Bakıda keçmiş məhkum azyaşlı qızı və qadını soydu

“Ölkə.Az” xəbər verir ki, Xəzər RPİ-nin 2-ci Polis Şöbəsinə müraciət edən Bakı şəhər sakini olan bir qadın fevralın 10-da Buzovna qəsəbəsi ərazisində naməlum şəxsin onun içərisində pulu və mobil telefonu olan çantasını açıq talama yolu ilə aldığını bildirib.

Müraciətlə əlaqədar  dərhal müvafiq araşdırmalar başlanılıb. Keçirilən əməliyyat-axtarış tədbirləri nəticəsində soyğunçuluğu törətməkdə şübhəli bilinən Bakı şəhər sakini, əvvəllər dəfələrlə məhkum olunmuş Ə.Stupka polis əməkdaşları tərəfindən saxlanılıb. Saxlanılan şəxsin ətrafında aparılan tədbirlərlə onun digər cinayət əməlinin də üstü açılıb. Belə ki, onun Şüvəlan qəsəbəsində  bir azyaşlı qızı bıçaqla hədələyərək qulağındakı qızıl sırğaları soyğunçuluq yolu ilə ələ keçirdiyi də məlum olub. Faktlarla bağlı Xəzər Rayon Polis İdarəsində araşdırma aparılır.

Natiq Allahverdiyev
Ölkə.Az