Bakıda imkanlı hindlilər həmvətənliləri tərəfindən aldadıldılar

Bakıda imkanlı hindlilər həmvətənliləri tərəfindən aldadıldılar
22:15
12.01.2018
1505
Hadisə
A
Bakıda imkanlı hindlilər həmvətənlilər tərəfindən aldadıldı Bakıda Hindistandan olan turistlər fırıldaqçılıqla üzləşiblər. Maraqlısı isə ondadır ki, onları öz həmvətənliləri aldadıblar.

“Ölkə.Az” xəbər verir ki, Səbail rayonunun hüquq mühafizə orqanlarından “oxu.az”a daxil olan məlumata görə, yanvarın 11-də şəhər hotellərinin birində yerləşən Hindistandan olan turistlər polisə müraciət ediblər. 

Şikayətçilər: 1996-cı il təvəllüdlü Racan Satinder Sinkx, 1995-ci il təvəllüdlü Cauraf Kumar Vijay və 1997-ci il təvəllüdlü Parinjit Sinkx Darşan Sinkxdir. Hər üç turist polisə, Bakıya turistik viza ilə 2017-ci ilin dekabrın 23-də gəldiklərini bildiriblər. Yanvarın 10-da isə onlar Kanadaya getməyi planlaşdırırdılar, amma Ottavaya bilet almaq əvəzinə onlar öz həmvətənlərinə inanaraq almayıblar.

Heydər Əliyev Beynəlxalq Hava Limanında olarkən isə 1981-ci il təvəllüdlü Pama Amrinder Sinkx və 1998-ci il təvəllüdlü Dxaram Vir, bilet almaq adı ilə turistlərdən hərəsinə 3 min dollar olmaqla, ümumilikdə 9 min dollar alaraq yoxa çıxıblar. Qeyd edək ki, həmin ərəfədə Bakıdan Ottavaya biletinin qiyməti 1000 manat civarında olub. 

Hindli turistlər öz “dost”larını gözlədiyi müddət ərzində fırıldaqçılar ilk reyslə Bakıdan gediblər. Faktla bağlı araşdırma aparılır. Hələ ki saxlanılan yoxdur.

Ölkə.Az

ŞƏRH YAZ
0

18 yaşlı piyada vuruldu

18 yaşlı piyada vuruldu
23:39
23.06.2018
681
Hadisə
A
Salyanda avtomobil piyadanı vurub.

"Ölkə.Az"ın APA-ya istinadən məlumatına görə, hadisə rayonun Qarabağlı kəndi ərazisində baş verib. Kənd sakini 2000-ci il t Qurbanov Məhəmməd Ziyafət oğlu yolu keçərkən “Ford Transit” markalı mikroavtobus onu vurub.

Piyada açıq kəllə-beyin travması ilə Şirvan Şəhər Xəstəxanasının reanimasiya şöbəsinə komatoz vəziyyətdə  yerləşdirilib.

Hadisə Salyan Rayon Polis Şöbəsi tərəfindən araşdırılır.

Ölkə.Az

ŞƏRH YAZ
0

Zərdabda yanğın

Zərdabda yanğın
23:10
23.06.2018
623
Hadisə
A
Zərdabda yanğın olub.

"Ölkə.Az"ın FHN-in saytına istinadən verdiyi xəbərə görə, yanğın nəticəsində 40 ton ot bağlamasından 30 tonu yanıb. Ot bağlamasının qalan hissəsi, yaxınlıqdakı ot tayası və tikililər yanğından mühafizə olunub. Yanğın yanğın bölmələri tərəfindən söndürülüb.

Ölkə.Az

ŞƏRH YAZ
0
BAĞLA