Bakıda Dünya Su Şurası İdarə Heyətinin sessiyası işə başlayıb

Bakıda Dünya Su Şurası İdarə Heyətinin sessiyası işə başlayıb
09:24
17.03.2017
22
İqtisadiyyat
A
Bu gün Bakıda “Su nəinki həyat mənbəyidir, hətta həyatın özüdür” devizi altında I Bakı Beynəlxalq Su Həftəsi çərçivəsində Dünya Su Şurası İdarə Heyətinin 61-ci sessiyası işə başlayıb.

"Ölkə.Az" Report-a istinadən xəbər verir ki, sessiya Şollar-Bakı Su Qurğuları Kompleksinin 100 illiyi ilə əlaqədar “Azərsu” ASC və Azərbaycan Milli Elmlər Akademiyasının birgə təşkilatçılığı ilə keçirilir.

BMT-nin “Davamlı İnkişaf Məqsədləri-2030” hədəflərindən biri olan “Təmiz su və sanitariya” hədəfini dəstəkləyən Beynəlxalq Su Həftəsi çərçivəsində keçiriləcək tədbirlər qlobal miqyasda əsas çağırışlardan sayılan insanların keyfiyyətli və davamlı olaraq sudan istifadəsinin təmin olunması, su çatışmazlığı ilə bağlı təhdidlərin aradan qaldırılması, ətraf mühit və iqlim dəyişiklikləri kimi məsələlərin çoxşaxəli müzakirəsi, çıxış yollarının müəyyənləşdirilməsi baxımından mühüm əhəmiyyət kəsb edir.

Su Həftəsi çərçivəsində VIII Dünya Su Forumunun Beynəlxalq Aparıcı Komitəsinin IV iclası baş tutacaq, eyni zamanda Şollar-Bakı Su təchizatı Qurğuları Kompleksinin istismara verilməsinin 100 illik yubileyi qeyd olunacaq.

Bu tədbirlərə dünyanın 40-a yaxın ölkəsindən, beynəlxalq təşkilatlardan, işgüzar dairələrdən nümayəndələrin qatılıb. Yubiley tədbirləri çərçivəsində Şollar-Bakı Su Qurğuları Kompleksi barədə foto və rəsm sərgiləri keçirilib, “Azərsu” ASC və Azərbaycan Prezidenti yanında Kütləvi İnformasiya Vasitələrinin İnkişafına Dövlət Dəstəyi Fondunun (KİVDF) birgə təşkil etdiyi "Şollar-Bakı su qurğuları kompleksi - 100 il: əbədi həyat mənbəyi" mövzusunda fərdi jurnalist yazıları müsabiqəsinin nəticələri açıqlanacaq.

Qeyd edək ki, tədbir müddətində xarici qonaqların Şollar Su mənbəyinə, Ceyranbatan Ultrasüzgəcli Sutəmizləyici Qurğular Kompleksinə, Heydər Əliyev Mərkəzinə səfərləri təşkil olunub. Həftənin sonuncu günü (martın 18-də) Ceyranbatan Ultrasüzgəcli Sutəmizləyici Qurğular Kompleksi ərazisində xarici qonaqların iştirakı ilə ağacəkmə aksiyası keçiriləcək.

ŞƏRH YAZ
0

"UniBank"dan müştərilərə "komissiya haqqı" kələyi — İpoteka kreditində yalan vəd

13:00
Bu gün
376
İqtisadiyyat
A
"UniBank" müştərilərini aldatmaqda davam edir.

"Ölkə.Az" xəbər verir ki, bankdan ipoteka krediti almaq istəyən müştərilərdən bank tərəfindən əlavə olaraq 0,1% komissiya haqqı tutulur. Amma bankın rəsmi internet saytında ipoteka krediti alan müştərilərə bu haqda məlumat verilmir.

Bankın İpoteka krediti haqqında verdiyi məlumatda (xəbərdə) bildirilir ki, məbləğ 150 000 manatdan (sosial ipotekada 100.000) və girov qoyulan yaşayış sahəsinin bazar dəyərinin 80%-indən artıq ola bilməz. 3 ildən 25 ilədək rəsmiləşdirilən ipoteka kreditinin illik faiz dərəcəsi isə 8%-dən artıq ola bilməz. Yaşayış sahəsini girov qoyaraq ipoteka krediti əldə etmək istəyən müştəri 20% ilkin ödəniş edərək sözügedən krediti əldə edə bilər.

Bank rəsmi saytında bütün məlumatları əks etdirsə də komissiya haqqı barədə heç bir məlumat vermir.

 Yəni saytdan məlumat əldə edən müştəri bankın Sahil, Kəpəz, Sumqayıt filiallarına müraciət etdikdə (ipoteka krediti sadəcə bu filiallarda verilir) əlavə olaraq 0,1% komissiya haqqı olduğunu öyrənir.

Azərbaycan Respublikası reklam haqqında qanunun 18.0.5. maddəsi bildirir ki, malların (xidmətlərin, işlərin) mənşəyi, kəmiyyəti və keyfiyyəti, yararlılıq müddəti, satış şərtləri, qiyməti barədə yalan və (və ya) natamam məlumatlar verməklə, yaxud yolverilməz reklam vasitəsilə satıcılar və (və ya) reklamçılar tərəfindən istehlakçıların (istifadəçilərin) aldadılmasının qarşısının alınması, bankın sözügedən məlumatında (reklamında) natamam reklam verməsinə icazə vermir.

Bundan başqa bank ipoteka kreditinin verilməsinin sığortası haqqında bildirir ki, borcalanın həyatı və əmək qabiliyyəti, habelə girov qoyulan yaşayış sahəsi kreditin məbləğinə bərabər məbləğdə sığorta olunmalıdır. Kreditin məbləği (ən az halda, ilkin ödəniş 20%-i çıxmaqla 80%) sığortalanan əmlak (ev) baş verəcək hansısa hadisədə sığorta şirkəti tərəfindən sadəcə 80%-lik ödənişi olunur. Bu, natamam sığorta hesab edilir ki, bank bu barədə də müştəriyə əvvəlcədən məlumat vermir.

Odər Qəni

Ölkə.Az

ŞƏRH YAZ
0

Mərkəzi Bank banklardan 68 mln. manat artıq vəsait yığdı

Mərkəzi Bank banklardan 68 mln. manat artıq vəsait yığdı
11:53
Bu gün
231
İqtisadiyyat
A
Bu gün Mərkəzi Bank (AMB) tərəfindən vəsaitlərin cəlb edilməsi üzrə növbəti depozit hərracı keçirilib.

"Ölkə.Az" AMB-na istinadən xəbər verir ki, hərracda tələb 318,0 mln. manat, hərracın nəticəsində bağlanılmış depozit əqdləri üzrə orta ölçülmüş faiz dərəcəsi isə 14,30% təşkil edib.

Qeyd edək ki, bugünkü depozit hərracında 250 mln. manat vəsaitin cəlbi nəzərdə tutulduğuna görə, hərracında tələb təklifi 27,2% üstələyib.

ŞƏRH YAZ
1
BAĞLA