Bakıda cərimə meydançalarında 8 min manat borcu olan maşınlar var — VİDEO

Bakıda cərimə meydançalarında 8 min manat borcu olan maşınlar var
09:49
12.09.2019
3107
Ölkə
A
Son vaxtlar Bakı şəhərində və bölgələrdə xarici qeydiyyat nömrəli nəqliyyat vasitələrinin sayı xeyli artıb. Qonşu ölkələrdən, xüsusilə də Gürcüstandan gətirilən avtomobillərə isə daha çox rast gəlinir. Hazırda cərimə meydançalarında da yüksək cərimə borcu olan yüzlərlə xarici nömrəli avtomobil var.

Bakı şəhər Baş Polis İdarəsi Dövlət Yol Polisi İdarəsinin şöbə rəisi Vaqif Əsədov bildirir ki, həmin nəqliyyat vasitələrinin sürücüləri qayda pozsalar da, məsuliyyətdən yayına biləcəklərini düşünürlər. Lakin bu mümkün deyil.

Çünki nəqliyyat vasitəsi ölkəyə daxil olarkən bütün məlumatlar mərkəzi informasiya sisteminə yerləşdirilir və sürücü qayda pozduqda çox asan şəkildə elektron protokol tərtib olunur.

Şöbə rəisinin sözlərinə görə, hazırda dayanacaqlarda yüksək məbləğdə cərimə borcu olan xeyli avtomobil var. Cərimələrin məbləği isə bir neçə min manatdır.

Vaqif Əsədov deyir ki, bəzən sürücülər cərimə borcunu ödəməmək üçün ölkədən çıxır və avtomobilin nömrəsini dəyişərək yenidən gəlirlər. Lakin artıq bu yolla da məsuliyyətdən yayınmaq mümkün deyil.

Çünki avtonəqliyyat vasitəsi ölkəyə daxil olanda şassi nömrəsi də mərkəzi informasiya bazasına yerləşdirilir. Nömrə nişanı dəyişdirilsə də, şassi nömrəsi ilə həmin nəqliyyat vasitəsi təyin edilir və barəsində qanunauyğun şəkildə müvafiq tədbirlər görülür.

Xezerxeber.az mövzu ilə bağlı daha ətraflı videomaterialı təqdim edir:

Ölkə.Az

ŞƏRH YAZ
0

Həkimlərin maaşı 50 faiz artırıldı — Vasif Talıbovdan sərəncam imzaladı

Həkimlərin maaşı 50 faiz artırıldı
22:48
Bu gün
2422
Ölkə
A
Naxçıvan Muxtar Respublikası Ali Məclisinin sədri Vasif Talıbov Ordubad rayonunda icbari tibbi sığortanın tətbiqi ilə bağlı əlavə tədbirlər haqqında sərəncam imzalayıb.

"Ölkə.Az" azxeber.com-a istinadən bildirir ki, sərəncamla Ordubad Rayon Mərkəzi Xəstəxanasına publik hüquqi şəxs statusu verilib.

Naxçıvan Muxtar Respublikasının Nazirlər Kabineti bu sərəncamın 1-ci hissəsində nəzərdə tutulan publik hüquqi şəxsin Nizamnaməsini təsdiq etməlidir. 2019-cu il dekabrın 1-dən fəaliyyətini təmin etməlidir.

Nazirlər Kabineti icbari tibbi sığortanın tətbiqi ilə əlaqədar Ordubad Rayon Mərkəzi Xəstəxanasının işçilərinin aylıq vəzifə maaşlarının 2019-cu il dekabrın 1-dən 50 faiz artırılmasını təmin etməlidir.

Bütün mərkəzi icra hakimiyyəti orqanlarına, aidiyyəti dövlət qurumlarına, Ordubad Rayon İcra Hakimiyyətinə tapşırılıb ki, bu sərəncamdan irəli gələn vəzifələrin icrası ilə bağlı Naxçıvan Muxtar Respublikasının Nazirlər Kabineti yanında İcbari Tibbi Sığorta üzrə Dövlət Agentliyinə zəruri köməklik göstərilsin.

Naxçıvan Muxtar Respublikasının Maliyyə Nazirliyi, Səhiyyə Nazirliyi və Vergilər Nazirliyi bu sərəncamdan irəli gələn məsələləri həll etməlidirlər.

ŞƏRH YAZ
0

“Uşaqları özləri döyüb” - Ögey ana ilə ata efirdə — FOTO

“Uşaqları özləri döyüb” - Ögey ana ilə ata efirdə
22:30
Bu gün
2582
Ölkə
A
Bir neçə gündür iki azyaşlı uşağa şiddət göstərməkdə ittiham olunan ata Xəqani Kazımov və ögey ana Nuranə "Səni axtarıram" proqramına qatılıb.

"Ölkə.Az" qafqazinfo-ya istinadən xəbər verir ki, onlar canlı yayıma çıxaraq iddialara cavab veriblər. 

X. Kazımov qayınatasının ona böhtan atdığını bildirib: "Heç bir işgəncə verməmişik. Məhkəmə qərarı ilə uşaqlar bizdə idi. 15-ci polis bölməsinin əməkdaşları evə gəldilər, qapını qırdılar. Birinci xanımımın atası bizi döydü. Əlimizdə bununla bağlı ekspertiziya rəyi var. Hansı valideyn uşaqlarını belə döyər? Özləri uşaqları bu cür ediblər. Evdən övladlarımı aparanda heç bir şeyləri yox idi. Bir tək qolu şişmişdi. O da ağacdan yıxılmışdı, yoxlatdırmışdıq, qırığı-çatı yox idi. Bizi şantaj edirlər. Uşaqları oktyabrın 22-dən aparıblar".

Ögey ana Nuranə isə uşaqlara çox yaxşı baxdığını, uşaqları onlardan almaq üçün belə addım atdıqlarını qeyd edib: "Guya, yemək verməmişik. Allaha and olsun ki, belə şey yoxdur. Guya, ağızlarına istiot basmışam".

Qeyd edək ki, iddiaya görə, Bakıda yaşayan Qulu və Hüseyn adlı qardaşların anası onlar körpə ikən vəfat edib. Himayəsində qaldığı ataları, Ağcabədi rayon sakini Xəqani Əkbərov isə Nuranə adlı qadınla ailə qurub. Bundan sonra uşaqların atası həyat yoldaşı ilə birlikdə hər iki oğluna müxtəlif işgəncələr verib. 

Hadisə ilə bağlı cinayət işi açılıb. 

ŞƏRH YAZ
0
BAĞLA