Bakıda cinayət törədən 32 qrup ifşa olunub

Bakıda cinayət törədən 32 qrup ifşa olunub
19:19
23.04.2018
7092
Ölkə
A
Bakı Şəhər Baş Polis İdarəsində 2018-ci ilin I rübünün nəticələrinə və qarşıda duran vəzifələrə həsr olunmuş əməliyyat müşavirəsi keçirilib.

İdarədən "Ölkə.Az"a verilən xəbərə görə, 2018-ci ilin 3 ayı ərzində paytaxtda Daxili İşlər Nazirliyi və Prokurorluq üzrə 2.657 (2017-ci ilin müvafiq dövründə 2.865) cinayət qeydə alınıb ki, onların da 89,3%-i az ağır və böyük ictimai təhlükə törətməyən, 10,7%-i isə ağır və xüsusilə ağır növlər olub. 2017-ci ilin müvafiq dövrü ilə müqayisədə ağır və xüsusilə ağır cinayətlər 44,1%, şəxsiyyət əleyhinə olan cinayətlər 8,4%, o cümlədən qəsdən adam öldürmə cinayətləri 21,1%, qəsdən sağlamlığa az ağır zərər vurmalar 20,7%, mülkiyyət əleyhinə olan cinayətlər 10,9%, xüsusi əmlak oğurluqları 4,8%, quldurluqlar 9,5%, dələduzluqlar 31,5%, hədə-qorxu ilə tələb etmələr 20,0%, avtonəqliyyat oğurluğu 2 dəfə, avtonəqliyyatın qaçırılması 22,7%, xuliqanlıq cinayəti 7,2%, insan alveri ilə bağlı cinayətlər 10,8% azalıb, adam oğurluğu cinayəti isə ümumiyyətlə qeydiyyata alınmayıb.

Cinayətlərin 77,2%-nin (2017-ci ilin müvafiq dövründə 75,4%), ağır növlərinin 73,7%-nin (73,8%), qeyri-aşkar şəraitdə baş verənlərin 65,2%-nin (67,7%) açılması təmin olunub. Şəxsiyyət əleyhinə olan 401 cinayətdən 94,8%-i (88,4%), o cümlədən qəsdən adam öldürmələrin 84,6%-i (100,0%), adam öldürməyə cəhdlərin 100,0%-i (100%), qəsdən sağlamlığa ağır zərər vurmaların 92,5%-i (85,0%) və zorlamaların 100,0%-i (100,0%) açılıb.

2017-ci ilin müvafiq dövrü ilə nisbətdə ümumi cinayətlərin açılması 1,8%, şəxsiyyət əleyhinə olan cinayətlər 6,4%, ehtiyatsızlıqdan adam öldürmələr 66,7%, qəsdən sağlamlığa ağır zərər vurmalar 7,5%, qəsdən sağlamlığa az ağır zərər vurmalar 6,2%, avtonəqliyyat oğurluğu 15,0%, dələduzluqlar 5,4%, soyğunçuluqlar 5,7%, quldurluqlar 8,9%, hədə-qorxu ilə tələb etmələr 33,3%, avtonəqliyyatın qaçırılması 25,7%, xuliqanlıqlar 2,8%, insan alveri ilə bağlı cinayətlər 31,0%, ölümlə nəticələnən yol-nəqliyyat hadisələrinin açılması isə 4,1% yaxşılaşıb.

Baş İdarənin və ərazi polis orqanlarının “Təhlükəsiz şəhər” xidmətinin operatorları tərəfindən 1.584 hadisə aşkarlanıb, kameraların arxiv görüntülərindən istifadə edilməklə 72 bağlı cinayət açılıb.

Bildirilib ki, hesabat dövründə 16 soyğunçuluq və quldurluq cinayəti törətmiş 28 nəfərdən ibarət 16 qrup, eləcə də 41 mənzil oğurluğu törətmiş 36 nəfərdən ibarət 16 cinayətkar qrup ifşa olunub. Narkotiklərlə bağlı aşkar edilmiş 234 fakt (2017-ci ilin müvafiq dövründə 294) üzrə qanunsuz dövriyyədən 172 kiloqramdan çox (+11 kq 603 qr) narkotik vasitə çıxarılıb.

ŞƏRH YAZ
0

Külli miqdarda narkotik dövriyyədən çıxarıldı

Külli miqdarda narkotik dövriyyədən çıxarıldı
11:56
Bu gün
31
Ölkə
A
Sabirabadda 1,5 kq-a yaxın narkotik dövriyyədən çıxarılıb.

Daxili İşlər Nazirliyinin Mətbuat xidmətinin Şirvan regional qrupundan "Ölkə.Az"a verilən məlumata görə, daxil olmuş məlumat əsasında Sabirabad rayon Polis şöbəsinin (RPŞ) əməkdaşları tərəfindən həyata keçirilən əməliyyat-axtarış tədbirləri nəticəsində narkotik vasitələrin qanunsuz dövriyyəsi ilə məşğul olmaqda şübhəli bilinən Cəlilabad rayonu Közbulaq kənd sakini, əvvəllər məhkum olunmuş 37 yaşlı Səlim Ağayev saxlanılıb.

RPŞ-nin əməkdaşları tərəfindən S.Ağayevin üzərinə keçirilən baxış zamanı onun əlindəki qutudan ümumi çəkisi 980 qram olan tiryək və 495 qram heroin aşkar edilərək götürülüb.

Saxlanılan şəxs istintaqa təhvil verilib, maddi sübutlar isə ekspertizaya təqdim olunub. Faktla bağlı araşdırma aparılır.

ŞƏRH YAZ
0

İxtisas seçimi bu gün başa çatır

İxtisas seçimi bu gün başa çatır
11:01
Bu gün
330
Ölkə
A
Ali təhsil müəssisələrinin boş qalan plan yerlərinə və tam orta (11 illik) təhsil bazasında kolleclərə qəbul olmaq istəyən abituriyentlərin ixtisas seçimi bu gün saat 23:59-da başa çatacaq.

Dövlət İmtahan Mərkəzindən "Ölkə.Az"a verilən məlumata görə, ali məktəblərə qəbul olunan abituriyentlərin boş qalan yerlərə və kolleclərə keçirilən müsabiqədə iştirak etmək hüquqları yoxdur.

Abituriyentlər elektron ixtisas seçimi ərizə formasında ali təhsil müəssisələrinin boş qalan yerləri olan ixtisasları ilə yanaşı orta ixtisas təhsili müəssisələrinin ixtisaslarının da kodlarını göstərə bilərlər. 

Ali təhsil müəssisələrinin boş qalan (vakant) plan yerlərinin siyahısı “Abituriyent” jurnalının 8-ci sayında dərc olunub. Orta ixtisas məktəblərinin qəbul aparılan ixtisasları isə “Abituriyent” jurnalının 5 ci sayında dərc olunub.

İxtisas seçmək hüququ olan abituriyent ali təhsil müəssisələrinin və orta ixtisas təhsili müəssisələrinin ixtisas kodunu seçib, onları http://eservices.dim.gov.az/erizebak/ixtisas2/ internet ünvanında yerləşən “Abituriyentin elektron ixtisas seçimi ərizəsi”nə istədiyi ardıcıllıqla daxil edərək təsdiqləməlidir. Abituriyent ali təhsil müəssisələrinin ixtisas kodlarını seçərkən dövlət sifarişi əsasında və ya ödənişli əsaslarla təhsil almaq istədiyini qeyd etməlidir. Əgər abituriyent hər hansı bir ixtisas üzrə həm dövlət sifarişi, həm də ödənişli əsaslarla olan yerlərin müsabiqəsində iştirak etmək istəyirsə, bu halda həmin ixtisas kodunu ərizəyə iki dəfə daxil etməli və ayrılıqda bu ixtisas üzrə təhsilini dövlət sifarişi əsasında və ödənişli əsaslarla almaq istədiyini qeyd etməlidir. Orta ixtisas təhsili müəssisələrinin isə dövlət hesabına və ya ödənişli əsaslarla qəbul aparılan ixtisaslarının kodları fərqlidir. Hər bir ixtisas kodu ərizədə ayrıca göstərilməlidir. 

Elektron ixtisas seçimi ərizəsini təsdiqləməyən abituriyentlər müsabiqəyə buraxılmayacaqlar.

ŞƏRH YAZ
1
BAĞLA