Bakıda keçirilən oyunda Ermənistan bayrağı dalğalandırılıb? — AÇIQLAMA

Bakıda keçirilən oyunda Ermənistan bayrağı dalğalandırılıb?
10:16
14.08.2019
801
Ölkə
A
Sosial şəbəkələrdə və bəzi idman saytlarında Çempionlar Liqasının 3-cü təsnifat mərhələsi üzrə ötən gün Bakıda keçirilən oyun zamanı azerkeşlərin rəqib komandaya hücüm çəkməsi ilə bağlı yayılan məlumatlar həqiqətə uyğun deyil.

"Ölkə.Az" xəbər verir ki, bu barədə Bakı Şəhər Baş Polis İdarəsinin Mətbuat xidmətindən məlumat verilib. 

Onun sözlərinə görə, oyun yüksək təhlükəsizlik şəraitində başa çatıb, heç bir neqativ hal baş verməyib: "Digər xarici ölkədə keçirilən oyun zamanı baş verən insidenti dünənki oyuna “transformasiya” etmək cəhdi ictimai fikri çaşdırmaq məqsədi daşıyır. Qəti olaraq bildiririk ki, Bakıda keçirilən oyun zamanı Ermənistan bayrağı dalğalandırılmayıb, bununla bağlı hər hansı fakt qeydə alınmayıb. Əgər varsa, Bakı şəhər Baş Polis İdarəsinə təqdim olunmasını tövsiyyə edirik. Həmin məlumatlar tərəfimizdən qəti şəkildə təkzib olunur. 

Polis orqanları ilə heç bir dəqiqləşdirmə aparamdan əsassız yazılıb, iddialar dezinformasiyadır. Mətbuat nümayəndələrinə tövsiyyə olunur ki, həqiqətə uyğun olmayan məlumatların yayılmaması və bu kimi halların gələcəkdə təkrarlanmaması məqsədilə həmin məlumatları dərc etməzdən əvvəl informasiyanın düzgünlüyünü dəqiqləşdirsinlər". 

Qeyd edək ki, UEFA Çempionlar Liqasının III təsnifat mərhələsinin cavab oyununda “Qarabağ” klubu Bakıda APOEL-i qəbul edib. Görüş Kipr təmsilçisinin 0:2 hesablı qələbəsi ilə başa çatıb. 

Ölkə.Az

ŞƏRH YAZ
0

Atəşkəs rejimi yenə pozuldu

Atəşkəs rejimi yenə pozuldu
09:55
Bu gün
179
Ölkə
A
Ermənistan silahlı qüvvələrinin bölmələri cəbhənin müxtəlif istiqamətlərində iriçaplı pulemyotlardan da istifadə etməklə sutka ərzində atəşkəs rejimini 21 dəfə pozub.

"Ölkə.Az"Müdafiə Nazirliyinə istinadən xəbər verir ki, Ermənistan Respublikası Noyemberyan rayonu ərazisindəki adsız yüksəkliklərdə, İcevan rayonunun Paravakar kəndində yerləşən mövqelərdən Qazax rayonu ərazisindəki adsız yüksəkliklərdə, Berd rayonunun Ayqepar, Çinari kəndlərində yerləşən mövqelərdən Tovuz rayonunun Əlibəyli, Ağbulaq kəndlərində, Krasnoselsk rayonu ərazisindəki adsız yüksəkliklərdə yerləşən mövqelərdən Gədəbəy rayonunun Zamanlı kəndində və adsız yüksəkliklərdə yerləşən mövqelərimiz atəşə tutulub.

Ağdam rayonunun işğal altında olan Cəvahirli, Yusifcanlı, Füzuli rayonunun Qərvənd, Horadiz kəndləri yaxınlığında, həmçinin Goranboy, Tərtər, Ağdam, və Xocavənd rayonları ərazisindəki adsız yüksəkliklərdə yerləşən mövqelərdən də ordumuzun mövqeləri atəşə tutulub.

ŞƏRH YAZ
0

Xaçmazlı iki bacı küçə itləri üçün sığınacaq yaradıblar — FOTO

Xaçmazlı iki bacı küçə itləri üçün sığınacaq yaradıblar
09:27
Bu gün
508
Ölkə
A
Xaçmazda könüllü qızlar küçə itləri üçün sığınacaq yaradıb.

"Ölkə.Az" oxu.az-a istinadən xəbər verir ki, üç ildir fəaliyyət göstərən sığınaqda hazırda 120-ə yaxın küçə iti saxlanılır. 

Rayonda köhnə fermanı icarəyə götürən könüllü bacılar – Nailə Rüstəmli və Hava Rüstəmli ətraflarına heyvansevərləri toplayaraq yaralı, yolda avtomobillə vurulan, xəstə, sahibi tərəfindən döyülərək küçəyə atılan itləri bu sığınacağa gətirərək müalicə edirlər. 

Heyvanlara hər gün 100 kiloqram aşağı keyfiyyətli, amma bişirilmiş ət verilir. Buradakı itlərə vaxtı-vaxtında bütün peyvəndlər vurulur.

İtlərin yemlənməsi, müalicəsi və digər xərclər üçün hər ay 1500 manata yaxın vəsait xərclənir. 

Onların arzusu gələcəkdə regionda heyvanlara xidmət edən klinikanın olmasıdır.

ŞƏRH YAZ
0
BAĞLA