Bakıda kütləvi dava — Bıçaqlanan var

Bakıda kütləvi dava
10:18
12.07.2018
1547
Hadisə
A
Bakıda kütləvi dava olub.

"Ölkə.Az" Report-a istinadən xəbər verir ki, hadisə Nardaran qəsəbəsində qeydə alınıb.

Gecə saatlarında "Dəniz yolu" adlanan ərazidə 1993-cü il təvəllüdlü Əliyev Hacıağa Nizami oğlu və tanışı 3 naməlum şəxlə əlbəyaxa dava edib. Nəticədə H.Əliyevin qarın nahiyəsinə iki bıçaq zərbəsi vurulub.

Yaralı ağır vəziyyətdə 1 saylı Kliniki Tibbi Mərkəzə yerləşdirilib.

Faktla bağlı Sabunçu Rayon Polis İdarəsi və 42-ci Polis Bölməsinin əməkdaşları hadisə yerinə cəlb edilib.

Hadisəni törətməkdə şübhəli bilinən şəxslərin axtarışına başlanılıb.

ŞƏRH YAZ
0

Bakıda zorlanmadan son anda qurtarılan qadın danışdı — VİDEO

Bakıda zorlanmadan son anda qurtarılan qadın danışdı
17:34
Bu gün
68
Hadisə
A
Bakının Qala qəsəbəsində baş verən zorlama hadisəsinə görə sakinlər hadisəni törətməkdə şübhəli bilinən şəxs S.Quliyev​in ailəsinə qarşı çıxıblar.

"Ölkə.Az"ın məlumatına görə, “Qafqazinfo”nun əməkdaşları qəsəbəyə gedərək zərərçəkmiş şəxs və hadisə şahidlərini dinləyiblər.

26 yaşlı Xatirə (ad şərtidir) sentyabrın 25-i, axşam saatlarında işdən evə gedərkən qonşusu S.Quliyev arxadan ona yaxınlaşaraq sakit durmasını deyib və ondan xoşu gəldiyini bildirib.

Daha sonra Xatirə ilə cinsi əlaqədə olmaq istəyərkən qadının müqaviməti ilə rastlaşıb. İki uşaq atası olan şübhəli şəxs Xatirəni vuraraq yerə yıxıb. Onu soyundurmağa başlayıb, bu zaman qonşu Ruslan səsi eşidərək küçəyə çıxıb və Xatirəni onun əlindən alıb.

Nəticədə, qızın sifətində bir neçə yerdən zərbənin izləri qalıb, dörd yaşlı qızı olan Xatirə polisə şikayət etsə də, S.Quliyev hələ də həbs olunmayıb. Məhz ailə və qəsəbə sakinləri də bundan narazıdır.

Hətta sakinlər tələblərində daha da irəli gedərək həmin kişinin anası, atası və arvadının da bu yaşayış sahəsindən çıxıb getmələrini istəyirlər.

Hüquq-mühafizə orqanlarından verilən məlumata görə, zorlamada ittiham olunan şəxs saxlanılıb.

Hazırda hadisə ilə bağlı Xəzər Rayon Prokurorluğunda araşdırma aparılır.

ŞƏRH YAZ
0

"Cənnətdə onunla təkrar qovuşmaq ən böyük arzumdur" — Sevil Nuriyeva + FOTO

16:09
Bu gün
983
Hadisə
A
Jurnalist Sevil Nuriyeva “Facebook” səhifəsində bir neçə gün öncə Türkiyədə qətlə yetirilən həyat yoldaşı Etimad İsmayılov haqqında paylaşım edib.

"Ölkə.Az" xəbər verir ki, o, söz verib ki, həyat yoldaşı oğlunu və onun özünü necə görmək istəyirdisə elə də olacaq.

“Bu dünya mərdləri də, namərdləri də ayırd edən yerdir. Nəhayətdə Divana çıxacağıq. Mənim Etimadım mərd doğuldu, mərd kişi kimi bu aləmi tərk etdi...

Cənnətdə onunla təkrar qovuşmaq ən böyük arzumdur. Bu gün 7-ci gündür ki, bu aləmi tərk etdi. Mən ondan razıyam, dostları, iş gördüyü namuslu insanlar, qohumları ondan razıdır. Ağzı oruclu, qüsullu, ən son gün zəkat verərək dünyadan köçdü. Allah səndən razı olsun, canımın içi. Sən İlyası necə görmək istəyirdinsə, məni necə görmək istəyirdinsə - sənə söz verirəm – hamısı olacaq...

Bu gün dostlarından, dostlarımdan mülk və yasin surəsi oxumasını xahiş edirəm. Məni tək qoymayan, dualar edən, başsağlığı verən, mənim çiynimə çiynini söykəyən həqiqi dostlarımıza təşəkkür edirəm. Allah sizləri qorusun və dərd verməsin.
Bu dünyada nəfəsim bədənimdən çıxan günə qədər Allah üçün, məfkurəm üçün, mübarizəm üçün, Etimadım üçün, İlyasım üçün, dostlarım üçün yaxşı olmağa, mərd olmağa, mərhəmətli olmağa davam edəcəyəm. Acım dərindir və heç vaxt azalmayacaq.

Amma cənnətdə qovuşanadək dua edəcəyəm, Etimad. Səninlə fəxr etdim hər zaman... Səninlə birlikdə keçirilən hər an bir ömür qədər qiymətlidir, əzizdir, əzizim. Arxanda qoyduğun mərd adam adı üçün sağ ol, canım.
İlyasa qoyduğun ən qiymətli miras budur. Məni gözlə, əzizim, vaxt tamam olanda Allah cənnətində qovuşduracaq, inşallah.

Qeyd: Sənə alçaqcasına, qorxaqcasına, şərəfsizcəsinə hücum edən murdar isə hər iki dünyada bimar olacaq. Allahın ədalətinə sonsuz şükürlər olsun. Və Türkiyə dövlətinin ədaləti hər şeyi, şübhəsiz, ortaya çıxaracaq. Qanımızı axıdan bişərəfin, namussuzun cəzasını ilahi ədalətə və Türkiyə dövlətinin ədalətinə buraxıram”, - deyə Nuriyeva yazıb.

Ölkə.Az

ŞƏRH YAZ
0
BAĞLA