Bakıda faciə — Mühafizə polisi tabel silahı ilə intihar etdi

Bakıda faciə
10:00
12.01.2019
14808
Hadisə
A
Ötən gün Nərimanov rayonu ərazisində Daxili İşlər Nazirliyinin Mühafizə İdarəsinin əməkdaşı intihar edib.

”Ölkə.Az”ın məlumatına görə, saat 16.00 radələrində banklardan birinə məxsus ofisdə 1984-cü il təvəllüdlü İlkin Sudeyf oğlu Tapdıqov tabel silahı ilə başına güllə ilə vurub. Hadisə vaxtı ofisdə digər polis əməkdaşı da olub. Qeyd edək ki, polisin intihar etməyi ofisdə olan müşahidə kamerasınada düşüb. 

Hadisə yerinə hüquq-mühafizə orqanlarının əməkdaşları gəlib və ilkin operativ-istintaq hərəkətləri həyata keçiriblər. Meyit müayinə olunmaq üçün Məhkəmə Tibbi Ekspertiza və Pataloji Anatomiya Birliyinin Nərimanov rayon şöbəsinə aparılıb. Sonra isə dəfn olunmaq üçün İsmayıllı rayonuna göndərilib. Faktla bağlı cinayət məcəlləsinin 125-ci (ölüm həddinə çatdırma) maddəsi ilə cinayət işi başlanıb. Məlumat üçün bildirək ki, İlkin Tapdıqov Səbail rayon Mühafizə İdarəsinin əməkdaşı olub. 

Araşdırmalar zamanı məlum olub ki, İlkin Tapdıqov intihar etməmişdən qabaq iş yoldaşına həyatdan bezdiyini, daha yaşamaq istəmədiyini bildirib. Qeyd edək ki, İlkin Tapdıqov ailəli olub, 2 azyaşlı övladı var.

Natiq Allahverdiyev
Ölkə.az

ŞƏRH YAZ
0

Bakıda qadın ərini bıçaqladı

Bakıda qadın ərini bıçaqladı
11:37
Bu gün
400
Hadisə
A
Nəsimi rayonunda bıçaqlanma hadisəsi baş verib.

"Ölkə.Az" xəbər verir ki, hadisə gecə saatlarında Nəsimi rayonu  Xətai küçəsi 10 ünvanında baş verib. Həmin ünvanda yaşayan Fərəcov Mayıl Çingiz oğlu həyat yoldaşı ilə mübahisə edib. Mübahisə zamanı qadın ərini bıçaqlayıb. Yaralı xəstəxanaya çatdırılıb.

Faktla bağlı Nəsimi Rayon Polis İdarəsində araşdırma aparılır.

Natiq Allahverdiyev
Ölkə.Az

ŞƏRH YAZ
0

Bakıda dəhşətli qəza — Avtobus maşının üstündən keçdi

Bakıda dəhşətli qəza
11:17
Bu gün
1086
Hadisə
A
“8-ci kilometr bazarı”nın​ önündə marşrut avtobusu zəncirvari qəza törədib.

"Ölkə.Az" xəbər verir ki, hadisə şahidlərinin axar.az-a verdiyi məlumata görə, yüksək sürətlə idarə olunan avtobus idarəetmədən çıxıb və piyada keçidində dayanan maşınlara çırpılıb, daha sonra digər maşının üstündən keçib. Nəticədə 4 maşına ciddi ziyan dəyib.

Hadisə yerinə təcili yardım və xilasetmə maşınları cəlb edilib.

ŞƏRH YAZ
0
BAĞLA