Bakıda İƏT Gənclər və İdman nazirləri Konfransının 4-cü sessiyası keçiriləcək

Bakıda İƏT Gənclər və İdman nazirləri Konfransının 4-cü sessiyası keçiriləcək
22:45
15.04.2018
1431
Ölkə
A
Bakıda 17-19 aprel tarixlərində İslam Əməkdaşlıq Təşkilatı (İƏT) Gənclər və İdman Nazirləri (GİN) Konfransının 4-cü sessiyası keçiriləcək.

"Ölkə.Az"ın APA-ya istinadən xəbərinə görə, sessiya "Gəncliyin inkişafı üçün həmrəy çalışmaq" mövzusunda keçiriləcək.

Konfrans üzvləri İƏT Gənclik Strategiyasına yenidən baxış keçirəcəklər. Tədbirdə  gənclərin cəmiyyətdə  rolu, Dialoq və Əməkdaşlıq uğrunda İƏT Gənclər Forumunun  fəaliyyətləri, İslam Həmrəylik oyunları üzrə İdman Federasiyasının gördüyü işlər  müzakirə ediləcək.

Sessiyada həmçinin İslam Gənclərinin Paytaxtı beynəlxalq proqramı və İslam Konfransı Təşkilatının Baş Katibliyi və onun müvafiq qurumları ilə koordinasiyada üzv ölkələr tərəfindən gənclər və idmanla bağlı qərarların icrası müzakirə olunacaq.

Ölkə.Az

ŞƏRH YAZ
0

Naxçıvan Mədəniyyət Nazirliyi və Naxçıvan Turizm Departamenti yaradılıb

Naxçıvan Mədəniyyət Nazirliyi və Naxçıvan Turizm Departamenti yaradılıb
00:21
Bu gün
1357
Ölkə
A
Naxçıvan Muxtar Respublikası Ali Məclisinin sədri Vasif Talıbov aprelin 23-də mədəniyyət və turizm sahəsində dövlət idarəçiliyinin təkmilləşdirilməsi ilə bağlı tədbirlər haqqında sərəncam imzalayıb.

"Ölkə.Az" APA-ya istinadən xəbər verir ki, sərəncamla Naxçıvan Mədəniyyət və Turizm Nazirliyinin əsasında Naxçıvan Mədəniyyət Nazirliyi və Naxçıvan Turizm Departamenti yaradılıb.

Sərəncamda  Naxçıvan Muxtar Respublikasının Nazirlər Kabinetinə Naxçıvan Mədəniyyət Nazirliyinin və Naxçıvan Turizm Departamentinin əsasnamələrinin layihələrini, strukturları və işçilərinin say həddi barədə təkliflərini hazırlayıb Naxçıvan Ali Məclisinin sədrinə təqdim etmək tapşırılıb.

Naxçıvan Muxtar Respublikasının 2018-ci il dövlət büdcəsində Naxçıvan Mədəniyyət və Turizm Nazirliyi üçün nəzərdə tutulmuş vəsait çərçivəsində Naxçıvan Mədəniyyət Nazirliyinin və Naxçıvan Turizm Departamentinin 2018-ci ildə fəaliyyətinin maliyyələşməsi təmin ediləcək.

Ölkə.Az

ŞƏRH YAZ
0

Bakının magistral yolunda sürət həddi azaldıldı — Dumanlı hava ilə əlaqədar

Bakının magistral yolunda sürət həddi azaldıldı
23:44
23.04.2018
1504
Ölkə
A
Bakıda Bilgəh-Mərdəkan yolunda sürət həddi azaldılıb.

"Ölkə.Az"a bu barədə Bakı Nəqliyyat Agentliyinin mətbuat xidmətinin rəhbəri Mais Ağayev məlumat verib. 

Məlumatda bildirilir ki, dumanlı hava şəraiti ilə əlaqədar Heydər Əliyev prospektinin bəzi hissəsində (Sabunçu körpüsündən Əmircan qəsəbəsinə və Bilhəhdən Mərdəkan qəsəbəsinədək) sürət həddi bütün zolaqlar üzrə 20 km/saat endirilib.

Məlumat üçün qeyd edək ki, hazırda paytaxtın Heydər Əliyev prospekti ("Koroğlu" metrostansiyasından hava limanı istiqamətində), Ziya Bünyadov prospekti ("Koroğlu" metrostansiyası istiqamətində) Sabunçu-Zabrat yolunda, Bakıxanov, Qaraçuxur qəsəbələrində, Nizami rayonun müəyyən hissəsində duman müşahidə edilir. Sürücülərə diqqətli olmalarını tövsiyə edirik.

Ölkə.Az

ŞƏRH YAZ
0
BAĞLA