Bakıda daha bir yol təmir edilir

Bakıda daha bir yol təmir edilir
19:40
17.05.2018
1331
Ölkə
A
Şəfayət Mehdiyev küçəsinin bir hissəsi təmir edilir.

Bu barədə "Ölkə.Az"a “Azərbaycan Avtomobil Yolları” Dövlət Agentliyinin mətbuat xidmətindən məlumat verilib. Məlumata əsasən, təmir-tikinti işlərinin aparıldığı ərazinin uzunluğu 570 m, eni isə 10-27 m arasında dəyişir. Küçənin sözügedən hissəsi hərəkət intensivliyi ilə seçilən Ə. Haqverdiyev və Landau küçələri ilə kəsişir.

Təmir-tikinti işləri çərçivəsində ərazidə asfalt-beton örtüyünün üst qatı frezlənərək kənara daşınır, əvəzinə 2 laydan ibarət və 10.000 min kv.m sahəni əhatə edən yeni asfalt-beton örtük döşənəcək. Bundan başqa Şəfayət Mehdiyev küçəsində yağış-kanalizasiya sistemi bərpa olunaraq zəruri olan yerlərdə yeni yağış barmaqlıqları quraşdırılacaq, köhnələri isə yenisi ilə əvəzlənəcək.

Təmir işlərinin sonuncu mərhələsində küçə boyu zəruri olan yerlərdə yol nişanları quraşdırıldıqdan, yolun üfiqi nişanlanma xətləri çəkildikdən sonra Şəfayət Mehdiyev küçəsinin bu hissəsi yeni görkəmdə vətəndaşların istifadəsinə veriləcək.

Qeyd edək ki, bundan öncə Şəfayət Mehdiyev küçəsinin Tbilisi prospekti və Ə. Haqverdiyev küçələri arasında yerləşən 1.7 km-lik hissəsi təmir edilib. 

ŞƏRH YAZ
0

Bakıda nə qədər işsiz var?

Bakıda nə qədər işsiz var?
19:45
Bu gün
1367
Ölkə
A
2018-ci il ərzində Bakıdakı məşğulluq xidməti orqanlarının işsiz statusu verdiyi şəxslərin və işsizlikdən sığorta ödənişi alanların sayı açıqlanıb.

“Ölkə.Az” bu barədə Dövlət Statistika Komitəsinin Bakı Şəhər Statistika İdarəsinə istinadən xəbər verir. 

Məlumata görə, ötən il paytaxtda 9 243 nəfərə işsiz statusu verilib ki, bunun da 3 703 nəfərini qadınlar təşkil edib.

İl ərzində 599 nəfərə işsizlik müavinəti ödənilib ki, bunun da orta məbləği 198,7 manat olub.

Ötən ilin sonuna Bakıda işçi qüvvəsinə olan tələbat 2 191 nəfər təşkil edib ki, bunun da 1 932 nəfəri fəhlələr olub. 

Ölkə.Az

ŞƏRH YAZ
0

Gömrükdə növbəti siqaret əməliyyatı — VİDEO

Gömrükdə növbəti siqaret əməliyyatı
19:31
Bu gün
1017
Ölkə
A
Dövlət Gömrük Komitəsinin Qərb Ərazi Baş Gömrük İdarəsinin Əməliyyat və Təhqiqat İdarəsinin Əməliyyat şöbəsinə daxil olan məlumat əsasında, idarənin "Qırmızı Körpü" gömrük postunda Gürcüstandan Azərbaycana "VAZ-2105" markalı nəqliyyat vasitəsi ilə gələn Azərbaycan vətəndaşının avtomobili saxlanılıb və gömrük baxışı keçirilib.

Komitədən “Ölkə.Az”a verilən məlumata görə, sorğu-sual zamanı vətəndaş üzərində və idarə etdiyi nəqliyyat vasitəsində gömrük nəzarətindən gizlədilmiş hər hansı predmetin olmadığını bildirib. Lakin yoxlama zamanı nəqliyyat vasitəsinin yük yerindəki örtüyün alt hissəsinə düzülmüş, üzərində "Marlboro Edge" sözləri yazılan 2 200 ədəd, üzərində "Parliament Silver Blue" sözləri yazılan 400 ədəd, üzərində "R1" sözləri yazılan 200 ədəd siqaretlər və nəqliyyat vasitəsinin mühərrikindən 2 400 ədəd, üzərində "Qilzı papirosnıe" yazılan, tütün doldurmaq üçün xüsusi kağız bükümlər aşkarlanıb.

Faktla bağlı araşdırma aparılır.

ŞƏRH YAZ
0
BAĞLA