Bakıda kişi sevgilisini əvvəlcə bıçaqladı, sonra təcili yardım çağırdı — TƏFƏRRÜAT

Bakıda kişi sevgilisini əvvəlcə bıçaqladı, sonra təcili yardım çağırdı
11:11
15.05.2019
945
Hadisə
A
Qeyri-rəsmi münasibətdə olduğu qadını öldürməyə cəhddə təqsirli bilinən Azər Əhmədov Ali Məhkəməyə müraciət edib.

"Ölkə.Az" xəbər verir ki, təqsirləndirilən şəxsin müraciəti ilə bağlı məhkəmə baxış iclası iyun ayının 16-da hakim Tahir Kazımovun sədrliyi ilə keçiriləcək.

İttihama görə  Azər Əhmədov bir neçə ay əvvəl qeyri-rəsmi münasibətdə olduğu, ər-arvad kimi birlikdə yaşadığı Məhəbbət Şıxıyevaya 6 bıçaq zərbəsi endirib.

Buna səbəb Azər Əhmədov evə gəlmədiyi, telefonuna zəng çatmadığı üçün Şıxıyevanın onun qohumlarına zəng etməsi olub. Şıxıyevanın bu hərəkətindən qəzəblənən Azər Əhmədov evə gələrək arvadı ilə mübahisə edib. Mübahisə zamanı Əhmədov mətbəxdən götürdüyü bıçaqla Şıxıyevaya 6 bıçaq xəsarəti yetirib. 

Daha sonra arvadının həyatını xilas etmək üçün özü təcili tibbi yardıma zəng edib.

Xəstəxanaya çatdırılan Məhəbbət Şıxıyevanın həyatını xilas etmək mümkün olub.

Polis əməkdaşlarə tərəfindən saxlanılan  Azər Əhmədova qarşı Cinayət Məcəlləsinin 29.120.1-ci (qəsdən adam öldürməyə cəhd) maddəsi ilə ittiham irəli sürülüb.

Natiq Allahverdiyev
Ölkə.AZ

 

ŞƏRH YAZ
0

Oğurluq etdiyi mağazanı yandıran keçmiş məhkum saxlanıldı

Oğurluq etdiyi mağazanı yandıran keçmiş məhkum saxlanıldı
23:03
23.07.2019
998
Hadisə
A
İyulun 19-da Ağdam rayon sakini N.Rüstəmova məxsus, ümumi sahəsi 32 kvm olan mağazada yanğın baş verib.

“Ölkə.Az” DİN-ə istinadən xəbər verir ki, Ağdam RPŞ-nin əməkdaşları tərəfindən aparılmış araşdırmalarla Quzanlı kənd sakini, əvvəllər məhkum olunmuş R.Hüseynovun həmin mağazadan oğurluq etməsi, daha sonra yanğını törətməsi müəyyən edilib.

Həyata keçirilmiş əməliyyat-axtarış tədbirləri ilə R.Hüseynov saxlanılıb.

Faktla əlaqədar Cinayət Məcəlləsinin müvafiq maddələri ilə cinayət işi başlanıb.

Ölkə.Az

ŞƏRH YAZ
0

Bulvarda batan şəxsin meyiti tapıldı — Yenilənib

Bulvarda batan şəxsin meyiti tapıldı
21:41
23.07.2019
2282
Hadisə
A
Xəzər dənizinin Astara rayonu ərazisində bir nəfər batıb.

Bu barədə "Ölkə.Az"a Fövqəladə Hallar Nazirliyindən məlumat verilib. 

Belə ki, FHN-in "112" qaynar telefon xəttinə, Astara rayonunda dənizdə, qeyri-çimərlik ərazidə (nəzarətsiz) 1 nəfərin batması barədə məlumat daxil olub. 

Nazirliyin Kiçikhəcmli Gəmilərə Nəzarət və Sularda Xilasetmə Dövlət Xidmətinin dalğıc-axtarış qrupu axtarışlara cəlb olunub.

Əlavə məlumat veriləcək.

***

Astarada dənizdə batan şəxsin meyiti çıxarılıb.

“Ölkə.Az” APA-ya istinadən xəbər verir ki, Astara şəhər sakini, 2003-cü il təvəllüdlü Sahib Rauf oğlu İsmayılov Bulvar ərazisində batıb.

FHN-nin Kiçikhəcmli Gəmilərə Nəzarət və Sularda Xilasetmə Dövlət Xidmətinin dalğıc-axtarış qrupu tərəfindən S.İsmayılovun meyiti sudan çıxarılıb və aidiyyəti üzrə təhvil verilib.

Ölkə.Az

ŞƏRH YAZ
0
BAĞLA