Bakıda keçmiş məhkumda heroin və saxta əskinas götürülüb
Baş Mütəşəkkil Cinayətkarlıqla Mübarizə İdarəsinin əməkdaşları uğurlu əməliyyat tədbiri həyata keçirib.
"Ölkə.Az" xəbər verir ki, DİN-in Baş Mütəşəkkil Cinayətkarlıqla Mübarizə İdarəsi əməkdaşlarının əldə edilən məlumat əsasında keçirdikləri əməliyyat tədbiri nəticəsində Tərtər rayon sakini, əvvəllər məhkum olunmuş A.Cavadov paytaxtın Nərimanov rayonu ərazisində saxlanılıb.
Şəxsi axtarış zamanı ondan narkotik vasitə olan heroin aşkar edilib.
A.Cavadovun “BMW” markalı avtomobilinə baxış zamanı isə oradan 7 ədəd 50 manatlıq saxta əskinas aşkar edilərək götürülüb.
Faktla bağlı araşdırma aparılır.
Natiq Allahverdiyev
Ölkə.Az
