Bakıda keçmiş məhkum içi pul və qızıl olan seyfi oğurladı
Bakıda içərisində pul və qızıl-zinət əşyaları olan seyfi oğurlamaqda şübhəli bilinən Bakı şəhər sakini S.Süleymanov saxlanılıb.
"Ölkə.Az" xəbər verir ki, Xətai Rayon Polis İdarəsinin 36-cı Polis Bölməsinin əməkdaşlarının keçirdikləri əməliyyat tədbirləri nəticəsində rayon ərazisindəki evlərin birindən içərisində 400 manat pul və 10.200 manat dəyərində qızıl-zinət əşyaları olan seyfi oğurlamaqda şübhəli bilinən Bakı şəhər sakini, əvvəllər məhkum olunan S.Süleymanov saxlanılıb. O polisə verdiyi ifadəsində törətdiyi əməli etiraf edib.
Faktla bağlı araşdırma aparılır.
Natiq Allahverdiyev
Ölkə.Az
