Bakıda iki dost qadını döyə-döyə zorlayıb öldürdülər — MƏHKƏMƏ

Bakıda iki dost qadını döyə-döyə zorlayıb öldürdülər
11:07
07.12.2019
3840
Ölkə
A
Bakıda dəhşətli qətl hadisəsi törətməkdə təqsirli bilinərək məhkum olunan şəxsərdən biri Zeynukov Samir Nərimanoviç Ali Məhkəməyə müraciət edib.

"Ölkə.Az" xəbər verir ki, onun müraciəti ilə bağlı məhkəmə baxış iclası hakim İmran Hacıqayıbovun sədrliyi ilə yanvar ayının 7-də keçiriləcək.

Qeyd edək ki, hadisə Səbail rayon Neftçilər prospektində yerləşən mənzildə baş verib.

Həmin mənzildə Rusiya vətəndaşı Samir Zenyukov tanışı Dmitriy Razumnıy ilə birgə yaşayıb.

Onlar qadın tanışları Yelena Sandrandinovanı yaşadıqları mənzilə gətiriblər. Qadını döyüb və sonra təcavüz ediblər. Qadın bu səbəbdən ölüb.

Dostlar birlikdə qadının meyitini evin eyvanından həyətə atıblar.

Bakı Ağır Cinayətlər Məhkəməsində təqsirləndirilən şəxslərə hökm oxunub.

Məhkəmənin hökmü Dimitriy Razumniy 18 il, Samir Zenyukov isə 19 il müddətinə azadlıqdan məhrum edilib.

Natiq Allahverdiyev
Ölkə.Az

 

ŞƏRH YAZ
1

Abşeronda ruhi xəstəni öldürüb çaya atdılar

Abşeronda ruhi xəstəni öldürüb çaya atdılar
14:36
Bu gün
20
Ölkə
A
Abşeronda meyiti kanalda tapılan ruhi xəstənin öldürüldüyü məlum olub.

"Ölkə.Az" xəbər verir ki, Abşeron Rayon Polis İdarəsinə (RPİ) Hökməli qəsəbəsində yaşayan ruhi xəstə Ceyhun Əhmədovun yanvarın 8-də evdən çıxaraq geri qayıtmaması barədə müraciət daxil olub.

Müraciətlə əlaqədar dərhal əməliyyat-axtarış tədbirlərinə başlanılıb.

C.Əhmədovun üzərində zorakılıq əlamətləri olan meyitinin yanvarın 21-də Çaylı kəndinin ərazisindən keçən çayda tapılması faktı ilə əlaqədar rayonun polis və prokurorluq orqanlarının əməkdaşları tərəfindən müvafiq tədbirlər həyata keçirilib.

İstintaq və əməliyyat tədbirləri ilə C.Əhmədovun yanvarın 8-də saat 20 radələrində Bakı-Şamaxı yolunun 15-ci kilometrliyində “Ford Tranzit” markalı avtomobillə vurulduqdan sonra qeyd edilən nəqliyyat vasitəsində sürücü və sərnişini tərəfindən aparılması müəyyən edilib.

Əməliyyat-axtarış tədbirləri ilə qeyd edilən avtomobilin sürücüsü, Xırdalan şəhər sakini H.Xudiyev və sərnişini, Bakı şəhər sakini S.Köçərili saxlanılıblar.

Araşdırmalar rayon prokurorluğu tərəfindən aparılır.

Natiq Allahverdiyev
Ölkə.Az

ŞƏRH YAZ
0

Azad Rəhimov “Yüksəliş” müsabiqəsinə qatılmaq istəyən gənclərə müraciət etdi — VİDEO

Azad Rəhimov “Yüksəliş” müsabiqəsinə qatılmaq istəyən gənclərə müraciət etdi
14:03
Bu gün
625
Ölkə
A
Azərbaycan Respublikası Prezidentinin sərəncamı ilə təsis edilmiş “Yüksəliş” müsabiqəsinin qeydiyyat mərhələsi fevralın 2-nə kimi davam edir.

“Yüksəliş” müsabiqəsinin Təşkilat Komitəsinin üzvü - Gənclər və İdman naziri Azad Rəhimov gənclərə dəvət ünvanlayıb:

“Əziz gənclər, “Yüksəliş” müsabiqəsinə qoşulmaqla uğurunuzu zəmanət altına almalı, xəyalınızdakı zirvəni hədəfləməlisiniz. Çünki hədəfinizə gedən ən yaxın yol məhz “Yüksəliş” müsabiqəsi olacaq”.

Daha ətraflı: https://yukselish.az/

#Yüksəliş2020 #YüksəlişMüsabiqəsi #YüksəlişSizinləBaşlasın #ÖlkəninGələcəyiniQur

ŞƏRH YAZ
0
BAĞLA