Bakıda keçmiş məhkumların qanlı davası qətlə səbəb oldu

Bakıda keçmiş məhkumların qanlı davası qətlə səbəb oldu
17:00
13.03.2018
682
Hadisə
A
Bakıda qətl törətməkdə təqsirləndirilən Vüqar Həsənovun cinayət işi üzrə məhkəmə prosesi keçirilib.

“Ölkə.Az” xəbər verir ki, bu gün Bakı Ağır Cinayətlər Məhkəməsində hakim Rasim Sadıxovun sədrliyi ilə baş tutan  prosesdə şahid dinləmələri olub. 

İttihama görə, ötən ilin oktyabrında Xətai rayonu ərazisində paytaxt sakini, 31 yaşlı Vüqar Həsənov Elşən Məmmədovla mübahisə edib. 

Mübahisə tərəflər arasında yol verilmiş nalayiq ifadələrdən qaynaqlanıb. Hər iki şəxs daha sonra hadisə yerinə bıçaqla gəlib, əlbəyaxa davaya çevrilən mübahisə zamanı qarşılıqlı şəkildə bir-birilərinə bıçaqla xəsarətlər yetirib.

Nəticədə ağır xəsarət alan Vüqar Həsənov 3 saylı Şəhər Klinik Xəstəxanasına yerləşdirilib. Onun bıçaqladığı şəxs isə hadisə yerində dünyasını dəyişib. 
Məlumata görə, hər iki şəxs eyni məhəllədə yaşayıblar və dost olublar. Onların hər ikisi Cinayət Məcəlləsinin müxtəlif maddələri ilə əvvəllər məhkum ediliblər.

Cinayət işi üzrə şahid qismində ifadə verən Vahid Qəhrəmanov bildirib ki, O, Xəzər univermağının yanında mebel sexi işlətdiyini və hadisə şahidi olduğunu söyləyib: 
“Sexin qabağında duran zaman iki nəfər əlində bıçaq ora yaxınlaşdı. Vüqarın sinəsi qan idi, rəhmətə gedən şəxsin köynəyi isə cırılmışdı. Bu zaman rəhmətliyin ayağına nəsə ilişdi və o, yerə yıxıldı. Vüqar ona yaxınlaşıb “ölmə” dedi. Sonra ölən şəxs ayağa qalxdı və bir-birlərinə bıçaq atdılar. Rəhmətlik bir neçə dəfə yerə yıxılıb, qalxırdı. O, sonuncu dəfə yerə yıxıldı və qalxmadı, öldü”.

Şahid qeyd edib ki, təqsirləndirilən Vüqar Həsənov hadisə yerindən qaçmayıb: 
“Biz rəhmətliyə yaxınlaşanda onun sinəsində 2 bıçaq yarası var idi. İstintaq dövründə isə mənə onun ölmüş şəkilini göstərdilər. Rəhmətliyin qarnında 3 bıçaq yarası gördüm”.

Daha sonra məhkəmədə zərərçəkmişin nümayəndəsi Suman Məmmədovanın ərizəsi elan olunub. O, təqsirləndirilən şəxsdən şikayətçi olmadığını söyləyib.

Növbəti proses martın 27-də davam edəcək.

ŞƏRH YAZ
0

Şəkidə taxta emalı sexi yanıb

Şəkidə taxta emalı sexi yanıb
01:01
Bu gün
150
Hadisə
A
Şəkidə yanğın qeydə alınıb.

"Ölkə.Az" FHN-ə istinadla xəbər verir ki, şəhərin ümumi sahəsi 700 m² olan tikilinin (taxta emalı sexi kimi fəaliyyət göstərir) yanar konstruksiyaları 350 m² sahədə və içərisinə yığılmış hazır taxta məmularları yanıb.

Tikilinin qalan hissəsi yanğından mühafizə olunub.

Yanğın yanğından mühafizə bölmələri tərəfindən söndürülüb.

Ölkə.Az

ŞƏRH YAZ
0

İntihara cəhdin qarşısı alınıb

İntihara cəhdin qarşısı alınıb
00:34
Bu gün
198
Hadisə
A
Sumqayıtda intihara cəhdin qarşısı alınıb.

"Ölkə.Az" Fövqəladə Hallar Nazirliyindən verilən məlumata görə, Böhran Vəziyyətlərində İdarəetmə Mərkəzinə daxil olmuş məlumata əsasən, Sumqayıt şəhərində 1 nəfər beşmərtəbəli yaşayış binasının damına çıxaraq intihar etmək istəyini nümayiş etdirib.

Sumqayıt Regional Mərkəzinin müvafiq xilasetmə qüvvələri dərhal hadisə yerinə cəlb olunub. Xilasedicilər tərəfindən hadisə yerində müvafiq təhlükəsizlik tədbirləri görülüb. Vətəndaşla aparılan psixoloji söhbətlər nəticəsində o, özünə qəsd etmək fikrindən daşınıb.

Əməliyyat başa çatıb.

Ölkə.Az

ŞƏRH YAZ
0
BAĞLA