Bakıda dəhşətli qətl — Ər arvadının boğazını kəsdi

Bakıda dəhşətli qətl
10:33
12.02.2019
5615
Hadisə
A
Binəqədi rayonunda qısqanc ər həyat yoldaşını boğazını kəsərək qətlə yetirib.

“Ölkə.Az” xəbər verir ki, hadisə Binəqədi rayonu, İsfahani küçəsi, döngə 1-də baş verib. Tufan Qurbanov yaşadığı mənzildə bıçaqla həyat yoldaşı, 1979-cu il təvəllüdlü Qurbanova Lalə Həsən qızının boğazını kəsib. Qadın aldığı xəsarətlərdən elə hadisə yerindəcə keçinib. Binəqədi RPİ-si 4-cü Polis Şöbəsi əməkdaşlarının keçirdikləri əməliyyat-axtarış tədbirləri nəticəsində hadisəni törətməkdə şübhəli bilinən Tufan Qurbanov saxlanılaraq rayon prokuorluğuna təhvil verilib. Faktla bağlı Binəqədi rayon prokurorluğunda cinayət məcəlləsinin qəsdən adam öldürmə maddəsi ilə cinayət işi başlanıb. İlkin dindirmələr zamanı məlum olub ki, T.Qurbanov həyat yoldaşını qısqanclıq zəminində qətlə yetirib.

Natiq Allahverdiyev
Ölkə.Az

ŞƏRH YAZ
1

Bakıda sərxoş kişi bıçaqlandı

Bakıda sərxoş kişi bıçaqlandı
08:47
Bu gün
502
Hadisə
A
Suraxanı rayonunda qanlı hadisə baş verib.

"Ölkə.Az" xəbər verir ki, hadisə Suraxanı rayonunun Hövsan qəsəbəsində qeydə alınıb.

Qarın nahiyyəsindən bıçaq xəsarəti alan 40 yaşlı Fizuli Əliyev 3 saylı Kliniki Tibbi Mərkəzə yerləşdirilib.

Yaralı içkili olduğundan onu kimin bıçaqladığını xatırlamır. 

Faktla bağlı Suraxanı Rayon Polis İdarəsində araşdırma aparılır.

Natiq Allahverdiyev
Ölkə.Az

 

ŞƏRH YAZ
0

Gəncədə mina aşkarlanıb — FOTO

Gəncədə mina aşkarlanıb
23:46
25.04.2019
423
Hadisə
A
Gəncədə 1 ədəd piyada əleyhinə mina (OZM-72) aşkar olunub.

ANAMA-dan "Ölkə.Az"a verilən məlumata görə, 2019-cu il 25 Aprel tarixində saat 11:30-da Daxili İşlər Nazirliyinin ″102″ Xidməti-Zəng mərkəzi sistemindən Agentliyə Gəncə şəhəri, Kəpəz rayonu, Natəvan qəsəbəsi ərazisində 1 ədəd minanın tapılması barədə məlumat daxil olub.

Məlumata əsasən Agentliyin xüsusi mobil çevik əməliyyat qrupu və Daxili İşlər Nazirliyinin Gəncə şəhər Baş Polis İdarəsinin Kəpəz rayon Polis Şöbəsinin əməkdaşları dərhal həmin əraziyə göndərilib.

Agentliyin mütəxəssisləri və Kəpəz rayon Polis Şöbəsinin əməkdaşları tərəfindən birlikdə yuxarıda adı qeyd olunmuş ərazidə qazıntı işləri aparılan sahəyə baxış keçirilib.

Təhlükəsizliyi təmin etmək məqsədilə ərazi polis tərəfindən mühasirəyə alınıb. Agentliyin mütəxəssisləri tərəfindən aparılan təcili təxirəsalınmaz əməliyyat-axtarış tədbirləri nəticəsində 1 ədəd piyada əleyhinə mina (OZM-72) aşkar olunub, zərərsizləşdirilməsi üçün götürülərək Agentliyin mərkəzi məhvetmə ərazisinə daşınıb.

Piyada əleyhinə minanın ətrafında 150 kv.m əraziyə yerüstü, 50 kv.m əraziyə isə yeraltı baxış keçirilib, əlavə təhlükəli əşya və qurğu aşkarlanmayıb.

Ölkə.Az

ŞƏRH YAZ
0
BAĞLA