KORONAVİRUSA YOLUXANLARIN SAYI - CANLI STATİSTİKA

Bakıda küçənin ortasında kişini döydülər — Marketdə satıcını bıçaqlayıbmış - VİDEO

Bakıda küçənin ortasında kişini döydülər
14:21
27.02.2020
2788
Hadisə
A
Yasamal rayonunda gənc oğlanı küçədə döydülər.

"Ölkə.Az" xəbər verir ki, video görüntü paytaxtın Yasamal rayonu ərazisində qeydə alınıb.

Göründüyü kimi küçənin ortasında bir nəfər naməlum şəxs bir qrup tərəfindən döyülür.

Hadisə yerinə gələn polis əməkdaşları insidentin qarşısını alaraq döyülən şəxsi ərazidən uzaqlaşdırıblar.

Bakı Şəhər Baş Polis İdarəsinin Mətbuat Xidmətinin rəisi, polis mayoru Elşad Hacıyev bildirib ki, hadisə Yasamal rayonunda yerləşən marketlərindən birində oğurluğa cəhd zamanı baş verib.

Onun sözlərinə görə, hadisəni törədən şəxsin hərəkətlərinin qarşısı satıcı tərəfindən alınarkən ona bıçaq xəsarəti yetirməklə həmin ünvandan qaçmağa çalışıb.

Ərazidə xidmətdə olan Yasamal Rayon Polis İdarəsinin Post Patrul Xidməti əməkdaşlarının çevik və operativ müdaxiləsi ilə əvvələr Cinayət Məcəlləsinin müxtəlif maddələri ilə məhkum olunmuş 1977-ci il təvəllüdlü Ramin Cavadov saxlanılaraq 27-ci Polis Bölməsinə təhvil verilib.
Faktla bağlı araşdırmalar davam etdirilir.

Ölkə.Az

ŞƏRH YAZ
0

Azərbaycanda kəndi sel basdı - maşın sular altında qaldı — VİDEO

Azərbaycanda kəndi sel basdı - maşın sular altında qaldı
11:59
Bu gün
966
Hadisə
A
Qobustan rayonunun Poladlı kəndində yağan güclü yağışdan sonra dağlardan gələn sel suları sakinlərə böyük ziyan vurub.

"Ölkə.Az" APA-ya istinadla xəbər verir ki, iyulun 11-də axşam saatlarında kəndə gələn güclü sel nəticəsində 20-dən çox fərdi yaşayış evini su basıb, ev quşları tələf olub, kəndin daxili yolları dağılaraq bərbad vəziyyətə düşüb, daxili küçələri qalın lil qatı örtüb.

Sel suları Pirsaat çayı üzərindəki kiçik körpünü dağıdıb, böyük körpünün bir dirəyini uçurub, kənd icra nümayəndəsinin müavininə məxsus "QAZ 3110" markalı minik avtomobili su altında qalıb. Təbii fəlakət zamanı kəndin qaz xətti sıradan çıxıb, elektrik və rabitə dirəkləri, meyvə ağacları aşıb, naqillər qırılıb.

Rayon fövqəladə hallar komissiyasının nümayəndələri kəndə gələrək sel sularının ziyan vurduğu ərazilərə baxış keçirib, vətəndaşların müraciətini dinləyiblər. Kənddə selin törətdiyi fəsadların aradan qaldırılması üçün işlərə başlanılıb.

ŞƏRH YAZ
0

Kürdəmirdə DƏHŞƏTLİ QƏTL — Ata oğlunu güllələdi

Kürdəmirdə DƏHŞƏTLİ QƏTL
11:05
Bu gün
1393
Hadisə
A
Kürdəmirdə ata oğulu güllələyərək öldürüb.

"Ölkə.Az" bildirir ki, hadisə rayonun Xırdapay kəndində baş verib.

Xırdapay kənd sakini, 1959-cu il təvəllüdlü Məzahir Heybət oğlu Şəmiyev aralarında baş vermiş münaqişə zəminində oğlu, 1985-ci il təvəllüdlü  Elkən Şəmiyevi ov tüfəngi ilə güllələyərək öldürüb.

Faktla bağlı Kürdəmir Rayon Prokurorluğunda araşdırma aparılır. APA

ŞƏRH YAZ
0
BAĞLA