Bakıda dəhşətli qəza — bir maşın vurdu, digəri üstündən keçdi - ANBAAN VİDEO

Bakıda dəhşətli qəza
15:06
08.11.2019
2007
Hadisə
A
Bakıda ölümlə nəticələnən ağır yol-nəqliyyat hadisəsi kameraya düşüb.

"Ölkə.Az" avtosfer.az-a istinadən xəbər verir ki, hadisə Heydər Əliyev prospektində baş verib. 

Sürücü avtomobili yolun kənarında saxlayıb və qapını açaraq avtomobilin yanında, yolun hərəkət hissəsində dayanıb. 

Bu zaman arxadan gələn maşın onu qapı ilə birlikdə vuraraq yolun ortasına atıb. Digər avtomobil isə onun üstündən keçib. Nəticədə, sürücü yerindəcə keçinib.

ŞƏRH YAZ
1

Azərbaycanda məmur qəza törətdi — Həyat yoldaşı öldü, özü yaralandı

Azərbaycanda məmur qəza törətdi
14:24
Bu gün
625
Hadisə
A
Cəlilabad rayonunda ağır yol qəzası baş verib.

"Ölkə.Az" "Report"a istinadən xəbər verir ki, hadisə Cəlilabad-Bayxanlı yolunda qeydə alınıb.

Rayonun Adnalı kənd sakini Şirəliyev Məmmədbağır Məhəmmədhüseyn oğlunun idarə etdiyi "Niva" markalı avtomobil idarəetmədən çıxaraq yolun kənarına aşıb.

Qəza nəticəsində sürücü və onun həyat yoldaşı, 1975-ci il təvəllüdlü Xuraman Şirəliyeva müxtəlif bədən xəsarətləri alıb. Yaralılar xəstəxanaya çatdırılıb. X.Şirəliyeva aldığı xəsarətlərdən xəstəxanada dünyasını dəyişib.

Məlumata görə, sürücü M.Şirəliyev Cəlilabad rayonu Adnalı kəndinin icra nümayəndəsi vəzifəsində çalışır.

Faktla bağlı araşdırma aparılır.

ŞƏRH YAZ
0

Azərbaycanda toyda kütləvi dava — Dostunu ürəyindən bıçaqladı

Azərbaycanda toyda kütləvi dava
14:06
Bu gün
675
Hadisə
A
Göygöl rayonunda kütləvi dava baş verib.

"Ölkə.Az"ın baku.ws-ə verdiyi məlumata görə, hadisə rayonun şadlıq saraylarından birində qeydə alınıb.

İçkili vəziyyətdə olan gənclər arasında düşən dava zamanı rayon sakini, 1993-cü il təvəllüdlü Elman Cəfərov ürək nahiyyəsindən bıçaqlanıb.

Yaralı ətrafdakı insanların köməkliyi ilə Gəncə şəhərində yerləşən xəstəxanalardan birinə gətirilib.

İlkin məlumatlara görə, Elman Cəfərov öz dostu tərəfindən bıçaqlanıb. Hazırda cinayəti törədən şəxsin müəyyən edilərək istintaqa təhvil verilməsi istiqamətində əməliyyat-axtarış tədbirləri aparılır.

Faktla bağlı Göygöl rayon Polis Şöbəsində araşdırma başlanılıb.

ŞƏRH YAZ
0
BAĞLA