KORONAVİRUSA YOLUXANLARIN SAYI - CANLI STATİSTİKA

Bakıda işçi mağazadan 200 min manatlıq ərzaq oğurlayıb

Bakıda işçi mağazadan 200 min manatlıq ərzaq oğurlayıb
19:35
21.03.2020
4450
Hadisə
A
Bakıda mağazadan oğurluq edən şəxs tutulub.

 Bu barədə “Report”a Daxili İşlər Nazirliyinin Mətbuat Xidmətindən məlumat verilib.

Belə ki, Binəqədi Rayon Polis İdarəsinin 7-ci Polis Bölməsi əməkdaşlarının keçirdikləri əməliyyat tədbirləri nəticəsində rayon ərazisindəki marketlərin birindən oğurluğa cəhd göstərən oranın keçmiş işçisi olan Ucar rayon sakini K.Hüseynov saxlanılıb. 

Ətrafında aparılan tədbirlərlə onun 2019-cu il dekabr ayının 10-dan cari il mart ayının 19-dək olan müddətdə həmin marketin anbarından naməlum şəxslərlə birgə 200 000 manat dəyərində ərzaq məhsulları oğurlaması da müəyyən edilib.

Ölkə.Az

ŞƏRH YAZ
0

Azərbaycanda iki yaşlı uşağı kürəklə qətlə yetirdilər

Azərbaycanda iki yaşlı uşağı kürəklə qətlə yetirdilər
11:48
Bu gün
821
Hadisə
A
İyulun 2-də saat 19 radələrində Tərtər rayonu, Hacıqərvənd kənd sakini, 2018-ci il təvəllüdlü Ömər Ağazadənin başına kürəklə vurularaq xəsarətlər yetirilməsi barədə məlumat daxil olub.

Tərtər Rayon Prokurorluğundan verilən məlumata görə, dərhal prokurorluq və polis əməkdaşları tərəfindən hadisə yerinə baxış keçirilmiş, o cümlədən digər zəruri prosessual hərəkətlər yerinə yetirilib.

Ömər Ağazadə 3 iyul 2020-ci ildə aldığı xəsarətlərdən yerləşdirildiyi xəstəxanada ölüb.

Faktla bağlı Tərtər rayon prokurorluğunda Cinayət Məcəlləsinin 120.2.9-cu (təqsirkar şəxs üçün aşkar surətdə köməksiz vəziyyətdə olan adamı öldürmə) maddəsi ilə cinayət işi başlanıb, müvafiq ekspertizalar təyin olunub.

İlkin istintaqla cinayətin Tərtər rayon sakini, 1988-ci il təvəllüdlü Elmir Hüseynov tərəfindən törədilməsinə əsaslı şübhələr müəyyən edilib.

ŞƏRH YAZ
0

Aeroport şossesində yolu keçən piyadanı avtomobil vurub öldürdü — FOTO

Aeroport şossesində yolu keçən piyadanı avtomobil vurub öldürdü
05:09
Bu gün
928
Hadisə
A
Xəzər rayonunda ölümlə nəticələnən yol-nəqliyyat hadisəsi baş verib.

"Ölkə.Az" bildirir ki, qəza Aeroport şossesində qeydə alınıb.

Şəxsiyyəti hələlik naməlum olan və təxminən 40-45 yaşlı kişi piyadalar üçün nəzərdə tutulmayan yerdən yolu keçmək istəyib.

Bu zaman onu “Toyota” markalı minik avtomobili vurub. Yaralı aldığı xəsarətlərdən hadisə yerindəcə keçinib.

Əraziyə Xəzər Rayon Polis İdarəsinin və DYP əməkdaşları cəlb edilib. Polis əməkdaşları hadisəni törədən sürücünü saxlayıb. Faktla bağlı araşdırma aparılır. oxu.az

ŞƏRH YAZ
0
BAĞLA