İŞİD-ə qoşulub, bir müddət "Azəri camaatı”na rəhbərlik edib.

2017-ci ildə Suriyada bombardman nəticəsində həlak olub. Səma milliyyətcə tatar olan həyat yoldaşı Rəşid Bərqubəyovun təkidi və atasının tələbi ilə 2015-ci ildə Suriyada xilafət elan olunduqda Hələb şəhərinə köçüb.

Hələbə köçəndən sonra əri silahlı dəstələrə qoşulub. 2017-ci ildə atasının ölüm xəbərinə eşidib. Əri isə "Cəbhətül-Nusra” tərəfindən əsir götürülüb. Suriyadan çıxmaq istəyərkən hərbçilər tərəfindən saxlanılıb. 2017-ci ilin dekabrında ərinin edam xəbərini eşidib. 2018-ci ildə Türkiyə əsgərləri tərəfindən azad olunub və rəsmi qaydada Azərbaycana təhvil verilib.

"Maddi vəziyyətim çox ağır idi. Rəşidlə əlaqələr kəsilmişdi. Onun telefonunu yaddaşında olan Vaqid adlı şəxsə yazıb dedim ki, Rəşidin yoldaşıyam, atam öldürülüb, iki uşaqla ortalıqda qalmışam, mənə köməklik edin. Vaqif köməklik edəcəyinə söz verdi. 2017-ci ilin yayından 2018-ci ilin iyununadək "Abu İbrahim” adlı şəxs vasitəsilə mənə hər 3 aydan bir orta hesabla 300 dollar göndərilib. Həmin pulları uşaqlarıma və maddi ehtiyaclarıma sərf etmişəm”,-qadın ifadəsində deyib.

Cihadçıların Azərbaycandan ianələr toplanması yolu ilə maliyyələşdirilməsi işi ilk dəfədir məhkəmədə araşdırılır. Məhkəmə prosesinin gedişində həmin "Əbu Qaaqa” özünü ağlını itirmiş kimi göstərir və topla oynayır, adekvat cavablar vermir.

Xatırladaq ki, Azərbaycandan yüzlərlə, hətta bəzi məlumatlara görə bir neçə min radikal dini ekstremist İŞİD-ə qoşulmuşdu və Suriyada, İraqda gedən döyüşlərdə iştirak edirdi. Onların əksəriyyəti öldürülüb, bir qismi geri qayıdandan sonra Azərbaycan hüquq-mühafizə orqanları tərəfindən həbs edilib və məhkəmələr onların barəsində uzunmüddətli həbs cəzaları verib. Bir qismi isə hələ də İŞİD-in qalıqlarının sıralarında yer almaqdadır. virtualaz.org

Ölkə.Az

ŞƏRH YAZ
0
BAĞLA