Bakıda gənc qadın özünü 8-ci mərtəbədən atdı
Bakının Binəqədi rayonunda gənc qadın intihar edib.
"Ölkə.Az" "Report"a istinadən xəbər verir ki, hadisə rayonun 8-ci mikrorayon ərazisində yerləşən binalardan birində qeydə alınıb.
Belə ki, 1988-ci il təvəllüdlü qadın (Adı, hələlik açıqlanmır) özünü 8-ci mərtəbədən yerə atıb. O, xəstəxanaya çatdırılsa da, orada dünyasını dəyişib.
Faktla bağlı Binəqədi Rayon Prokurorluğunda Cinayət Məcəlləsinin 125-ci maddəsi üzrə (özünü öldürmə həddinə çatdırma) cinayət işi başlanıb.
