Bakıda daha bir yol qəzası — 5 nəfər öldü

Bakıda daha bir yol qəzası
10:25
06.12.2017
1301
Hadisə
A
Bakıda yük maşını minik avtomobili ilə toqquşub.

"Ölkə.Az" "Report"-a istinadən məlumat verir ki, hadisə Lökbatan-Xocasən avtomobil yolunun Qaradağ rayonundan keçən hissəsində qeydə alınıb. 

Belə ki, "Mercedes" markalı minik avtomobili idarəetməni itirərək "Mercedes" markalı yük maşınının arxa hissəsinə çırpılıb. Qəza nəticəsində 5 nəfər ölüb. Ölənlərin hamısı bir ailənin üzvləridir.

FHN-nin Xüsusi Riskli Xilasetmə Xidmətinin xilasetmə qüvvələrinin əməliyyatı nəticəsində minik avtomobilinin sürücüsü Hüseynov Sakit Nuru oğlu və sərnişinlər Hüseynova Telnaz Şiraslan qızı, Hüseynova Samirə Sakit qızı və Hüseynova Selcan Vüqar qızının meyitləri deformasiyaya uğramış nəqliyyat vasitəsindən çıxarılaraq aidiyyəti üzrə təhvil verilib.

ŞƏRH YAZ
0

Avtomobil qaçıraraq qəza törədən şəxs saxlanıldı

Avtomobil qaçıraraq qəza törədən şəxs saxlanıldı
20:17
Bu gün
68
Hadisə
A
Şirvanda avtomobil qaçıraraq qəza törədən şəxs saxlanılıb.

Daxili İşlər Nazirliyinin mətbuat xidmətinin Şirvan regional qrupundan Ölkə.Az-a verilən məlumata görə, dekabrın 17-də Daxili İşlər Nazirliyinin "102 Zəng Mərkəzi" Xidmətinə Şirvan şəhəri ərazisindən avtomobil qaçırılması barədə məlumat daxil olub.

Şirvan ŞPŞ əməkdaşları tərəfindən aparılan araşdırmalarla Bakı şəhər sakini Xəyyam Həsənovun "VAZ-2106" markalı avtomobilinin şəhərin Naxçıvan küçəsindən qaçırıldığı məlum olub.

Dərhal əməliyyat-axtarış tədbirlərinə başlanılıb və qeyd edilən avtomobilin şəhər ərazisində yol-nəqliyyat hadisəsi törətməsi, "VAZ-2107" markalı avtomobillə toqquşması müəyyən edilib.

Hadisə yerindən qaçmağa cəhd göstərən sərxoş şəxs saxlanılaraq Polis Şöbəsinə gətirilib.
Araşdırmalarla onun şəhər sakini Səbuhi Həmidov olması, Naxçıvani küçəsində dayanan avtomobilin qapılarının açıq və açarının üzərində olduğunu görüb onu qaçırması və yüksək sürətlə idarə edərək işıqforun qırmızı işığında dayanan minik avtomobilinə çırpıldığı müəyyən edilib.

Qəza nəticəsində xəsarət alan olmayıb.

Faktla əlaqədar Şirvan ŞPŞ-nin İstintaq bölməsində araşdırma aparılır.

ŞƏRH YAZ
0

Qusarda çürümüş kişi meyiti tapıldı

Qusarda çürümüş kişi meyiti tapıldı
18:33
Bu gün
375
Hadisə
A
Qusar rayonu ərazisində meşədə çürümüş kişi meyiti tapılıb.

"Ölkə.Az" APA-ya istinadən məlumat verir ki, rayonun Mucuq kəndi ərazisində meşə massivində meyiti aşkarlanan şəxsin təxminən 50-55 yaşlarında kişi olduğu ehtimal edilir.

Onun bir neçə ay öncə öldüyü təxmin olunur.

Meyiti tapılan şəxsin kimliyinin müəyyənləşdirilməsi istiqamətində hüquq-mühafizə orqanları tərəfindən işlər davam etdirilir.

Faktla bağlı Qusar rayon Prokurorluğunda araşdırmalar aparılır. 

ŞƏRH YAZ
0
BAĞLA