Bakıda hündürmərtəbəli binaların eyvanları sökülür — FOTO

Bakıda hündürmərtəbəli binaların eyvanları sökülür
16:17
19.10.2017
693
Ölkə
A
Bakının mərkəzi küçələrində hündürmərtəbəli binaların eyvanları (“balkon”lar) sökülür.

"Ölkə.Az" Report-a istinadən xəbər verir ki, söküntü işləri paytaxtın Nəsimi və Xətai rayonu ərazisində həyata keçirilir.

Nəsimi Rayon İcra Hakimiyyətinin Rayon təsərrüfatı şöbəsinin müdiri İsgəndər Səfərov açıqlamasında bildirib ki, köhnə və müddətini başa vurmuş, eləcə də qəzalı vəziyyətdə olan eyvanlar sökülərək yeniləri ilə əvəz olunur.

Onun sözlərinə görə, hazırda rayonun Rəşid Behbudov, Səməd Vurğun və Dilarə Əliyeva küçələrinin kəsişməsi, 28 may, Azadlıq prospekti, Nizami küçəsində olan binalarında təmir işləri gedir: “Heç bir binada eyvanların ləğvindən söhbət getmir. Sadəcə yeniləri tikilir. Çünki eyvanların çoxu betonun altında qalmağına baxmayaraq, istismar müddətini başa vurmuşdu. Söküntü işləri Nazirlər Kabinetinin müvafiq göstərişinə əsasən, tikinti şirkətləri tərəfindən icra olunur”.

Xətai Rayon İcra Hakimiyyətinin İctimai siyasi və humanitar məsələlər şöbəsinin müdiri Pənah İmanov da deyib ki, son beş ildə rayonun mərkəz küçələrində - Yusif Səfərov, Afiyəddin Cəlilov, Nobel prospektinin giriş hissəsində 20 binanın fasadı əsaslı şəkildə təmir olunub, 470 eyvan yenilənib: “Proses mərhələli şəkildə hələ də davam edir. Çuqundan yeni eyvan qəfəsləri hazırlanır. Qəzalı vəziyyətdə olan eyvanlar tamamilə sökülərək yeniləri ilə əvəz olunur. Təbii ki, bu işlər fasad təmirinin içərisində olur”.

P.İmanov vurğulayıb ki, hazırda Afiyyəddin Cəlilov və Mehdi Mehdizadə küçəsində də təmir işləri davam edir: “Ümumilikdə 40 eyvanın təmiri aparılır”.

Qeyd olunub ki, ilin sonuna kimi işlərin başa çatdırılması nəzərdə tutulur.

ŞƏRH YAZ
0

Ceyhun Bayramov müdiri təqaüdə göndərdi

Ceyhun Bayramov müdiri təqaüdə göndərdi
23:15
Bu gün
268
Ölkə
A
İmişli Rayon Təhsil Şöbəsinin müdiri vəzifəsində kadr dəyişikliyi baş verib.

"Ölkə.Az"ın “Report”a istinadən məlumatına görə, şöbə müdiri vəzifəsində işləyən Əmirov Ramiz Cahangir oğlu təhsil nazirinin əmri ilə təqaüdə göndərilib.

Müvafiq əmrlə bundan əvvəl Təhsil şöbəsinin müdir müavini vəzifəsində çalışan Şükür Rəhimov müvəqqəti olaraq onun vəzifələrini icra edəcək.

Ölkə.Az

ŞƏRH YAZ
0

Azərbaycanın “Azerspace-2” telekommunikasiya peyki sınaq orbitinə çatıb

Azərbaycanın “Azerspace-2” telekommunikasiya peyki sınaq orbitinə çatıb
20:56
Bu gün
4624
Ölkə
A
Azərbaycanın “Azerspace-2” telekommunikasiya peyki sınaq orbitinə çatıb.

"Ölkә.Az" bildirir ki, bu barədə trend-ə “Azərkosmos” ASC-dən məlumat veriblər.

Məlumata əsasən peyki təxminən iki ay sınaq orbitində istifadə olunacaq, daha sonra yekun orbitinə - 45 dərəcə şərq uzunluğuna yerləşdiriləcək:

“Gələn ilin əvvəlində peyk “Azərkosmos”un idarəsinə veriləcək və onun kommersiya istifadəsi başlayacaq”.

Qeyd edək ki, "Azerspace-2" sentyabrın 26-ı Fransa Qvianasında yerləşən Qviana Kosmos Mərkəzindəki ELA-3 buraxılış platformasından orbitə buraxılıb.

“Azerspace-2” peyki Avropa, Mərkəzi və Cənub-Qərbi Asiya, Yaxın Şərq və Tropik Afrika ölkələrini əhatə edəcək. Peyk regionda dövlət və özəl qurumlara şəbəkə xidmətləri sahəsində artmaqda olan tələbləri qarşılamaq üçün yüksək texniki imkanlar, əlverişli əhatə zonası və keyfiyyətli xidmət təklif edəcək.

Yeni peyk Azərkosmosun xidmət spektrinin və fəaliyyət coğrafiyasının genişləndirilməsi ilə yanaşı həm də birinci telekommunikasiya peyki – “Azerspace-1” peykinin orbitdəki ehtiyatı olacaq. Bu da öz növbəsində “Azərkosmos”a bugünədək ehtiyat peykin olmaması səbəbindən iştirak edə bilmədiyi irihəcmli beynəlxalq tenderlərdə iştirak etmək imkanı yaradacaq.

“Azerspace-2” peyki hələ orbitə buraxılmamış artıq onun tutumlarının 46 faizi artıq dünyanın peyk xidmətləri üzrə aparıcı şirkəti olan “İntelsat” şirkətinə satılıb. Bu müqavilə üzrə ödənişlər layihə dəyəri və maliyyələşmə xərclərinin 60 faizinin geri qaytarılmasını təmin edəcək. Hazırda peykin qalan tutumlarının satışı ilə əlaqədar digər ölkələrlə aktiv biznes danışıqları aparılır.

Ümumilikdə dəyəri 190 milyon ABŞ dolları olan “Azerspace-2” peykinin ölkə iqtisadiyyatına 400 milyon ABŞ dolları gəlir gətirəcəyi proqnozlaşdırılır.

Ölkә.Az

ŞƏRH YAZ
0
BAĞLA