Bakıda əcnəbi vətəndaşları hədələyərək pul tələb edən şəxslər saxlanıldı

Bakıda əcnəbi vətəndaşları hədələyərək pul tələb edən şəxslər saxlanıldı
17:52
12.08.2017
140
Ölkə
A
Bakıda əcnəbi vətəndaşları hədələyərək pul tələb edən şəxslər saxlanılıb.

"Ölkə.Az"ın DİN-in saytına istinadən verdiyi məlumata görə, avqustun 11-də Nəsimi rayonu ərazisindəki turizm şirkətlərindən birinə gələn 2 nəfər orada işləyən iki əcnəbi vətəndaşın əl-qolunu yapışqanlı lentlə bağlayaraq bıçaqla hədələyib 15000 manat pul vermələrini tələb edib, tələb etdikləri məbləğ olmadığından 3 ədəd mobil telefonu götürərək ofisin qapısını bağlayıb gediblər.
 
Hadisəni törətmiş Bakı şəhər sakini Elvin İsrafilov və Sumqayıt şəhər sakini Cəfər Musayev könüllü olaraq Nəsimi rayon 22-ci PB-nə gəlib həmin şirkətin səyahət paketi almaq üçün onlardan 1500 ABŞ dolları pul alaraq vədinə əməl etmədiyini bildiriblər.
 
Faktla əlaqədar cinayət işi başlanılıb.

ŞƏRH YAZ
0

Sabah hava necə olacaq?

Sabah hava necə olacaq?
13:46
Bu gün
396
Ölkə
A
Bakı və Abşeron yarımadasında dekabrın 12-də havanın dəyişkən buludlu olacağı, arabir tutulacağı, əsasən yağmursuz keçəcəyi gözlənilir.

Lakin gecə bəzi yerlərdə çiskinli olacağı ehtimalı var.  Arabir güclənən şimal-qərb küləyi gündüz cənub-şərq küləyi ilə əvəz olunacaq. 
 
ETSN-dən "Ölkə.Az"a verilən məlumata görə, havanın temperaturunun gecə  5-8° isti, gündüz  9-13° isti olacağı gözlənilir. Bakıda gecə  5-7° isti, gündüz  10-12° isti olacağı gözlənilir.
 
Atmosfer  təzyiqi  normadan yüksək 768  mm civə sütunundan 773 mm civə sütununa yüksələcək.
 
Nisbi  rütubət  gecə  70-80 %, gündüz 60-65 % olacaq. 
 
Azərbaycanın rayonlarında hava əsasən yağmursuz keçəcək. Gecə və səhər bəzi yerlərdə duman olacaq.
 
Qərb küləyi gecə və səhər ayrı-ayrı yerlərdə arabir güclənəcək. 
 
Havanın temperaturunun gecə 1° şaxtadan 4°-dək isti, gündüz 7-12° isti, dağlarda gecə 0-4° isti, gündüz  5-10° isti olacağı gözlənilir.

ŞƏRH YAZ
0

Bir mənzilin bir neçə nəfərə satılmasının qarşısı alınacaq — YENİ MEXANİZM

Bir mənzilin bir neçə nəfərə satılmasının qarşısı alınacaq
13:32
Bu gün
811
Ölkə
A
Azərbaycanda bir mənzilin bir neçə şəxsə satılmasının qarşının alınması məqsədi ilə hazırlanan qanun layihəsinin detalları açıqlanıb.

"Ölkə.Az" Report-a istinadən xəbər verir ki, Mülki Məcəllənin 144-cü (Daşınmaz əmlakın dövlət reyestri obyektlərinə dair sərəncam verilməsi haqqında müqavilələrin notariat qaydasında təsdiqlənməsi) maddəsinin 144.2-1-ci bəndi yeni redaksiyada verilir. Bəndə əsasən, sərəncam verən tərəfin sərəncam hüququnun və öhdəliklərinin, eləcə də əmlakın mövcud yüklülüyünün daşınmaz əmlakın dövlət reyestrində yoxlanılması məqsədilə “Notariat haqqında” qanuna uyğun olaraq notariuslarla daşınmaz əmlakın dövlət reyesteri arasında məlumat və sənəd mübadiləsi imkanı, o cümlədən notariusların daşınmaz əmlakın dövlət reyestrinə elektron qaydada birbaşa çıxışı təmin edilməlidir.

144.3-cü bnədə əsasən, notarius daşınmaz əmlak üzərində sərəncam verilməsinə dair müqaviləni təsdiqlədikdən dərhal sonra onu elektron formada informasiya sistemləri vasitəsilə və təsdiqlənmiş yazılı formada sifarişli poçt göndərişi vasitəsilə daşınmaz əmlakın dövlət reyestrinə göndərməlidir. Belə müqavilə ondan irəli gələn mülkiyyət və digər əşya hüquqlarının daşınmaz əmlakın dövlət reyestrində qeydiyyatının aparılmasına dair ərizə hesab olunur və həmin müqavilə əsasında müvafiq hüquqlar dövlət qeydiyyatına alınır.

Məcəllənin 144.5-cü bəndi də yeni redaksiyada verilir. Belə ki, Daşınmaz əmlaka mülkiyyət hüququ əmlakın fiziki cəhətdən bölünməsini nəzərdə tutmayan, lakin yaranacaq ümumi paylı mülkiyyətdə payların nisbətini faizlə müəyyənləşdirən bölünmə planı əsasında bölünə bilər. Mülkiyyətçi tərəfindən tərtib edilən belə bölünmə planı müvafiq icra hakimiyyəti orqanının müəyyən etdiyi qaydada təsdiq edildikdən sonra mülkiyyətçinin bölünmə nəticəsində yaranan payların hər birinə mülkiyyət hüququ daşınmaz əmlakın dövlət reyestrində qeydə alınır.

Layihədə bildirilib ki, hazırki qanunvericilik tikintisi başa çatmayan binaların tərkib hissələrinin (mənzillərinin) alqı-satqısı, həmin binalarda mənzil əldə edən şəxslərin mülkiyyət hüquqlarının qeydiyyatı ilə bağlı məsələləri dəqiq tənzimləmədiyinə görə bu sahədə xeyli çatışmazlıqlar, o cümlədən mənzillərin eyni zamanda bir neçə şəxsə satılması və.s kimi sui-istifadə halları yaranır.

Qanun layihəsi Milli Məclisin plenar iclasına tövsiyə olunub.

ŞƏRH YAZ
0
BAĞLA