Bakıda evə basqın olub, xəsarət alan var

Bakıda evə basqın olub, xəsarət alan var
14:14
10.08.2018
1614
Hadisə
A
Avqustun 9-da Daxili İşlər Nazirliyinin (DİN) “102 Zəng Mərkəzi” Xidmətinə Binəqədi rayonu ərazisindəki evlərdən birinə quldurluq məqsədi ilə naməlum şəxsin daxil olması barədə məlumat daxil olub.

Bu barədə "Ölkə.Az"a DİN mətbuat xidmətindən məlumat verilib.

Hadisə yerində olan Binəqədi Rayon Polis İdarəsinin 6-cı Polis Bölməsinin əməkdaşları apardıqları araşdırmalarla həmin gün L.Novruzovanın Biləcəri qəsəbəsindəki evinə girmiş naməlum şəxsin ev sahibəsinə yumruqla xəsarət yetirdiyini, oradan mobil telefon və təmir-tikinti alətləri oğurladığını müəyyən ediblər.

Həyata keçirilmiş əməliyyat-axtarış tədbirləri nəticəsində quldurluğu törətməkdə şübhəli bilinən şəxs müəyyən edilərək saxlanılıb.

Araşdırmalarla onun Salyan rayon sakini, əvvəllər xuliqanlıq törətdiyinə görə məhkum olunmuş Həzi İsayev olması müəyyən edilib.

Araşdırma aparılır.

ŞƏRH YAZ
0

Ər-arvad qonşuları tərəfindən döyüldü

Ər-arvad qonşuları tərəfindən döyüldü
15:25
Bu gün
330
Hadisə
A
Ağstafa rayonunda ər-arvad qonşuları tərəfindən döyülüb.

"Ölkə.Az"ın Report-a istinadən verdiyi məlumatına görə, hadisə rayonun Köçəsgər kəndində qeydə alınıb. 

Belə ki, həmin kəndin sakinləri - 1987-ci il təvəllüdlü Ramiz Aslan oğlu Sultanov və həyat yoldaşı, 1988-ci il təvəllüdlü Aliyə Zahid qızı Sultanova qonşuları tərəfindən döyülərək müxtəlif dərəcəli bədən xəsarətləri alıblar. Onların hər ikisi xəstəxanaya yerləşdirilib və lazımi tibbi yardım göstərilib. Vəziyyətlərinin orta-ağır olduğu bildirilir.

Məlumata görə, qonşular arasında müxtəlif səbəblərdən əvvəllər də mübahisə yaşanırmış.

Faktla bağlı araşdırma aparılır.

ŞƏRH YAZ
0

Qubada məktəbdə yanğın

Qubada məktəbdə yanğın
14:23
Bu gün
547
Hadisə
A
Quba rayonunda məktəb binasında yanğın olub.

"Ölkə.Az" Report-a istinadən xəbər verir ki, hadisə rayonun Xaltan inzibati ərazi dairəsində yerləşən Çarxaçu dağ kəndində son tamamlama işləri aparılan modul tipli məktəbdə qeydə alınıb.

Yanğına elektrik xətlərində yaranan qısaqapanmanın səbəb olduğu bildirilir.

Hadisə yerinə Quba Rayon İcra Hakimiyyətinin başçısı Ziyəddin Əliyev və digər rəhbər şəxslər də gəlib.

Faktla bağlı araşdırma aparılır.

ŞƏRH YAZ
0
BAĞLA