Bakıda iki nəfərdən külli miqdarda narkotik götürülüb

Bakıda iki nəfərdən külli miqdarda narkotik götürülüb
09:00
18.06.2017
60
Hadisə
A
Daxili işlər orqanları narkotik vasitələrin qanunsuz dövriyyəsinin qarşısının alınması, həmin əməlləri törədən şəxslərin aşkar edilərək məsuliyyətə cəlb olunmaları istiqamətində növbəti əməliyyat-axtarış tədbirləri həyata keçirib.

Daxili İşlər Nazirliyinin mətbuat xidmətindən Ölkə.Az-a bildirilib ki, Xəzər Rayon Polis İdarəsi (RPİ) Dövlət Yol Polisi Şöbəsinin (DYPŞ) əməkdaşları tərəfindən paytaxt sakini əvvəllər məhkum olunmuş Kamran Əmirxanov Buzovna qəsəbəsində idarə etdiyi avtomobili maneəyə vurduğu üçün saxlanılıb. 

Sürücünün davranışlarından şübhələnən yol polisləri K. Əmirxanovu idarə etdiyi avtomobillə birlikdə idarəyə gətiriblər. Avtomobilə baxış zamanı avtomobilin salonunda gizlədilmiş 400 qram qurudulmuş marixuana aşkar edilərək götürülüb.

Saxlanılan şəxs ifadəsi zamanı narkotik vasitəni şəxsi istifadəsi üçün əldə etdiyini və avtomobilində gizlətdiyini etiraf edib.

Xəzər RPİ əməkdaşlarının keçirdikləri digər bir uğurlu əməliyyat-axtarış tədbirləri nəticəsində Bakı şəhər sakini Həmid Əliyev şübhəli şəxs qismində saxlanılıb. Onun əlindəki sellofan torbaya hal şahidlərinin iştirakı ilə baxış keçirilən zaman 720 qram qurudulmuş marixuana aşkar edilərək götürülüb.

İstintaq zamanı məlum olub ki, H. Əliyev marixunanı yaş halda əldə edib və bir neçə gün saxlayıb qurudandan sonra yaşadığı Binə qəsəbəsinə aparan zaman polislər tərəfindən saxlanılıb.

Qeyd edilən faktlarla bağlı Xəzər RPİ-nin İstintaq Şöbəsində Cinayət Məcəlləsinin müvafiq maddələri ilə cinayət işi başlanılıb, zəruri istintaq hərəkətləri, eləcə də əməliyyat-axtarış tədbirləri davam etdirilir.

ŞƏRH YAZ
0

Papua-Yeni Qvindeyada 7,5 bal gücündə zəlzələ olub

Papua-Yeni Qvindeyada 7,5 bal gücündə zəlzələ olub
23:08
25.02.2018
519
Hadisə
A
Yerli vaxtla saat 16-da baş verən zəlzələnin ocağı yerin 35 km tərkində olub.

"Ölkə.Az" xarici KİV-ə istinadən xəbər verir ki, zəlzələnin episentri Hela əyalətinin Tari şəhəri yaxınlığında olub.

7,5 bal gücündəki zəlzələdən sonra eyni ərazidə 5,5 bal gücündə daha bir zəlzələ baş verib.

Rəsmilər sunami təhlükəsinin olmadığını bildirib. Tələfat və dağıntı barəsində məlumat yoxdur.

Ölkə.Az

ŞƏRH YAZ
0

Ata körpələrini xilas etdi, özü isə yandı — VİDEO

Ata körpələrini xilas etdi, özü isə yandı
22:40
25.02.2018
866
Hadisə
A
Bərdə rayonunun Lək kəndində fərdi yaşayış evi yanıb.

"Ölkə.Az" "XəzərTV"yə istinadən xəbər verir ki, Niyammədin Kərimova məxsus evin iki otağı elektrik naqillərində baş vermiş qısaqapanmadan yanıb.

Hadisə zamanı evdə olan iki azyaşlı körpəni alovdan xilas edən N.Kərimov yanıq xəsarətləri alıb. Yanğın FHN-in Yanğın Mühafizə Xidməti tərəfindən söndürülüb. Faktla bağlı araşdırma aparılır.

Ölkə.Az

ŞƏRH YAZ
0
BAĞLA