Bakıda gənc oğlan futbol meydançasında öldü

Bakıda gənc oğlan futbol meydançasında öldü
10:38
21.04.2017
63
Hadisə
A
Aprelin 20-də 1993-cü il təvəllüdlü Musayev Ülvi futbol meydançasında canını tapşırıb.

Ölkə.Az XəzərXəbər-ə istinadən məlumat verir ki, Nərimanov rayonu ərazisində yaşayan Ü.Musayev stadiona futbol oynamağa gedib. Gərgin oyun ərəfəsində gəncin ürəyi fiziki yükə dözməyib.

İlkin ekspertizanın nəticəsində məlum olub ki, gəncin ölümünə səbəb qəfil ürək tutması olub.

ŞƏRH YAZ
0

Xəzərdə zəlzələ

Xəzərdə zəlzələ
22:18
20.05.2018
2041
Hadisə
A
Xəzər dənizində zəlzələ baş verib.

"Ölkə.Az"ın Azərbaycan Milli Elmlər Akademiyası nəzdində Respublika Seysmoloji Xidmət Mərkəzinə istinadən məlumata görə, yerli vaxtla saat 20:48-də Xəzər dənizində zəlzələ qeydə alınıb.

Maqnitudası 3,1 bal olan və 61 km dərinlikdə yerləşən zəlzələ hiss olunmayıb.

Ölkə.Az

ŞƏRH YAZ
0

Zaqatalada iki maşın toqquşdu — Yaralananlar var

Zaqatalada iki maşın toqquşdu
22:01
20.05.2018
1560
Hadisə
A
Zaqatalada iki minik avtomobilinin toqquşması nəticəsində 4 nəfər xəsarət alıb.

"Ölkə.Az"ın APA-ya istinadən məlumatına görə, hadisə bu gün Yevlax-Zaqatala- Gürcüstan sərhəd magistral yolunun 132-ci kilometrliyində, Zaqatala rayonu Qazangül qəsəbəsi ərazisindən keçən hissəsində baş verib.

Balakən şəhər sakini 1973-cü il təvəllüdlü Telman Sabir oğlu Kazımovun idarə etdiyi “VAZ 2109” markalı 10 MK 147 dövlət nömrə nişanlı minik avtomobili ilə Zaqatala şəhər sakini Şaban Ərəb oğlu Ərəbovun idarə etdiyi “VAZ 2108” markalı 62 BH 813 dövlət nömrə nişanlı minik avtomobili toqquşub. Qəzadan sonra VAZ 2109 markalı avtomobildə sərnişin qismində olan Balakən rayonu Qazbinə kənd sakini 1997-ci il təvəllüdlü Arzu Rəcəb qızı Bayramova, VAZ 2108 markalı avtomobilin sürücüsü Şaban Ərəbov, onun avtomobilində olan sərnişinlər Zaqatala rayonu Yuxarı Tala kənd sakini 1992-ci il təvəllüdlü Nübar Cəmal qızı Hacıyeva və Balakən rayonu Qullar kənd sakini 1983-cü il təvəllüdlü Aynurə Təmraz qızı İsayeva Zaqatala Mərkəzi Rayon Xəstəxanasına (MRX) aparılıblar.

MRX-dan bildirilib ki, yaralılardan Arzu Bayramova xəstəxananın reanimasiya şöbəsinə,  Şaban Ərəbov isə cərrahiyə şöbəsinə yerləşdiriliblər, vəziyyətləri orta-ağır qiymətləndirilir.  Digər yaralılar Nübar Hacıyeva və Aynurə İsayevanın vəziyyətləri yüngül olduğundan onlara xəstəxanada yardım göstərildikdən sonra ambulator müalicə almaq şərti ilə evə buraxılıblar.

Faktla bağlı DİN-nin Dövlət Yol Polisi İdarəsinin Baş İstintaq və Təhqiqat bölməsində araşdırma aparılır.

Ölkə.Az

ŞƏRH YAZ
1
BAĞLA