Bakıda kafedə musiqi sifarişi müştərinin ölümü ilə nəticələndi — TƏFƏRRÜAT

Bakıda kafedə musiqi sifarişi müştərinin ölümü ilə nəticələndi
10:00
10.08.2018
6679
Hadisə
A
Hadisə Binəqədi rayonu, Xırdalan dairəsində yerləşən Aşıqlar kafesində qeydə alınıb.

“Ölkə.Az”ın məlumatına görə, kafenin işçiləri ilə müştəri Həmzəyev Cavid Şahid oğlu arasında mübahisə düşüb, nəticədə sonuncu möhkəm döyülüb. Ağır xəsarət alan C.Həmzəyev Xırdalanda yerləşən təcili tibbi yardım stansiyasına aparılıb. Ancaq onun həyatını xilas etmək mümkün olmayıb və aldığı xəsarətlərdən dünyasını dəyişib. 

Baş vermiş insidentlə bağlı hüquq-mühafizə orqanlarının əməkdaşları tərəfindən cinayəti törətməkdə şübhəli bilinən Xaliq Mustafayev adlı şəxs saxlanılıb. İlkin dindirmələr zamanı məlum olub ki, mübahisə musiqi sifariş vermək üstündə düşüb. C.Həməzyevin həm sifarişi kəsilib, həm də döyülüb. 

Faktla bağlı Binəqədi rayon prokurorluğunda  cinayət məcəlləsinin 126.3-cü maddəsi ilə cinayət işi başlanıb, istintaq davam etdirilir.

Ölkə.Az

 

ŞƏRH YAZ
0

Bakıda 3 uşaq anasının öldüyü qəzadan dəhşətli GÖRÜNTÜLƏR — ANBAAN VİDEO

Bakıda 3 uşaq anasının öldüyü qəzadan dəhşətli GÖRÜNTÜLƏR
13:30
Bu gün
178
Hadisə
A
Bakının mərkəzində - Zərifə Əliyeva küçəsi ilə Səməd Vurğun küçəsinin kəsişməsində, Muzey Mərkəzi binasının arxasında yol-nəqliyyat hadisəsi baş vermişdi.

"Ölkə.Az" avtosfer.az-a istinadən xəbər verir ki, "Hyundai Tucson” markalı avtomobilin sürücüsü idarəetməni itirib və nəticədə maşın ağaca çırpılıb. 40 yaşlı Könül Abbaslı hadisə yerində ölüb.

Avtomobilin sükanı arxasında K.Abbaslının dayısının həyat yoldaşı olub. Maşında cəmi dörd nəfər olub. Üç nəfər Kliniki Tibbi Mərkəzin reanimasiya şöbəsinə yerləşdirilib.

Qeyd edək ki, ölən qadın üç uşaq anasıdır. 

Ölkə.Az

ŞƏRH YAZ
0

Yardımlıdakı meşə yanğınları barədə — SON MƏLUMAT - VİDEO

Yardımlıdakı meşə yanğınları barədə
11:43
Bu gün
519
Hadisə
A
Yardımlıdakı meşə yanğınlarına FHN-nin helikopteri cəlb olunub.

Ekologiya və Təbii Sərvətlər Nazirliyindən “Ölkə.Az”a bildirilib ki, avqustun 21-də gecə saatlarında Yardımlı rayonunun Ləzir kəndi yaxınlığında çətin keçilən yüksək dağlıq meşə ərazisində baş verən yanğın Ekologiya və Təbii Sərvətlər Nazirliyinin yerli qurumlarının, Fövqəladə Hallar Nazirliyinin yanğından mühafizə xidmətinin əməkdaşlarının və yerli əhalinin səyləri nəticəsində əsasən əl əməyindən istifadə olunmaqla  ətrafa yayılmasının qarşısı alınıb. 

Buna baxmayaraq,  yanğın baş verən ərazi çox mürəkkəb coğrafi relyefə,  hündür. Sərt keçilməz yamac  olduğundan yanğınsöndürən maşınların əraziyə qalxması mümkün olmayıb. Artıq bu gün səhərdən etibarən yanğının söndürülməsi üçün əraziyə FHN-nin aviasiya dəstəsinin helikopteri də cəlb olunub. Hazırda tüstülənən sahələrin tam söndürülməsi istiqamətində işlər davam etdirilir.

Qeyd edək ki, son günlərdə Yardımlının digər ərazilərində də meşə yanğınları olub. Bir neçə gün öncə “Böyük Avaraq” deyilə ərazidə meşə massivində yanğın baş vermişdi. 

Ölkə.Az

ŞƏRH YAZ
0
BAĞLA